32Numbers 32

1filii autem Ruben et Gad habebant pecora multa et erat illis in iumentis infinita substantia cumque vidissent Iazer et Galaad aptas alendis animalibusSelect Numbers 32:1

2venerunt ad Mosen et ad Eleazarum sacerdotem et principes multitudinis atque dixeruntSelect Numbers 32:2

3Atharoth et Dibon et Iazer et Nemra Esbon et Eleale et Sabam et Nebo et BeonSelect Numbers 32:3

4terram quam percussit Dominus in conspectu filiorum Israhel regionis uberrimae est ad pastum animalium et nos servi tui habemus iumenta plurimaSelect Numbers 32:4

5precamurque si invenimus gratiam coram te ut des nobis famulis tuis eam in possessionem ne facias nos transire IordanemSelect Numbers 32:5

6quibus respondit Moses numquid fratres vestri ibunt ad pugnam et vos hic sedebitisSelect Numbers 32:6

7cur subvertitis mentes filiorum Israhel ne transire audeant in locum quem eis daturus est DominusSelect Numbers 32:7

8nonne ita egerunt patres vestri quando misi de Cadesbarne ad explorandam terramSelect Numbers 32:8

9cumque venissent usque ad Vallem Botri lustrata omni regione subverterunt cor filiorum Israhel ut non intrarent fines quos eis Dominus deditSelect Numbers 32:9

10qui iratus iuravit dicensSelect Numbers 32:10

11si videbunt homines isti qui ascenderunt ex Aegypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi meSelect Numbers 32:11

12praeter Chaleb filium Iepphonne Cenezeum et Iosue filium Nun isti impleverunt voluntatem meamSelect Numbers 32:12

13iratusque Dominus adversum Israhel circumduxit eum per desertum quadraginta annis donec consumeretur universa generatio quae fecerat malum in conspectu eiusSelect Numbers 32:13

14et ecce inquit vos surrexistis pro patribus vestris incrementa et alumni hominum peccatorum ut augeretis furorem Domini contra IsrahelSelect Numbers 32:14

15qui si nolueritis sequi eum in solitudine populum derelinquet et vos causa eritis necis omniumSelect Numbers 32:15

16at illi prope accedentes dixerunt caulas ovium fabricabimus et stabula iumentorum parvulis quoque nostris urbes munitasSelect Numbers 32:16

17nos autem ipsi armati et accincti pergemus ad proelium ante filios Israhel donec introducamus eos ad loca sua parvuli nostri et quicquid habere possumus erunt in urbibus muratis propter habitatorum insidiasSelect Numbers 32:17

18non revertemur in domos nostras usquequo possideant filii Israhel hereditatem suamSelect Numbers 32:18

19nec quicquam quaeremus trans Iordanem quia iam habemus possessionem nostram in orientali eius plagaSelect Numbers 32:19

20quibus Moses ait si facitis quod promittitis expediti pergite coram Domino ad pugnamSelect Numbers 32:20

21et omnis vir bellator armatus Iordanem transeat donec subvertat Dominus inimicos suosSelect Numbers 32:21

22et subiciatur ei omnis terra tunc eritis inculpabiles et apud Dominum et apud Israhel et obtinebitis regiones quas vultis coram DominoSelect Numbers 32:22

23sin autem quod dicitis non feceritis nulli dubium quin peccetis in Dominum et scitote quoniam peccatum vestrum adprehendet vosSelect Numbers 32:23

24aedificate ergo urbes parvulis vestris et caulas ac stabula ovibus ac iumentis et quod polliciti estis impleteSelect Numbers 32:24

25dixeruntque filii Gad et Ruben ad Mosen servi tui sumus faciemus quod iubet dominus nosterSelect Numbers 32:25

26parvulos nostros et mulieres et pecora ac iumenta relinquemus in urbibus GalaadSelect Numbers 32:26

27nos autem famuli tui omnes expediti pergemus ad bellum sicut tu domine loquerisSelect Numbers 32:27

28praecepit ergo Moses Eleazaro sacerdoti et Iosue filio Nun et principibus familiarum per tribus Israhel et dixit ad eosSelect Numbers 32:28

29si transierint filii Gad et filii Ruben vobiscum Iordanem omnes armati ad bellum coram Domino et vobis fuerit terra subiecta date eis Galaad in possessionemSelect Numbers 32:29

30sin autem noluerint transire vobiscum in terram Chanaan inter vos habitandi accipiant locaSelect Numbers 32:30

31responderuntque filii Gad et filii Ruben sicut locutus est Dominus servis suis ita faciemusSelect Numbers 32:31

32ipsi armati pergemus coram Domino in terram Chanaan et possessionem iam suscepisse nos confitemur trans IordanemSelect Numbers 32:32

33dedit itaque Moses filiis Gad et Ruben et dimidiae tribui Manasse filii Ioseph regnum Seon regis Amorrei et regnum Og regis Basan et terram eorum cum urbibus suis per circuitumSelect Numbers 32:33

34igitur extruxerunt filii Gad Dibon et Atharoth et AroerSelect Numbers 32:34

35Etrothsophan et Iazer IecbaaSelect Numbers 32:35

36et Bethnemra et Betharan urbes munitas et caulas pecoribus suisSelect Numbers 32:36

37filii vero Ruben aedificaverunt Esbon et Eleale et CariathaimSelect Numbers 32:37

38et Nabo et Baalmeon versis nominibus Sabama quoque inponentes vocabula urbibus quas extruxerantSelect Numbers 32:38

39porro filii Machir filii Manasse perrexerunt in Galaad et vastaverunt eam interfecto Amorreo habitatore eiusSelect Numbers 32:39

40dedit ergo Moses terram Galaad Machir filio Manasse qui habitavit in eaSelect Numbers 32:40

41Iair autem filius Manasse abiit et occupavit vicos eius quos appellavit Avothiair id est villas IairSelect Numbers 32:41

42Nobe quoque perrexit et adprehendit Canath cum viculis suis vocavitque eam ex nomine suo NobeSelect Numbers 32:42