141 Samuel 14

1et accidit quadam die ut diceret Ionathan filius Saul ad adulescentem armigerum suum veni et transeamus ad stationem Philisthim quae est trans locum illum patri autem suo hoc ipsum non indicavitSelect 1 Samuel 14:1

2porro Saul morabatur in extrema parte Gabaa sub malogranato quae erat in Magron et erat populus cum eo quasi sescentorum virorumSelect 1 Samuel 14:2

3et Ahias filius Achitob fratris Ichabod filii Finees qui ortus fuerat ex Heli sacerdote Domini in Silo portabat ephod sed et populus ignorabat quod isset IonathanSelect 1 Samuel 14:3

4erant autem inter ascensus per quos nitebatur Ionathan transire ad stationem Philisthinorum eminentes petrae ex utraque parte et quasi in modum dentium scopuli hinc inde praerupti nomen uni Boses et nomen alteri SeneSelect 1 Samuel 14:4

5unus scopulus prominens ad aquilonem ex adverso Machmas et alter a meridie contra GabaaSelect 1 Samuel 14:5

6dixit autem Ionathan ad adulescentem armigerum suum veni transeamus ad stationem incircumcisorum horum si forte faciat Dominus pro nobis quia non est Domino difficile salvare vel in multitudine vel in paucisSelect 1 Samuel 14:6

7dixitque ei armiger suus fac omnia quae placent animo tuo perge quo cupis ero tecum ubicumque voluerisSelect 1 Samuel 14:7

8et ait Ionathan ecce nos transimus ad viros istos cumque apparuerimus eisSelect 1 Samuel 14:8

9si taliter locuti fuerint ad nos manete donec veniamus ad vos stemus in loco nostro nec ascendamus ad eosSelect 1 Samuel 14:9

10si autem dixerint ascendite ad nos ascendamus quia tradidit eos Dominus in manibus nostris hoc erit nobis signumSelect 1 Samuel 14:10

11apparuit igitur uterque stationi Philisthinorum dixeruntque Philisthim en Hebraei egrediuntur de cavernis in quibus absconditi fuerantSelect 1 Samuel 14:11

12et locuti sunt viri de statione ad Ionathan et ad armigerum eius dixeruntque ascendite ad nos et ostendimus vobis rem et ait Ionathan ad armigerum suum ascendamus sequere me tradidit enim eos Dominus in manu IsrahelSelect 1 Samuel 14:12

13ascendit autem Ionathan reptans manibus et pedibus et armiger eius post eum itaque alii cadebant ante Ionathan alios armiger eius interficiebat sequens eumSelect 1 Samuel 14:13

14et facta est plaga prima quam percussit Ionathan et armiger eius quasi viginti virorum in media parte iugeri quam par boum in die arare consuevitSelect 1 Samuel 14:14

15et factum est miraculum in castris per agros sed et omnis populus stationis eorum qui ierant ad praedandum obstipuit et conturbata est terra et accidit quasi miraculum a DeoSelect 1 Samuel 14:15

16et respexerunt speculatores Saul qui erant in Gabaa Beniamin et ecce multitudo prostrata et huc illucque diffugiensSelect 1 Samuel 14:16

17et ait Saul populo qui erat cum eo requirite et videte quis abierit ex nobis cumque requisissent reppertum est non adesse Ionathan et armigerum eiusSelect 1 Samuel 14:17

18et ait Saul ad Ahiam adplica arcam Dei erat enim ibi arca Dei in die illa cum filiis IsrahelSelect 1 Samuel 14:18

19cumque loqueretur Saul ad sacerdotem tumultus magnus exortus est in castris Philisthinorum crescebatque paulatim et clarius reboabat et ait Saul ad sacerdotem contrahe manum tuamSelect 1 Samuel 14:19

20conclamavit ergo Saul et omnis populus qui erat cum eo et venerunt usque ad locum certaminis et ecce versus fuerat gladius uniuscuiusque ad proximum suum et caedes magna nimisSelect 1 Samuel 14:20

21sed et Hebraei qui fuerant cum Philisthim heri et nudius tertius ascenderantque cum eis in castris reversi sunt ut essent cum Israhele qui erant cum Saul et IonathanSelect 1 Samuel 14:21

22omnes quoque Israhelitae qui se absconderant in monte Ephraim audientes quod fugissent Philisthim sociaverunt se cum suis in proelioSelect 1 Samuel 14:22

23et salvavit Dominus in die illa Israhel pugna autem pervenit usque BethavenSelect 1 Samuel 14:23

24et vir Israhel sociatus sibi est in die illa adiuravit autem Saul populum dicens maledictus vir qui comederit panem usque ad vesperam donec ulciscar de inimicis meis et non manducavit universus populus panemSelect 1 Samuel 14:24

25omneque terrae vulgus venit in saltum in quo erat mel super faciem agriSelect 1 Samuel 14:25

26ingressus est itaque populus saltum et apparuit fluens mel nullusque adplicuit manum ad os suum timebat enim populus iuramentumSelect 1 Samuel 14:26

27porro Ionathan non audierat cum adiuraret pater eius populum extenditque summitatem virgae quam habebat in manu et intinxit in favo mellis et convertit manum suam ad os suum et inluminati sunt oculi eiusSelect 1 Samuel 14:27

28respondensque unus de populo ait iureiurando constrinxit pater tuus populum dicens maledictus qui comederit panem hodie defecerat autem populusSelect 1 Samuel 14:28

29dixitque Ionathan turbavit pater meus terram vidistis ipsi quia inluminati sunt oculi mei eo quod gustaverim paululum de melle istoSelect 1 Samuel 14:29

30quanto magis si comedisset populus de praeda inimicorum suorum quam repperit nonne maior facta fuisset plaga in PhilisthimSelect 1 Samuel 14:30

31percusserunt ergo in die illa Philistheos a Machmis usque in Ahialon defatigatus est autem populus nimisSelect 1 Samuel 14:31

32et versus ad praedam tulit oves et boves et vitulos et mactaverunt in terra comeditque populus cum sanguineSelect 1 Samuel 14:32

33nuntiaverunt autem Saul dicentes quod populus peccasset Domino comedens cum sanguine qui ait praevaricati estis volvite ad me iam nunc saxum grandeSelect 1 Samuel 14:33

34et dixit Saul dispergimini in vulgus et dicite eis ut adducat ad me unusquisque bovem suum et arietem et occidite super istud et vescimini et non peccabitis Domino comedentes cum sanguine adduxit itaque omnis populus unusquisque bovem in manu sua usque ad noctem et occiderunt ibiSelect 1 Samuel 14:34

35aedificavit autem Saul altare Domini tuncque primum coepit aedificare altare DominiSelect 1 Samuel 14:35

36et dixit Saul inruamus super Philisthim nocte et vastemus eos usque dum inlucescat mane nec relinquamus de eis virum dixitque populus omne quod bonum videtur in oculis tuis fac et ait sacerdos accedamus huc ad DeumSelect 1 Samuel 14:36

37et consuluit Saul Deum num persequar Philisthim si trades eos in manu Israhel et non respondit ei in die illaSelect 1 Samuel 14:37

38dixitque Saul adplicate huc universos angulos populi et scitote et videte per quem acciderit peccatum hoc hodieSelect 1 Samuel 14:38

39vivit Dominus salvator Israhel quia si per Ionathan filium meum factum est absque retractatione morietur ad quod nullus contradixit ei de omni populoSelect 1 Samuel 14:39

40et ait ad universum Israhel separamini vos in partem unam et ego cum Ionathan filio meo ero in parte una respondit populus ad Saul quod bonum videtur in oculis tuis facSelect 1 Samuel 14:40

41et dixit Saul ad Dominum Deum Israhel da indicium et deprehensus est Ionathan et Saul populus autem exivitSelect 1 Samuel 14:41

42et ait Saul mittite sortem inter me et inter Ionathan filium meum et captus est IonathanSelect 1 Samuel 14:42

43dixit autem Saul ad Ionathan indica mihi quid feceris et indicavit ei Ionathan et ait gustans gustavi in summitate virgae quae erat in manu mea paululum mellis et ecce ego moriorSelect 1 Samuel 14:43

44et ait Saul haec faciat mihi Deus et haec addat quia morte morieris IonathanSelect 1 Samuel 14:44

45dixitque populus ad Saul ergone Ionathan morietur qui fecit salutem hanc magnam in Israhel hoc nefas est vivit Dominus si ceciderit capillus de capite eius in terram quia cum Deo operatus est hodie liberavit ergo populus Ionathan ut non morereturSelect 1 Samuel 14:45

46recessitque Saul nec persecutus est Philisthim porro Philisthim abierunt in loca suaSelect 1 Samuel 14:46

47at Saul confirmato regno super Israhel pugnabat per circuitum adversum omnes inimicos eius contra Moab et filios Ammon et Edom et reges Suba et Philistheos et quocumque se verterat superabatSelect 1 Samuel 14:47

48congregatoque exercitu percussit Amalech et eruit Israhel de manu vastatorum eiusSelect 1 Samuel 14:48

49fuerunt autem filii Saul Ionathan et Iesui et Melchisua nomina duarum filiarum eius nomen primogenitae Merob et nomen minoris MicholSelect 1 Samuel 14:49

50et nomen uxoris Saul Ahinoem filia Ahimaas et nomina principum militiae eius Abner filius Ner patruelis SaulSelect 1 Samuel 14:50

51Cis fuerat pater Saul et Ner pater Abner filius AbihelSelect 1 Samuel 14:51

52erat autem bellum potens adversum Philistheos omnibus diebus Saul nam quemcumque viderat Saul virum fortem et aptum ad proelium sociabat eum sibiSelect 1 Samuel 14:52