152 Samuel 15

1igitur post haec fecit sibi Absalom currum et equites et quinquaginta viros qui praecederent eumSelect 2 Samuel 15:1

2et mane consurgens Absalom stabat iuxta introitum portae et omnem virum qui habebat negotium ut veniret ad regis iudicium vocabat Absalom ad se et dicebat de qua civitate es tu qui respondens aiebat ex una tribu Israhel ego sum servus tuusSelect 2 Samuel 15:2

3respondebatque ei Absalom videntur mihi sermones tui boni et iusti sed non est qui te audiat constitutus a rege dicebatque AbsalomSelect 2 Samuel 15:3

4quis me constituat iudicem super terram ut ad me veniant omnes qui habent negotium et iuste iudicemSelect 2 Samuel 15:4

5sed et cum accederet ad eum homo ut salutaret illum extendebat manum suam et adprehendens osculabatur eumSelect 2 Samuel 15:5

6faciebatque hoc omni Israhel qui veniebat ad iudicium ut audiretur a rege et sollicitabat corda virorum IsrahelSelect 2 Samuel 15:6

7post quattuor autem annos dixit Absalom ad regem vadam et reddam vota mea quae vovi Domino in HebronSelect 2 Samuel 15:7

8vovens enim vovit servus tuus cum esset in Gessur Syriae dicens si reduxerit me Dominus in Hierusalem sacrificabo DominoSelect 2 Samuel 15:8

9dixitque ei rex vade in pace et surrexit et abiit in HebronSelect 2 Samuel 15:9

10misit autem Absalom exploratores in universas tribus Israhel dicens statim ut audieritis clangorem bucinae dicite regnavit Absalom in HebronSelect 2 Samuel 15:10

11porro cum Absalom ierunt ducenti viri de Hierusalem vocati euntes simplici corde et causam penitus ignorantesSelect 2 Samuel 15:11

12accersivit quoque Absalom Ahitofel Gilonitem consiliarium David de civitate sua Gilo cum immolaret victimas et facta est coniuratio valida populusque concurrens augebatur cum AbsalomSelect 2 Samuel 15:12

13venit igitur nuntius ad David dicens toto corde universus Israhel sequitur AbsalomSelect 2 Samuel 15:13

14et ait David servis suis qui erant cum eo in Hierusalem surgite fugiamus neque enim erit nobis effugium a facie Absalom festinate egredi ne forte veniens occupet nos et inpellat super nos ruinam et percutiat civitatem in ore gladiiSelect 2 Samuel 15:14

15dixeruntque servi regis ad eum omnia quaecumque praeceperit dominus noster rex libenter exsequimur servi tuiSelect 2 Samuel 15:15

16egressus est ergo rex et universa domus eius pedibus suis et dereliquit rex decem mulieres concubinas ad custodiendam domumSelect 2 Samuel 15:16

17egressusque rex et omnis Israhel pedibus suis stetit procul a domoSelect 2 Samuel 15:17

18et universi servi eius ambulabant iuxta eum et legiones Cherethi et Felethi et omnes Getthei sescenti viri qui secuti eum fuerant de Geth praecedebant regemSelect 2 Samuel 15:18

19dixit autem rex ad Ethai Gettheum cur venis nobiscum revertere et habita cum rege quia peregrinus es et egressus de loco tuoSelect 2 Samuel 15:19

20heri venisti et hodie inpelleris nobiscum egredi ego autem vadam quo iturus sum revertere et reduc tecum fratres tuos ostendisti gratiam et fidemSelect 2 Samuel 15:20

21et respondit Ethai regi dicens vivit Dominus et vivit dominus meus rex quoniam in quocumque loco fueris domine mi rex sive in morte sive in vita ibi erit servus tuusSelect 2 Samuel 15:21

22et ait David Ethai veni et transi et transivit Ethai Gettheus et omnes viri qui cum eo erant et reliqua multitudoSelect 2 Samuel 15:22

23omnesque flebant voce magna et universus populus transiebat rex quoque transgrediebatur torrentem Cedron et cunctus populus incedebat contra viam quae respicit ad desertumSelect 2 Samuel 15:23

24venit autem et Sadoc et universi Levitae cum eo portantes arcam foederis Dei et deposuerunt arcam Dei et ascendit Abiathar donec expletus est omnis populus qui egressus fuerat de civitateSelect 2 Samuel 15:24

25et dixit rex ad Sadoc reporta arcam Dei in urbem si invenero gratiam in oculis Domini reducet me et ostendet mihi eam et tabernaculum suumSelect 2 Samuel 15:25

26si autem dixerit non places praesto sum faciat quod bonum est coram seSelect 2 Samuel 15:26

27et dixit rex ad Sadoc sacerdotem o videns revertere in civitatem in pace et Achimaas filius tuus et Ionathan filius Abiathar duo filii vestri sint vobiscumSelect 2 Samuel 15:27

28ecce ego abscondar in campestribus deserti donec veniat sermo a vobis indicans mihiSelect 2 Samuel 15:28

29reportaverunt igitur Sadoc et Abiathar arcam Dei Hierusalem et manserunt ibiSelect 2 Samuel 15:29

30porro David ascendebat clivum Olivarum scandens et flens operto capite et nudis pedibus incedens sed et omnis populus qui erat cum eo operto capite ascendebat ploransSelect 2 Samuel 15:30

31nuntiatum est autem David quod et Ahitofel esset in coniuratione cum Absalom dixitque David infatua quaeso consilium Ahitofel DomineSelect 2 Samuel 15:31

32cumque ascenderet David summitatem montis in quo adoraturus erat Dominum ecce occurrit ei Husai Arachites scissa veste et terra pleno capiteSelect 2 Samuel 15:32

33et dixit ei David si veneris mecum eris mihi oneriSelect 2 Samuel 15:33

34si autem in civitatem revertaris et dixeris Absalom servus tuus sum rex sicut fui servus patris tui sic ero servus tuus dissipabis consilium AhitofelSelect 2 Samuel 15:34

35habes autem tecum Sadoc et Abiathar sacerdotes et omne verbum quodcumque audieris de domo regis indicabis Sadoc et Abiathar sacerdotibusSelect 2 Samuel 15:35

36sunt autem cum eis duo filii eorum Achimaas Sadoc et Ionathan Abiathar et mittetis per eos ad me omne verbum quod audieritisSelect 2 Samuel 15:36

37veniente ergo Husai amico David in civitatem Absalom quoque ingressus est HierusalemSelect 2 Samuel 15:37