192 Samuel 19

1nuntiatum est autem Ioab quod rex fleret et lugeret filium suumSelect 2 Samuel 19:1

2et versa est victoria in die illa in luctum omni populo audivit enim populus in die illa dici dolet rex super filio suoSelect 2 Samuel 19:2

3et declinabat populus in die illa ingredi civitatem quomodo declinare solet populus versus et fugiens de proelioSelect 2 Samuel 19:3

4porro rex operuit caput suum et clamabat voce magna fili mi Absalom Absalom fili mi fili miSelect 2 Samuel 19:4

5ingressus ergo Ioab ad regem in domo dixit confudisti hodie vultus omnium servorum tuorum qui salvam fecerunt animam tuam et animam filiorum tuorum et filiarum tuarum et animam uxorum tuarum et animam concubinarum tuarumSelect 2 Samuel 19:5

6diligis odientes te et odio habes diligentes te et ostendisti hodie quia non curas de ducibus tuis et de servis tuis et vere cognovi modo quia si Absalom viveret et nos omnes occubuissemus tunc placeret tibiSelect 2 Samuel 19:6

7nunc igitur surge et procede et adloquens satisfac servis tuis iuro enim tibi per Dominum quod si non exieris ne unus quidem remansurus sit tecum nocte hac et peius erit hoc tibi quam omnia mala quae venerunt super te ab adulescentia tua usque in praesensSelect 2 Samuel 19:7

8surrexit ergo rex et sedit in porta et omni populo nuntiatum est quod rex sederet in porta venitque universa multitudo coram rege Israhel autem fugit in tabernacula suaSelect 2 Samuel 19:8

9omnis quoque populus certabat in cunctis tribubus Israhel dicens rex liberavit nos de manu inimicorum nostrorum ipse salvavit nos de manu Philisthinorum et nunc fugit de terra propter AbsalomSelect 2 Samuel 19:9

10Absalom autem quem unximus super nos mortuus est in bello usquequo siletis et non reducitis regemSelect 2 Samuel 19:10

11rex vero David misit ad Sadoc et ad Abiathar sacerdotes dicens loquimini ad maiores natu Iuda dicentes cur venitis novissimi ad reducendum regem in domum suam sermo autem omnis Israhel pervenerat ad regem in domo eiusSelect 2 Samuel 19:11

12fratres mei vos os meum et caro mea vos quare novissimi reducitis regemSelect 2 Samuel 19:12

13et Amasae dicite nonne os meum es et caro mea haec faciat mihi Deus et haec addat si non magister militiae fueris coram me omni tempore pro IoabSelect 2 Samuel 19:13

14et inclinavit cor omnium virorum Iuda quasi viri unius miseruntque ad regem dicentes revertere tu et omnes servi tuiSelect 2 Samuel 19:14

15et reversus est rex et venit usque ad Iordanem et Iuda venit in Galgala ut occurreret regi et transduceret eum IordanemSelect 2 Samuel 19:15

16festinavit autem Semei filius Gera filii Iemini de Baurim et descendit cum viris Iuda in occursum regis DavidSelect 2 Samuel 19:16

17cum mille viris de Beniamin et Siba puer de domo Saul et quindecim filii eius ac viginti servi erant cum eo et inrumpentes Iordanem ante regemSelect 2 Samuel 19:17

18transierunt vada ut transducerent domum regis et facerent iuxta iussionem eius Semei autem filius Gera prostratus coram rege cum iam transisset IordanemSelect 2 Samuel 19:18

19dixit ad eum ne reputes mihi domine mi iniquitatem neque memineris iniuriam servi tui in die qua egressus es domine mi rex de Hierusalem neque ponas rex in corde tuoSelect 2 Samuel 19:19

20agnosco enim servus tuus peccatum meum et idcirco hodie primus veni de omni domo Ioseph descendique in occursum domini mei regisSelect 2 Samuel 19:20

21respondens vero Abisai filius Sarviae dixit numquid pro his verbis non occidetur Semei quia maledixit christo DominiSelect 2 Samuel 19:21

22et ait David quid mihi et vobis filii Sarviae cur efficimini mihi hodie in Satan ergone hodie interficietur vir in Israhel an ignoro hodie me factum regem super IsrahelSelect 2 Samuel 19:22

23et ait rex Semei non morieris iuravitque eiSelect 2 Samuel 19:23

24Mifiboseth quoque filius Saul descendit in occursum regis inlotis pedibus et intonsa barba vestesque suas non laverat a die qua egressus fuerat rex usque ad diem reversionis eius in paceSelect 2 Samuel 19:24

25cumque Hierusalem occurrisset regi dixit ei rex quare non venisti mecum MifibosethSelect 2 Samuel 19:25

26qui respondens ait domine mi rex servus meus contempsit me dixi ei ego famulus tuus ut sterneret mihi asinum et ascendens abirem cum rege claudus enim sum servus tuusSelect 2 Samuel 19:26

27insuper et accusavit me servum tuum ad te dominum meum regem tu autem domine mi rex sicut angelus Dei fac quod placitum est tibiSelect 2 Samuel 19:27

28neque enim fuit domus patris mei nisi morti obnoxia domino meo regi tu autem posuisti me servum tuum inter convivas mensae tuae quid igitur habeo iustae querellae aut quid possum ultra vociferari ad regemSelect 2 Samuel 19:28

29ait ergo ei rex quid ultra loqueris fixum est quod locutus sum tu et Siba dividite possessionesSelect 2 Samuel 19:29

30responditque Mifiboseth regi etiam cuncta accipiat postquam reversus est dominus meus rex pacifice in domum suamSelect 2 Samuel 19:30

31Berzellai quoque Galaadites descendens de Rogelim transduxit regem Iordanem paratus etiam ultra fluvium prosequi eumSelect 2 Samuel 19:31

32erat autem Berzellai Galaadites senex valde id est octogenarius et ipse praebuit alimenta regi cum moraretur in Castris fuit quippe vir dives nimisSelect 2 Samuel 19:32

33dixit itaque rex ad Berzellai veni mecum ut requiescas secure mecum in HierusalemSelect 2 Samuel 19:33

34et ait Berzellai ad regem quot sunt dies annorum vitae meae ut ascendam cum rege HierusalemSelect 2 Samuel 19:34

35octogenarius sum hodie numquid vigent sensus mei ad discernendum suave aut amarum aut delectare potest servum tuum cibus et potus vel audire ultra possum vocem cantorum atque cantricum quare servus tuus fit oneri domino meo regiSelect 2 Samuel 19:35

36paululum procedam famulus tuus ab Iordane tecum nec indigeo hac vicissitudineSelect 2 Samuel 19:36

37sed obsecro ut revertar servus tuus et moriar in civitate mea iuxta sepulchrum patris mei et matris meae est autem servus tuus Chamaam ipse vadat tecum domine mi rex et fac ei quod tibi bonum videturSelect 2 Samuel 19:37

38dixitque rex mecum transeat Chamaam et ego faciam ei quicquid tibi placuerit et omne quod petieris a me inpetrabisSelect 2 Samuel 19:38

39cumque transisset universus populus et rex Iordanem osculatus est rex Berzellai et benedixit ei et ille reversus est in locum suumSelect 2 Samuel 19:39

40transivit ergo rex in Galgalam et Chamaam cum eo omnis autem populus Iuda transduxerat regem et media tantum pars adfuerat de populo IsrahelSelect 2 Samuel 19:40

41itaque omnes viri Israhel concurrentes ad regem dixerunt ei quare te furati sunt fratres nostri viri Iuda et transduxerunt regem et domum eius Iordanem omnesque viros David cum eoSelect 2 Samuel 19:41

42et respondit omnis vir Iuda ad viros Israhel quia propior mihi est rex cur irasceris super hac re numquid comedimus aliquid ex rege aut munera nobis data suntSelect 2 Samuel 19:42

43et respondit vir Israhel ad viros Iuda et ait decem partibus maior ego sum apud regem magisque ad me pertinet David quam ad te cur mihi fecisti iniuriam et non mihi nuntiatum est priori ut reducerem regem meum durius autem responderunt viri Iuda viris IsrahelSelect 2 Samuel 19:43