11Matthew 11

1Et factum est cum consummasset Iesus praecipiens duodecim discipulis suis transiit inde ut doceret et praedicaret in civitatibus eorumSelect Matthew 11:1

2Iohannes autem cum audisset in vinculis opera Christi mittens duos de discipulis suisSelect Matthew 11:2

3ait illi tu es qui venturus es an alium expectamusSelect Matthew 11:3

4et respondens Iesus ait illis euntes renuntiate Iohanni quae auditis et videtisSelect Matthew 11:4

5caeci vident claudi ambulant leprosi mundantur surdi audiunt mortui resurgunt pauperes evangelizanturSelect Matthew 11:5

6et beatus est qui non fuerit scandalizatus in meSelect Matthew 11:6

7illis autem abeuntibus coepit Iesus dicere ad turbas de Iohanne quid existis in desertum videre harundinem vento agitatamSelect Matthew 11:7

8sed quid existis videre hominem mollibus vestitum ecce qui mollibus vestiuntur in domibus regum suntSelect Matthew 11:8

9sed quid existis videre prophetam etiam dico vobis et plus quam prophetamSelect Matthew 11:9

10Hic enim est de quo scriptum est ecce ego mitto angelum meum ante faciem tuam qui praeparabit viam tuam ante teSelect Matthew 11:10

11Amen dico vobis non surrexit inter natos mulierum maior Iohanne Baptista qui autem minor est in regno caelorum maior est illoSelect Matthew 11:11

12A diebus autem Iohannis Baptistae usque nunc regnum caelorum vim patitur et violenti rapiunt illudSelect Matthew 11:12

13Omnes enim prophetae et lex usque ad Iohannem prophetaveruntSelect Matthew 11:13

14et si vultis recipere ipse est Helias qui venturus estSelect Matthew 11:14

15qui habet aures audiendi audiatSelect Matthew 11:15

16Cui autem similem aestimabo generationem istam similis est pueris sedentibus in foro qui clamantes coaequalibusSelect Matthew 11:16

17dicunt cecinimus vobis et non saltastis lamentavimus et non planxistisSelect Matthew 11:17

18venit enim Iohannes neque manducans neque bibens et dicunt daemonium habetSelect Matthew 11:18

19venit Filius hominis manducans et bibens et dicunt ecce homo vorax et potator vini publicanorum et peccatorum amicus et iustificata est sapientia a filiis suisSelect Matthew 11:19

20Tunc coepit exprobrare civitatibus in quibus factae sunt plurimae virtutes eius quia non egissent paenitentiamSelect Matthew 11:20

21vae tibi Corazain vae tibi Bethsaida quia si in Tyro et Sidone factae essent virtutes quae factae sunt in vobis olim in cilicio et cinere paenitentiam egissentSelect Matthew 11:21

22verumtamen dico vobis Tyro et Sidoni remissius erit in die iudicii quam vobisSelect Matthew 11:22

23et tu Capharnaum numquid usque in caelum exaltaberis usque in infernum descendes Quia si in Sodomis factae fuissent virtutes quae factae sunt in te forte mansissent usque in hunc diemSelect Matthew 11:23

24verumtamen dico vobis quia terrae Sodomorum remissius erit in die iudicii quam tibiSelect Matthew 11:24

25In illo tempore respondens Iesus dixit confiteor tibi Pater Domine caeli et terrae quia abscondisti haec a sapientibus et prudentibus et revelasti ea parvulisSelect Matthew 11:25

26ita Pater quoniam sic fuit placitum ante teSelect Matthew 11:26

27Omnia mihi tradita sunt a Patre meo Et nemo novit Filium nisi Pater neque Patrem quis novit nisi Filius et cui voluerit Filius revelareSelect Matthew 11:27

28Venite ad me omnes qui laboratis et onerati estis et ego reficiam vosSelect Matthew 11:28

29tollite iugum meum super vos et discite a me quia mitis sum et humilis corde et invenietis requiem animabus vestrisSelect Matthew 11:29

30iugum enim meum suave est et onus meum leve estSelect Matthew 11:30