62 Samuel 6

1congregavit autem rursum David omnes electos ex Israhel triginta miliaSelect 2 Samuel 6:1

2surrexitque et abiit et universus populus qui erat cum eo de viris Iuda ut adducerent arcam Dei super quam invocatum est nomen Domini exercituum sedentis in cherubin super eamSelect 2 Samuel 6:2

3et inposuerunt arcam Domini super plaustrum novum tuleruntque eam de domo Abinadab qui erat in Gabaa Oza autem et Haio filii Abinadab minabant plaustrum novumSelect 2 Samuel 6:3

4cumque tulissent eam de domo Abinadab qui erat in Gabaa custodiens arcam Dei Haio praecedebat arcamSelect 2 Samuel 6:4

5David autem et omnis Israhel ludebant coram Domino in omnibus lignis fabrefactis et citharis et lyris et tympanis et sistris et cymbalisSelect 2 Samuel 6:5

6postquam autem venerunt ad aream Nachon extendit manum Oza ad arcam Dei et tenuit eam quoniam calcitrabant bovesSelect 2 Samuel 6:6

7iratusque est indignatione Dominus contra Ozam et percussit eum super temeritate qui mortuus est ibi iuxta arcam DeiSelect 2 Samuel 6:7

8contristatus autem est David eo quod percussisset Dominus Ozam et vocatum est nomen loci illius Percussio Oza usque in diem hancSelect 2 Samuel 6:8

9et extimuit David Dominum in die illa dicens quomodo ingredietur ad me arca DominiSelect 2 Samuel 6:9

10et noluit devertere ad se arcam Domini in civitate David sed devertit eam in domo Obededom GettheiSelect 2 Samuel 6:10

11et habitavit arca Domini in domo Obededom Getthei tribus mensibus et benedixit Dominus Obededom et omnem domum eiusSelect 2 Samuel 6:11

12nuntiatumque est regi David benedixit Dominus Obededom et omnia eius propter arcam Dei abiit ergo David et adduxit arcam Dei de domo Obededom in civitatem David cum gaudioSelect 2 Samuel 6:12

13cumque transcendissent qui portabant arcam Domini sex passus immolabat bovem et arietemSelect 2 Samuel 6:13

14et David saltabat totis viribus ante Dominum porro David erat accinctus ephod lineoSelect 2 Samuel 6:14

15et David et omnis domus Israhel ducebant arcam testamenti Domini in iubilo et in clangore bucinaeSelect 2 Samuel 6:15

16cumque intrasset arca Domini civitatem David Michol filia Saul prospiciens per fenestram vidit regem David subsilientem atque saltantem coram Domino et despexit eum in corde suoSelect 2 Samuel 6:16

17et introduxerunt arcam Domini et posuerunt eam in loco suo in medio tabernaculi quod tetenderat ei David et obtulit David holocausta coram Domino et pacificaSelect 2 Samuel 6:17

18cumque conplesset offerens holocaustum et pacifica benedixit populo in nomine Domini exercituumSelect 2 Samuel 6:18

19et partitus est multitudini universae Israhel tam viro quam mulieri singulis collyridam panis unam et assaturam bubulae carnis unam et similam frixam oleo et abiit omnis populus unusquisque in domum suamSelect 2 Samuel 6:19

20reversusque est et David ut benediceret domui suae et egressa Michol filia Saul in occursum David ait quam gloriosus fuit hodie rex Israhel discoperiens se ante ancillas servorum suorum et nudatus est quasi si nudetur unus de scurrisSelect 2 Samuel 6:20

21dixitque David ad Michol ante Dominum qui elegit me potius quam patrem tuum et quam omnem domum eius et praecepit mihi ut essem dux super populum Domini IsrahelSelect 2 Samuel 6:21

22et ludam et vilior fiam plus quam factus sum et ero humilis in oculis meis et cum ancillis de quibus locuta es gloriosior appareboSelect 2 Samuel 6:22

23igitur Michol filiae Saul non est natus filius usque ad diem mortis suaeSelect 2 Samuel 6:23