19Leviticus 19

1locutus est Dominus ad Mosen dicensSelect Leviticus 19:1

2loquere ad omnem coetum filiorum Israhel et dices ad eos sancti estote quia ego sanctus sum Dominus Deus vesterSelect Leviticus 19:2

3unusquisque matrem et patrem suum timeat sabbata mea custodite ego Dominus Deus vesterSelect Leviticus 19:3

4nolite converti ad idola nec deos conflatiles faciatis vobis ego Dominus Deus vesterSelect Leviticus 19:4

5si immolaveritis hostiam pacificorum Domino ut sit placabilisSelect Leviticus 19:5

6eo die quo fuerit immolata comedetis eam et die altero quicquid autem residuum fuerit in diem tertium igne conburetisSelect Leviticus 19:6

7si quis post biduum comederit ex ea profanus erit et impietatis reusSelect Leviticus 19:7

8portabit iniquitatem suam quia sanctum Domini polluit et peribit anima illa de populo suoSelect Leviticus 19:8

9cum messueris segetes terrae tuae non tondebis usque ad solum superficiem terrae nec remanentes spicas colligesSelect Leviticus 19:9

10neque in vinea tua racemos et grana decidentia congregabis sed pauperibus et peregrinis carpenda dimittes ego Dominus Deus vesterSelect Leviticus 19:10

11non facietis furtum non mentiemini nec decipiet unusquisque proximum suumSelect Leviticus 19:11

12non peierabis in nomine meo nec pollues nomen Dei tui ego DominusSelect Leviticus 19:12

13non facies calumniam proximo tuo nec vi opprimes eum non morabitur opus mercennarii apud te usque maneSelect Leviticus 19:13

14non maledices surdo nec coram caeco pones offendiculum sed timebis Deum tuum quia ego sum DominusSelect Leviticus 19:14

15non facies quod iniquum est nec iniuste iudicabis nec consideres personam pauperis nec honores vultum potentis iuste iudica proximo tuoSelect Leviticus 19:15

16non eris criminator et susurro in populis non stabis contra sanguinem proximi tui ego DominusSelect Leviticus 19:16

17ne oderis fratrem tuum in corde tuo sed publice argue eum ne habeas super illo peccatumSelect Leviticus 19:17

18non quaeres ultionem nec memor eris iniuriae civium tuorum diliges amicum tuum sicut temet ipsum ego DominusSelect Leviticus 19:18

19leges meas custodite iumenta tua non facies coire cum alterius generis animantibus agrum non seres diverso semine veste quae ex duobus texta est non induerisSelect Leviticus 19:19

20homo si dormierit cum muliere coitu seminis quae sit ancilla etiam nubilis et tamen pretio non redempta nec libertate donata vapulabunt ambo et non morientur quia non fuit liberaSelect Leviticus 19:20

21pro delicto autem suo offeret Domino ad ostium tabernaculi testimonii arietemSelect Leviticus 19:21

22orabitque pro eo sacerdos et pro delicto eius coram Domino et repropitiabitur ei dimitteturque peccatumSelect Leviticus 19:22

23quando ingressi fueritis terram et plantaveritis in ea ligna pomifera auferetis praeputia eorum poma quae germinant inmunda erunt vobis nec edetis ex eisSelect Leviticus 19:23

24quarto anno omnis fructus eorum sanctificabitur laudabilis DominoSelect Leviticus 19:24

25quinto autem anno comedetis fructus congregantes poma quae proferunt ego Dominus Deus vesterSelect Leviticus 19:25

26non comedetis cum sanguine non augurabimini nec observabitis somniaSelect Leviticus 19:26

27neque in rotundum adtondebitis comam nec radatis barbamSelect Leviticus 19:27

28et super mortuo non incidetis carnem vestram neque figuras aliquas et stigmata facietis vobis ego DominusSelect Leviticus 19:28

29ne prostituas filiam tuam et contaminetur terra et impleatur piaculoSelect Leviticus 19:29

30sabbata mea custodite et sanctuarium meum metuite ego DominusSelect Leviticus 19:30

31ne declinetis ad magos nec ab ariolis aliquid sciscitemini ut polluamini per eos ego Dominus Deus vesterSelect Leviticus 19:31

32coram cano capite consurge et honora personam senis et time Deum tuum ego sum DominusSelect Leviticus 19:32

33si habitaverit advena in terra vestra et moratus fuerit inter vos ne exprobretis eiSelect Leviticus 19:33

34sed sit inter vos quasi indigena et diligetis eum quasi vosmet ipsos fuistis enim et vos advenae in terra Aegypti ego Dominus Deus vesterSelect Leviticus 19:34

35nolite facere iniquum aliquid in iudicio in regula in pondere in mensuraSelect Leviticus 19:35

36statera iusta et aequa sint pondera iustus modius aequusque sextarius ego Dominus Deus vester qui eduxi vos de terra AegyptiSelect Leviticus 19:36

37custodite omnia praecepta mea et universa iudicia et facite ea ego DominusSelect Leviticus 19:37