15Matthew 15

1Tunc accesserunt ad eum ab Hierosolymis scribae et Pharisaei dicentesSelect Matthew 15:1

2quare discipuli tui transgrediuntur traditionem seniorum non enim lavant manus suas cum panem manducantSelect Matthew 15:2

3ipse autem respondens ait illis quare et vos transgredimini mandatum Dei propter traditionem vestramSelect Matthew 15:3

4nam Deus dixit honora patrem et matrem et qui maledixerit patri vel matri morte moriaturSelect Matthew 15:4

5vos autem dicitis quicumque dixerit patri vel matri munus quodcumque est ex me tibi proderitSelect Matthew 15:5

6et non honorificabit patrem suum aut matrem et irritum fecistis mandatum Dei propter traditionem vestramSelect Matthew 15:6

7hypocritae bene prophetavit de vobis Esaias dicensSelect Matthew 15:7

8populus hic labiis me honorat cor autem eorum longe est a meSelect Matthew 15:8

9sine causa autem colunt me docentes doctrinas mandata hominumSelect Matthew 15:9

10et convocatis ad se turbis dixit eis audite et intellegiteSelect Matthew 15:10

11non quod intrat in os coinquinat hominem sed quod procedit ex ore hoc coinquinat hominemSelect Matthew 15:11

12Tunc accedentes discipuli eius dixerunt ei scis quia Pharisaei audito verbo scandalizati suntSelect Matthew 15:12

13at ille respondens ait omnis plantatio quam non plantavit Pater meus caelestis eradicabiturSelect Matthew 15:13

14Sinite illos caeci sunt duces caecorum caecus autem si caeco ducatum praestet ambo in foveam caduntSelect Matthew 15:14

15Respondens autem Petrus dixit ei edissere nobis parabolam istamSelect Matthew 15:15

16at ille dixit adhuc et vos sine intellectu estisSelect Matthew 15:16

17non intellegitis quia omne quod in os intrat in ventrem vadit et in secessum emittiturSelect Matthew 15:17

18quae autem procedunt de ore de corde exeunt et ea coinquinant hominemSelect Matthew 15:18

19de corde enim exeunt cogitationes malae homicidia adulteria fornicationes furta falsa testimonia blasphemiaeSelect Matthew 15:19

20haec sunt quae coinquinant hominem non lotis autem manibus manducare non coinquinat hominemSelect Matthew 15:20

21et egressus inde Iesus secessit in partes Tyri et SidonisSelect Matthew 15:21

22et ecce mulier chananea a finibus illis egressa clamavit dicens ei miserere mei Domine Fili David filia mea male a daemonio vexaturSelect Matthew 15:22

23qui non respondit ei verbum et accedentes discipuli eius rogabant eum dicentes dimitte eam quia clamat post nosSelect Matthew 15:23

24Ipse autem respondens ait non sum missus nisi ad oves quae perierunt domus IsrahelSelect Matthew 15:24

25At illa venit et adoravit eum dicens Domine adiuva meSelect Matthew 15:25

26qui respondens ait non est bonum sumere panem filiorum et mittere canibusSelect Matthew 15:26

27at illa dixit etiam Domine nam et catelli edunt de micis quae cadunt de mensa dominorum suorumSelect Matthew 15:27

28tunc respondens Iesus ait illi o mulier magna est fides tua fiat tibi sicut vis et sanata est filia illius ex illa horaSelect Matthew 15:28

29Et cum transisset inde Iesus venit secus mare Galilaeae et ascendens in montem sedebat ibiSelect Matthew 15:29

30et accesserunt ad eum turbae multae habentes secum mutos clodos caecos debiles et alios multos et proiecerunt eos ad pedes eius et curavit eosSelect Matthew 15:30

31ita ut turbae mirarentur videntes mutos loquentes clodos ambulantes caecos videntes et magnificabant Deum IsrahelSelect Matthew 15:31

32Iesus autem convocatis discipulis suis dixit misereor turbae quia triduo iam perseverant mecum et non habent quod manducent et dimittere eos ieiunos nolo ne deficiant in viaSelect Matthew 15:32

33et dicunt ei discipuli unde ergo nobis in deserto panes tantos ut saturemus turbam tantamSelect Matthew 15:33

34et ait illis Iesus quot panes habetis at illi dixerunt septem et paucos pisciculosSelect Matthew 15:34

35et praecepit turbae ut discumberet super terramSelect Matthew 15:35

36et accipiens septem panes et pisces et gratias agens fregit et dedit discipulis suis et discipuli dederunt populoSelect Matthew 15:36

37et comederunt omnes et saturati sunt et quod superfuit de fragmentis tulerunt septem sportas plenasSelect Matthew 15:37

38erant autem qui manducaverant quattuor milia hominum extra parvulos et mulieresSelect Matthew 15:38

39et dimissa turba ascendit in naviculam et venit in fines MagedanSelect Matthew 15:39