12Acts 12

1eodem autem tempore misit Herodes rex manus ut adfligeret quosdam de ecclesiaSelect Acts 12:1

2occidit autem Iacobum fratrem Iohannis gladioSelect Acts 12:2

3videns autem quia placeret Iudaeis adposuit adprehendere et Petrum erant autem dies azymorumSelect Acts 12:3

4quem cum adprehendisset misit in carcerem tradens quattuor quaternionibus militum custodire eum volens post pascha producere eum populoSelect Acts 12:4

5et Petrus quidem servabatur in carcere oratio autem fiebat sine intermissione ab ecclesia ad Deum pro eoSelect Acts 12:5

6cum autem producturus eum esset Herodes in ipsa nocte erat Petrus dormiens inter duos milites vinctus catenis duabus et custodes ante ostium custodiebant carceremSelect Acts 12:6

7et ecce angelus Domini adstitit et lumen refulsit in habitaculo percussoque latere Petri suscitavit eum dicens surge velociter et ceciderunt catenae de manibus eiusSelect Acts 12:7

8dixit autem angelus ad eum praecingere et calcia te gallicas tuas et fecit sic et dixit illi circumda tibi vestimentum tuum et sequere meSelect Acts 12:8

9et exiens sequebatur et nesciebat quia verum est quod fiebat per angelum aestimabat autem se visum videreSelect Acts 12:9

10transeuntes autem primam et secundam custodiam venerunt ad portam ferream quae ducit ad civitatem quae ultro aperta est eis et exeuntes processerunt vicum unum et continuo discessit angelus ab eoSelect Acts 12:10

11et Petrus ad se reversus dixit nunc scio vere quia misit Dominus angelum suum et eripuit me de manu Herodis et de omni expectatione plebis IudaeorumSelect Acts 12:11

12consideransque venit ad domum Mariae matris Iohannis qui cognominatus est Marcus ubi erant multi congregati et orantesSelect Acts 12:12

13pulsante autem eo ostium ianuae processit puella ad audiendum nomine RhodeSelect Acts 12:13

14et ut cognovit vocem Petri prae gaudio non aperuit ianuam sed intro currens nuntiavit stare Petrum ante ianuamSelect Acts 12:14

15at illi dixerunt ad eam insanis illa autem adfirmabat sic se habere illi autem dicebant angelus eius estSelect Acts 12:15

16Petrus autem perseverabat pulsans cum autem aperuissent viderunt eum et obstipueruntSelect Acts 12:16

17annuens autem eis manu ut tacerent enarravit quomodo Dominus eduxisset eum de carcere dixitque nuntiate Iacobo et fratribus haec et egressus abiit in alium locumSelect Acts 12:17

18facta autem die erat non parva turbatio inter milites quidnam de Petro factum essetSelect Acts 12:18

19Herodes autem cum requisisset eum et non invenisset inquisitione facta de custodibus iussit eos duci descendensque a Iudaea in Caesaream ibi commoratus estSelect Acts 12:19

20erat autem iratus Tyriis et Sidoniis at illi unianimes venerunt ad eum et persuaso Blasto qui erat super cubiculum regis postulabant pacem eo quod alerentur regiones eorum ab illoSelect Acts 12:20

21statuto autem die Herodes vestitus veste regia sedit pro tribunali et contionabatur ad eosSelect Acts 12:21

22populus autem adclamabat dei voces et non hominisSelect Acts 12:22

23confestim autem percussit eum angelus Domini eo quod non dedisset honorem Deo et consumptus a vermibus exspiravitSelect Acts 12:23

24verbum autem Domini crescebat et multiplicabaturSelect Acts 12:24

25Barnabas autem et Saulus reversi sunt ab Hierosolymis expleto ministerio adsumpto Iohanne qui cognominatus est MarcusSelect Acts 12:25