221 Samuel 22

1abiit ergo inde David et fugit in speluncam Odollam quod cum audissent fratres eius et omnis domus patris eius descenderunt ad eum illucSelect 1 Samuel 22:1

2et convenerunt ad eum omnes qui erant in angustia constituti et oppressi aere alieno et amaro animo et factus est eorum princeps fueruntque cum eo quasi quadringenti viriSelect 1 Samuel 22:2

3et profectus est David inde in Maspha quae est Moab et dixit ad regem Moab maneat oro pater meus et mater mea vobiscum donec sciam quid faciat mihi DeusSelect 1 Samuel 22:3

4et reliquit eos ante faciem regis Moab manseruntque apud eum cunctis diebus quibus David fuit in praesidioSelect 1 Samuel 22:4

5dixitque Gad propheta ad David noli manere in praesidio proficiscere et vade in terram Iuda et profectus David venit in saltum HarethSelect 1 Samuel 22:5

6et audivit Saul quod apparuisset David et viri qui erant cum eo Saul autem cum maneret in Gabaa et esset in nemore quod est in Rama hastam manu tenens cunctique socii eius circumstarent eumSelect 1 Samuel 22:6

7ait ad servos suos qui adsistebant ei audite filii Iemini numquid omnibus vobis dabit filius Isai agros et vineas et universos vos faciet tribunos et centurionesSelect 1 Samuel 22:7

8quoniam coniurastis omnes adversum me et non est qui mihi renuntiet maxime cum et filius meus foedus iunxerit cum filio Isai non est qui vicem meam doleat ex vobis nec qui adnuntiet mihi eo quod suscitaverit filius meus servum meum adversum me insidiantem mihi usque hodieSelect 1 Samuel 22:8

9respondens autem Doec Idumeus qui adsistebat et erat primus inter servos Saul vidi inquit filium Isai in Nobe apud Ahimelech filium AchitobSelect 1 Samuel 22:9

10qui consuluit pro eo Dominum et cibaria dedit ei sed et gladium Goliath Philisthei dedit illiSelect 1 Samuel 22:10

11misit ergo rex ad accersiendum Ahimelech filium Achitob sacerdotem et omnem domum patris eius sacerdotum qui erant in Nobe qui venerunt universi ad regemSelect 1 Samuel 22:11

12et ait Saul audi fili Achitob qui respondit praesto sum domineSelect 1 Samuel 22:12

13dixitque ad eum Saul quare coniurastis adversum me tu et filius Isai et dedisti ei panes et gladium et consuluisti pro eo Deum ut consurgeret adversum me insidiator usque hodie permanensSelect 1 Samuel 22:13

14respondensque Ahimelech regi ait et quis in omnibus servis tuis sicut David fidelis et gener regis et pergens ad imperium tuum et gloriosus in domo tuaSelect 1 Samuel 22:14

15num hodie coepi consulere pro eo Deum absit hoc a me ne suspicetur rex adversus servum suum rem huiuscemodi in universa domo patris mei non enim scivit servus tuus quicquam super hoc negotio vel modicum vel grandeSelect 1 Samuel 22:15

16dixitque rex morte morieris Ahimelech tu et omnis domus patris tuiSelect 1 Samuel 22:16

17et ait rex emissariis qui circumstabant eum convertimini et interficite sacerdotes Domini nam manus eorum cum David est scientes quod fugisset non indicaverunt mihi noluerunt autem servi regis extendere manum suam in sacerdotes DominiSelect 1 Samuel 22:17

18et ait rex Doec convertere tu et inrue in sacerdotes conversusque Doec Idumeus inruit in sacerdotes et trucidavit in die illa octoginta quinque viros vestitos ephod lineoSelect 1 Samuel 22:18

19Nobe autem civitatem sacerdotum percussit in ore gladii viros et mulieres parvulos et lactantes bovem et asinum et ovem in ore gladiiSelect 1 Samuel 22:19

20evadens autem unus filius Ahimelech filii Achitob cuius nomen erat Abiathar fugit ad DavidSelect 1 Samuel 22:20

21et adnuntiavit ei quod occidisset Saul sacerdotes DominiSelect 1 Samuel 22:21

22et ait David ad Abiathar sciebam in die illa quod cum ibi esset Doec Idumeus procul dubio adnuntiaret Saul ego sum reus omnium animarum patris tuiSelect 1 Samuel 22:22

23mane mecum ne timeas si quis quaesierit animam meam quaeret et animam tuam mecumque servaberisSelect 1 Samuel 22:23