6Matthew 6

1Adtendite ne iustitiam vestram faciatis coram hominibus ut videamini ab eis alioquin mercedem non habebitis apud Patrem vestrum qui in caelis estSelect Matthew 6:1

2cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suamSelect Matthew 6:2

3te autem faciente elemosynam nesciat sinistra tua quid faciat dextera tuaSelect Matthew 6:3

4ut sit elemosyna tua in abscondito et Pater tuus qui videt in abscondito reddet tibiSelect Matthew 6:4

5et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suamSelect Matthew 6:5

6tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibiSelect Matthew 6:6

7Orantes autem nolite multum loqui sicut ethnici putant enim quia in multiloquio suo exaudianturSelect Matthew 6:7

8nolite ergo adsimilari eis scit enim Pater vester quibus opus sit vobis antequam petatis eumSelect Matthew 6:8

9sic ergo vos orabitis Pater noster qui in caelis es sanctificetur nomen tuumSelect Matthew 6:9

10veniat regnum tuum fiat voluntas tua sicut in caelo et in terraSelect Matthew 6:10

11panem nostrum supersubstantialem da nobis hodieSelect Matthew 6:11

12et dimitte nobis debita nostra sicut et nos dimisimus debitoribus nostrisSelect Matthew 6:12

13et ne inducas nos in temptationem sed libera nos a maloSelect Matthew 6:13

14Si enim dimiseritis hominibus peccata eorum dimittet et vobis Pater vester caelestis delicta vestraSelect Matthew 6:14

15si autem non dimiseritis hominibus nec Pater vester dimittet peccata vestraSelect Matthew 6:15

16Cum autem ieiunatis nolite fieri sicut hypocritae tristes demoliuntur enim facies suas ut pareant hominibus ieiunantes amen dico vobis quia receperunt mercedem suamSelect Matthew 6:16

17tu autem cum ieiunas ungue caput tuum et faciem tuam lavaSelect Matthew 6:17

18ne videaris hominibus ieiunans sed Patri tuo qui est in abscondito et Pater tuus qui videt in abscondito reddet tibiSelect Matthew 6:18

19nolite thesaurizare vobis thesauros in terra ubi erugo et tinea demolitur ubi fures effodiunt et furanturSelect Matthew 6:19

20Thesaurizate autem vobis thesauros in caelo ubi neque erugo neque tinea demolitur et ubi fures non effodiunt nec furanturSelect Matthew 6:20

21ubi enim est thesaurus tuus ibi est et cor tuumSelect Matthew 6:21

22Lucerna corporis est oculus si fuerit oculus tuus simplex totum corpus tuum lucidum eritSelect Matthew 6:22

23si autem oculus tuus nequam fuerit totum corpus tuum tenebrosum erit si ergo lumen quod in te est tenebrae sunt tenebrae quantae eruntSelect Matthew 6:23

24Nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonaeSelect Matthew 6:24

25Ideo dico vobis ne solliciti sitis animae vestrae quid manducetis neque corpori vestro quid induamini nonne anima plus est quam esca et corpus plus est quam vestimentumSelect Matthew 6:25

26respicite volatilia caeli quoniam non serunt neque metunt neque congregant in horrea et Pater vester caelestis pascit illa nonne vos magis pluris estis illisSelect Matthew 6:26

27quis autem vestrum cogitans potest adicere ad staturam suam cubitum unumSelect Matthew 6:27

28et de vestimento quid solliciti estis considerate lilia agri quomodo crescunt non laborant nec nentSelect Matthew 6:28

29dico autem vobis quoniam nec Salomon in omni gloria sua coopertus est sicut unum ex istisSelect Matthew 6:29

30si autem faenum agri quod hodie est et cras in clibanum mittitur Deus sic vestit quanto magis vos minimae fideiSelect Matthew 6:30

31nolite ergo solliciti esse dicentes quid manducabimus aut quid bibemus aut quo operiemurSelect Matthew 6:31

32haec enim omnia gentes inquirunt scit enim Pater vester quia his omnibus indigetisSelect Matthew 6:32

33quaerite autem primum regnum et iustitiam eius et omnia haec adicientur vobisSelect Matthew 6:33

34nolite ergo esse solliciti in crastinum crastinus enim dies sollicitus erit sibi ipse sufficit diei malitia suaSelect Matthew 6:34