21Numbers 21

1quod cum audisset Chananeus rex Arad qui habitabat ad meridiem venisse scilicet Israhel per exploratorum viam pugnavit contra illum et victor existens duxit ex eo praedamSelect Numbers 21:1

2at Israhel voto se Domino obligans ait si tradideris populum istum in manu mea delebo urbes eiusSelect Numbers 21:2

3exaudivitque Dominus preces Israhel et tradidit Chananeum quem ille interfecit subversis urbibus eius et vocavit nomen loci illius Horma id est anathemaSelect Numbers 21:3

4profecti sunt autem et de monte Or per viam quae ducit ad mare Rubrum ut circumirent terram Edom et taedere coepit populum itineris ac laborisSelect Numbers 21:4

5locutusque contra Deum et Mosen ait cur eduxisti nos de Aegypto ut moreremur in solitudine deest panis non sunt aquae anima nostra iam nausiat super cibo isto levissimoSelect Numbers 21:5

6quam ob rem misit Dominus in populum ignitos serpentes ad quorum plagas et mortes plurimorumSelect Numbers 21:6

7venerunt ad Mosen atque dixerunt peccavimus quia locuti sumus contra Dominum et te ora ut tollat a nobis serpentes oravit Moses pro populoSelect Numbers 21:7

8et locutus est Dominus ad eum fac serpentem et pone eum pro signo qui percussus aspexerit eum vivetSelect Numbers 21:8

9fecit ergo Moses serpentem aeneum et posuit pro signo quem cum percussi aspicerent sanabanturSelect Numbers 21:9

10profectique filii Israhel castrametati sunt in ObothSelect Numbers 21:10

11unde egressi fixere tentoria in Hieabarim in solitudine quae respicit Moab contra orientalem plagamSelect Numbers 21:11

12et inde moventes venerunt ad torrentem ZaredSelect Numbers 21:12

13quem relinquentes castrametati sunt contra Arnon quae est in deserto et prominet in finibus Amorrei siquidem Arnon terminus est Moab dividens Moabitas et AmorreosSelect Numbers 21:13

14unde dicitur in libro bellorum Domini sicut fecit in mari Rubro sic faciet in torrentibus ArnonSelect Numbers 21:14

15scopuli torrentium inclinati sunt ut requiescerent in Ar et recumberent in finibus MoabitarumSelect Numbers 21:15

16ex eo loco apparuit puteus super quo locutus est Dominus ad Mosen congrega populum et dabo ei aquamSelect Numbers 21:16

17tunc cecinit Israhel carmen istud ascendat puteus concinebantSelect Numbers 21:17

18puteus quem foderunt principes et paraverunt duces multitudinis in datore legis et in baculis suis de solitudine MatthanaSelect Numbers 21:18

19de Matthana Nahalihel de Nahalihel in BamothSelect Numbers 21:19

20de Bamoth vallis est in regione Moab in vertice Phasga et quod respicit contra desertumSelect Numbers 21:20

21misit autem Israhel nuntios ad Seon regem Amorreorum dicensSelect Numbers 21:21

22obsecro ut transire mihi liceat per terram tuam non declinabimus in agros et vineas non bibemus aquas ex puteis via regia gradiemur donec transeamus terminos tuosSelect Numbers 21:22

23qui concedere noluit ut transiret Israhel per fines suos quin potius exercitu congregato egressus est obviam in desertum et venit in Iasa pugnavitque contra eumSelect Numbers 21:23

24a quo percussus est in ore gladii et possessa est terra eius ab Arnon usque Iebboc et filios Ammon quia forti praesidio tenebantur termini AmmanitarumSelect Numbers 21:24

25tulit ergo Israhel omnes civitates eius et habitavit in urbibus Amorrei in Esebon scilicet et viculis eiusSelect Numbers 21:25

26urbs Esebon fuit regis Seon Amorrei qui pugnavit contra regem Moab et tulit omnem terram quae dicionis illius fuerat usque ArnonSelect Numbers 21:26

27idcirco dicitur in proverbio venite in Esebon aedificetur et construatur civitas SeonSelect Numbers 21:27

28ignis egressus est de Esebon flamma de oppido Seon et devoravit Ar Moabitarum et habitatores excelsorum ArnonSelect Numbers 21:28

29vae tibi Moab peristi popule Chamos dedit filios eius in fugam et filias in captivitatem regi Amorreorum SeonSelect Numbers 21:29

30iugum ipsorum disperiit ab Esebon usque Dibon lassi pervenerunt in Nophe et usque MedabaSelect Numbers 21:30

31habitavit itaque Israhel in terra AmorreiSelect Numbers 21:31

32misitque Moses qui explorarent Iazer cuius ceperunt viculos et possederunt habitatoresSelect Numbers 21:32

33verteruntque se et ascenderunt per viam Basan et occurrit eis Og rex Basan cum omni populo suo pugnaturus in EdraiSelect Numbers 21:33

34dixitque Dominus ad Mosen ne timeas eum quia in manu tua tradidi illum et omnem populum ac terram eius faciesque illi sicut fecisti Seon regi Amorreorum habitatori EsebonSelect Numbers 21:34

35percusserunt igitur et hunc cum filiis suis universumque populum eius usque ad internicionem et possederunt terram illiusSelect Numbers 21:35