8Mark 8

1in illis diebus iterum cum turba multa esset nec haberent quod manducarent convocatis discipulis ait illisSelect Mark 8:1

2misereor super turba quia ecce iam triduo sustinent me nec habent quod manducentSelect Mark 8:2

3et si dimisero eos ieiunos in domum suam deficient in via quidam enim ex eis de longe veneruntSelect Mark 8:3

4et responderunt ei discipuli sui unde istos poterit quis hic saturare panibus in solitudineSelect Mark 8:4

5et interrogavit eos quot panes habetis qui dixerunt septemSelect Mark 8:5

6et praecepit turbae discumbere supra terram et accipiens septem panes gratias agens fregit et dabat discipulis suis ut adponerent et adposuerunt turbaeSelect Mark 8:6

7et habebant pisciculos paucos et ipsos benedixit et iussit adponiSelect Mark 8:7

8et manducaverunt et saturati sunt et sustulerunt quod superaverat de fragmentis septem sportasSelect Mark 8:8

9erant autem qui manducaverunt quasi quattuor milia et dimisit eosSelect Mark 8:9

10et statim ascendens navem cum discipulis suis venit in partes DalmanuthaSelect Mark 8:10

11Et exierunt Pharisaei et coeperunt conquirere cum eo quaerentes ab illo signum de caelo temptantes eumSelect Mark 8:11

12et ingemescens spiritu ait Quid generatio ista quaerit signum amen dico vobis si dabitur generationi isti signumSelect Mark 8:12

13et dimittens eos ascendens iterum abiit trans fretumSelect Mark 8:13

14et obliti sunt sumere panes et nisi unum panem non habebant secum in naviSelect Mark 8:14

15Et praecipiebat eis dicens videte cavete a fermento Pharisaeorum et fermento HerodisSelect Mark 8:15

16Et cogitabant ad alterutrum dicentes quia panes non habemusSelect Mark 8:16

17quo cognito Iesus ait illis quid cogitatis quia panes non habetis nondum cognoscitis nec intellegitis adhuc caecatum habetis cor vestrumSelect Mark 8:17

18oculos habentes non videtis et aures habentes non auditis nec recordaminiSelect Mark 8:18

19quando quinque panes fregi in quinque milia et quot cofinos fragmentorum plenos sustulistis dicunt ei duodecimSelect Mark 8:19

20quando et septem panes in quattuor milia quot sportas fragmentorum tulistis et dicunt ei septemSelect Mark 8:20

21et dicebat eis quomodo nondum intellegitisSelect Mark 8:21

22Et veniunt Bethsaida et adducunt ei caecum et rogabant eum ut illum tangeretSelect Mark 8:22

23et adprehendens manum caeci eduxit eum extra vicum et expuens in oculos eius inpositis manibus suis interrogavit eum si aliquid videretSelect Mark 8:23

24et aspiciens ait video homines velut arbores ambulantesSelect Mark 8:24

25deinde iterum inposuit manus super oculos eius et coepit videre et restitutus est ita ut videret clare omniaSelect Mark 8:25

26et misit illum in domum suam dicens vade in domum tuam et si in vicum introieris nemini dixerisSelect Mark 8:26

27Et egressus est Iesus et discipuli eius in castella Caesareae Philippi et in via interrogabat discipulos suos dicens eis quem me dicunt esse hominesSelect Mark 8:27

28qui responderunt illi dicentes Iohannem Baptistam alii Heliam alii vero quasi unum de prophetisSelect Mark 8:28

29tunc dicit illis vos vero quem me dicitis esse respondens Petrus ait ei tu es ChristusSelect Mark 8:29

30Et comminatus est eis ne cui dicerent de illoSelect Mark 8:30

31et coepit docere illos quoniam oportet Filium hominis multa pati et reprobari a senioribus et a summis sacerdotibus et scribis et occidi et post tres dies resurgereSelect Mark 8:31

32et palam verbum loquebatur Et adprehendens eum Petrus coepit increpare eumSelect Mark 8:32

33qui conversus et videns discipulos suos comminatus est Petro dicens vade retro me Satana quoniam non sapis quae Dei sunt sed quae sunt hominumSelect Mark 8:33

34Et convocata turba cum discipulis suis dixit eis si quis vult post me sequi deneget se ipsum et tollat crucem suam et sequatur meSelect Mark 8:34

35qui enim voluerit animam suam salvam facere perdet eam qui autem perdiderit animam suam propter me et evangelium salvam eam facietSelect Mark 8:35

36quid enim proderit homini si lucretur mundum totum et detrimentum faciat animae suaeSelect Mark 8:36

37aut quid dabit homo commutationem pro anima suaSelect Mark 8:37

38Qui enim me confusus fuerit et mea verba in generatione ista adultera et peccatrice et Filius hominis confundetur eum cum venerit in gloria Patris sui cum angelis sanctisSelect Mark 8:38

39Et dicebat illis amen dico vobis quia sunt quidam de hic stantibus qui non gustabunt mortem donec videant regnum Dei veniens in virtuteSelect Mark 8:39