11Mark 11

1Et cum adpropinquarent Hierosolymae et Bethaniae ad montem Olivarum mittit duos ex discipulis suisSelect Mark 11:1

2et ait illis ite in castellum quod est contra vos et statim introeuntes illuc invenietis pullum ligatum super quem nemo adhuc hominum sedit solvite illum et adduciteSelect Mark 11:2

3et si quis vobis dixerit quid facitis dicite quia Domino necessarius est et continuo illum dimittet hucSelect Mark 11:3

4Et abeuntes invenerunt pullum ligatum ante ianuam foris in bivio et solvunt eumSelect Mark 11:4

5et quidam de illic stantibus dicebant illis quid facitis solventes pullumSelect Mark 11:5

6qui dixerunt eis sicut praeceperat illis Iesus et dimiserunt eisSelect Mark 11:6

7et duxerunt pullum ad Iesum et inponunt illi vestimenta sua et sedit super eoSelect Mark 11:7

8multi autem vestimenta sua straverunt in via alii autem frondes caedebant de arboribus et sternebant in viaSelect Mark 11:8

9Et qui praeibant et qui sequebantur clamabant dicentes osanna benedictus qui venit in nomine DominiSelect Mark 11:9

10benedictum quod venit regnum patris nostri David osanna in excelsisSelect Mark 11:10

11Et introivit Hierosolyma in templum et circumspectis omnibus cum iam vespera esset hora exivit in Bethania cum duodecimSelect Mark 11:11

12et alia die cum exirent a Bethania esuriitSelect Mark 11:12

13cumque vidisset a longe ficum habentem folia venit si quid forte inveniret in ea et cum venisset ad eam nihil invenit praeter folia non enim erat tempus ficorumSelect Mark 11:13

14et respondens dixit ei iam non amplius in aeternum quisquam fructum ex te manducet et audiebant discipuli eiusSelect Mark 11:14

15Et veniunt Hierosolymam et cum introisset templum coepit eicere vendentes et ementes in templo et mensas nummulariorum et cathedras vendentium columbas evertitSelect Mark 11:15

16et non sinebat ut quisquam vas transferret per templumSelect Mark 11:16

17et docebat dicens eis non scriptum est quia domus mea domus orationis vocabitur omnibus gentibus vos autem fecistis eam speluncam latronumSelect Mark 11:17

18Quo audito principes sacerdotum et scribae quaerebant quomodo eum perderent timebant enim eum quoniam universa turba admirabatur super doctrina eiusSelect Mark 11:18

19Et cum vespera facta esset egrediebatur de civitateSelect Mark 11:19

20et cum mane transirent viderunt ficum aridam factam a radicibusSelect Mark 11:20

21et recordatus Petrus dicit ei rabbi ecce ficus cui maledixisti aruitSelect Mark 11:21

22Et respondens Iesus ait illis habete fidem DeiSelect Mark 11:22

23amen dico vobis quicumque dixerit huic monti tollere et mittere in mare et non haesitaverit in corde suo sed crediderit quia quodcumque dixerit fiat fiet eiSelect Mark 11:23

24Propterea dico vobis omnia quaecumque orantes petitis credite quia accipietis et veniet vobisSelect Mark 11:24

25Et cum stabitis ad orandum dimittite si quid habetis adversus aliquem ut et Pater vester qui in caelis est dimittat vobis peccata vestraSelect Mark 11:25

26quod si vos non dimiseritis nec Pater vester qui in caelis est dimittet vobis peccata vestraSelect Mark 11:26

27Et veniunt rursus Hierosolymam et cum ambularet in templo accedunt ad eum summi sacerdotes et scribae et senioresSelect Mark 11:27

28et dicunt illi in qua potestate haec facis et quis tibi dedit hanc potestatem ut ista faciasSelect Mark 11:28

29Iesus autem respondens ait illis interrogabo vos et ego unum verbum et respondete mihi et dicam vobis in qua potestate haec faciamSelect Mark 11:29

30baptismum Iohannis de caelo erat an ex hominibus respondete mihiSelect Mark 11:30

31at illi cogitabant secum dicentes si dixerimus de caelo dicet quare ergo non credidistis eiSelect Mark 11:31

32sed dicemus ex hominibus timebant populum omnes enim habebant Iohannem quia vere propheta essetSelect Mark 11:32

33et respondentes dicunt Iesu nescimus respondens Iesus ait illis neque ego dico vobis in qua potestate haec faciamSelect Mark 11:33