4Philippians 4

1itaque fratres mei carissimi et desiderantissimi gaudium meum et corona mea sic state in Domino carissimiSelect Philippians 4:1

2Euhodiam rogo et Syntychen deprecor id ipsum sapere in DominoSelect Philippians 4:2

3etiam rogo et te germane conpar adiuva illas quae mecum laboraverunt in evangelio cum Clemente et ceteris adiutoribus meis quorum nomina sunt in libro vitaeSelect Philippians 4:3

4gaudete in Domino semper iterum dico gaudeteSelect Philippians 4:4

5modestia vestra nota sit omnibus hominibus Dominus propeSelect Philippians 4:5

6nihil solliciti sitis sed in omni oratione et obsecratione cum gratiarum actione petitiones vestrae innotescant apud DeumSelect Philippians 4:6

7et pax Dei quae exsuperat omnem sensum custodiat corda vestra et intellegentias vestras in Christo IesuSelect Philippians 4:7

8de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitateSelect Philippians 4:8

9quae et didicistis et accepistis et audistis et vidistis in me haec agite et Deus pacis erit vobiscumSelect Philippians 4:9

10gavisus sum autem in Domino vehementer quoniam tandem aliquando refloruistis pro me sentire sicut et sentiebatis occupati autem eratisSelect Philippians 4:10

11non quasi propter penuriam dico ego enim didici in quibus sum sufficiens esseSelect Philippians 4:11

12scio et humiliari scio et abundare ubique et in omnibus institutus sum et satiari et esurire et abundare et penuriam patiSelect Philippians 4:12

13omnia possum in eo qui me confortatSelect Philippians 4:13

14verumtamen bene fecistis communicantes tribulationi meaeSelect Philippians 4:14

15scitis autem et vos Philippenses quod in principio evangelii quando profectus sum a Macedonia nulla mihi ecclesia communicavit in ratione dati et accepti nisi vos soliSelect Philippians 4:15

16quia et Thessalonicam et semel et bis in usum mihi misistisSelect Philippians 4:16

17non quia quaero datum sed requiro fructum abundantem in rationem vestramSelect Philippians 4:17

18habeo autem omnia et abundo repletus sum acceptis ab Epafrodito quae misistis odorem suavitatis hostiam acceptam placentem DeoSelect Philippians 4:18

19Deus autem meus impleat omne desiderium vestrum secundum divitias suas in gloria in Christo IesuSelect Philippians 4:19

20Deo autem et Patri nostro gloria in saecula saeculorum amenSelect Philippians 4:20

21salutate omnem sanctum in Christo Iesu salutant vos qui mecum sunt fratresSelect Philippians 4:21

22salutant vos omnes sancti maxime autem qui de Caesaris domo suntSelect Philippians 4:22

23gratia Domini Iesu Christi cum spiritu vestro amen EXPLICIT EPISTULA AD PHILIPPENSESSelect Philippians 4:23