3Leviticus 3

1quod si hostia pacificorum fuerit eius oblatio et de bubus voluerit offerre marem sive feminam inmaculata offeret coram DominoSelect Leviticus 3:1

2ponetque manum super caput victimae suae quae immolabitur in introitu tabernaculi fundentque filii Aaron sacerdotes sanguinem per circuitum altarisSelect Leviticus 3:2

3et offerent de hostia pacificorum in oblationem Domini adipem qui operit vitalia et quicquid pinguedinis intrinsecus estSelect Leviticus 3:3

4duos renes cum adipe quo teguntur ilia et reticulum iecoris cum renunculisSelect Leviticus 3:4

5adolebuntque ea super altare in holocaustum lignis igne subposito in oblationem suavissimi odoris DominoSelect Leviticus 3:5

6si vero de ovibus fuerit eius oblatio et pacificorum hostia sive masculum sive feminam obtulerit inmaculata eruntSelect Leviticus 3:6

7si agnum obtulerit coram DominoSelect Leviticus 3:7

8ponet manum super caput victimae suae quae immolabitur in vestibulo tabernaculi testimonii fundentque filii Aaron sanguinem eius per altaris circuitumSelect Leviticus 3:8

9et offerent de pacificorum hostia sacrificium Domino adipem et caudam totamSelect Leviticus 3:9

10cum renibus et pinguedinem quae operit ventrem atque universa vitalia et utrumque renunculum cum adipe qui est iuxta ilia reticulumque iecoris cum renunculisSelect Leviticus 3:10

11et adolebit ea sacerdos super altare in pabulum ignis et oblationis DominiSelect Leviticus 3:11

12si capra fuerit eius oblatio et obtulerit eam DominoSelect Leviticus 3:12

13ponet manum suam super caput eius immolabitque eam in introitu tabernaculi testimonii et fundent filii Aaron sanguinem eius per altaris circuitumSelect Leviticus 3:13

14tollentque ex ea in pastum ignis dominici adipem qui operit ventrem et qui tegit universa vitaliaSelect Leviticus 3:14

15duos renunculos cum reticulo qui est super eos iuxta ilia et arvinam iecoris cum renunculisSelect Leviticus 3:15

16adolebitque ea sacerdos super altare in alimoniam ignis et suavissimi odoris omnis adeps Domini eritSelect Leviticus 3:16

17iure perpetuo in generationibus et cunctis habitaculis vestris nec adipes nec sanguinem omnino comedetisSelect Leviticus 3:17