25Numbers 25

1morabatur autem eo tempore Israhel in Setthim et fornicatus est populus cum filiabus MoabSelect Numbers 25:1

2quae vocaverunt eos ad sacrificia sua at illi comederunt et adoraverunt deos earumSelect Numbers 25:2

3initiatusque est Israhel Beelphegor et iratus DominusSelect Numbers 25:3

4ait ad Mosen tolle cunctos principes populi et suspende eos contra solem in patibulis ut avertatur furor meus ab IsrahelSelect Numbers 25:4

5dixitque Moses ad iudices Israhel occidat unusquisque proximos suos qui initiati sunt BeelphegorSelect Numbers 25:5

6et ecce unus de filiis Israhel intravit coram fratribus suis ad scortum madianitin vidente Mose et omni turba filiorum Israhel qui flebant ante fores tabernaculiSelect Numbers 25:6

7quod cum vidisset Finees filius Eleazari filii Aaron sacerdotis surrexit de medio multitudinis et arrepto pugioneSelect Numbers 25:7

8ingressus est post virum israhelitem in lupanar et perfodit ambos simul virum scilicet et mulierem in locis genitalibus cessavitque plaga a filiis IsrahelSelect Numbers 25:8

9et occisi sunt viginti quattuor milia hominesSelect Numbers 25:9

10dixitque Dominus ad MosenSelect Numbers 25:10

11Finees filius Eleazari filii Aaron sacerdotis avertit iram meam a filiis Israhel quia zelo meo commotus est contra eos ut non ipse delerem filios Israhel in zelo meoSelect Numbers 25:11

12idcirco loquere ad eos ecce do ei pacem foederis meiSelect Numbers 25:12

13et erit tam ipsi quam semini illius pactum sacerdotii sempiternum quia zelatus est pro Deo suo et expiavit scelus filiorum IsrahelSelect Numbers 25:13

14erat autem nomen viri israhelitae qui occisus est cum Madianitide Zambri filius Salu dux de cognatione et tribu SymeonisSelect Numbers 25:14

15porro mulier madianitis quae pariter interfecta est vocabatur Chozbi filia Sur principis nobilissimi MadianitarumSelect Numbers 25:15

16locutusque est Dominus ad Mosen dicensSelect Numbers 25:16

17hostes vos sentiant Madianitae et percutite eosSelect Numbers 25:17

18quia et ipsi hostiliter egerunt contra vos et decepere insidiis per idolum Phogor et Chozbi filiam ducis Madian sororem suam quae percussa est in die plagae pro sacrilegio PhogorSelect Numbers 25:18