Psalms Psalm 101 Biblia Sacra Vulgata (2007)

Poetry & wisdom · Psalms · Biblia Sacra Vulgata (2007) · 29 verses

Verse layout

Overview of this psalm About Psalms

📝 Overview of this psalm Flow, key verses and people

시편 101편은 표제가 "다윗의 시"인 8절짜리 시로, 왕이 자기 삶과 집안, 나라를 정직하게 다스리겠다고 하나님 앞에서 다짐하는 내용이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29

101Psalms · Biblia Sacra Vulgata (2007)

¹oratio pauperis quando sollicitus fuerit et coram Domino fuderit eloquium suum

²Domine audi orationem meam et clamor meus ad te veniat

³ne abscondas faciem tuam a me in die tribulationis meae inclina ad me aurem tuam in quacumque die invocavero velociter exaudi me

⁴quoniam consumpti sunt sicut fumus dies mei et ossa mea quasi frixa contabuerunt

⁵percussum est quasi faenum et arefactum est cor meum quia oblitus sum comedere panem meum

⁶a voce gemitus mei adhesit os meum carni meae

⁷adsimilatus sum pelicano deserti factus sum quasi bubo solitudinum

⁸vigilavi et fui sicut avis solitaria super tectum

⁹tota die exprobrabant mihi inimici mei exultantes per me iurabant

¹⁰quia cinerem sicut panem comedi et potum meum cum fletu miscui

¹¹a facie indignationis et irae tuae quia elevasti me et adlisisti me

¹²dies mei quasi umbra inclinati sunt et ego quasi faenum arui

¹³tu autem Domine in aeternum permanes memoriale tuum in generatione et generatione

¹⁴tu suscitans misereberis Sion quia tempus est ut miserearis eius quoniam venit tempus quoniam venit pactum

¹⁵quoniam placitos fecerunt servi tui lapides eius et pulverem eius miserabilem

¹⁶et timebunt gentes nomen Domini et universi reges terrae gloriam tuam

¹⁷quia aedificavit Dominus Sion apparuit in gloria sua

¹⁸respexit ad orationem vacui et non dispexit orationem eorum

¹⁹scribatur hoc in generatione novissima et populus qui creabitur laudabit Dominum

²⁰quoniam prospexit de excelso sanctuario suo Dominus de caelo terram contemplatus est

²¹ut audiret gemitum vincti ut solveret filios mortis

²²ut narretur in Sion nomen Domini et laudatio eius in Hierusalem

²³cum congregati fuerint populi simul et regna ut serviant Domino

²⁴adflixit in via fortitudinem meam adbreviavit dies meos

²⁵dicam Deus meus ne rapias me in dimidio dierum meorum in generatione generationum anni tui

²⁶a principio terram fundasti et opus manuum tuarum caeli

²⁷ipsi peribunt tu autem stabis et omnes quasi vestimentum adterentur et quasi pallium mutabis illos et mutabuntur

²⁸tu autem ipse es et anni tui non deficient

²⁹filii servorum tuorum habitabunt et semen eorum ante faciem eorum perseverabit

Biblia Sacra Vulgata (2007)
Tap a verse to copy, share, highlight or add a note. Dotted words link to encyclopedia articles.

29 verses in this psalm

101 / 150 psalms

The text is Biblia Sacra Vulgata (2007)(Latin) — Published under a copyright agreement with the Korean Bible Society — the text is copyright of the Korean Bible Society. Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 101 Biblia Sacra Vulgata (2007)

More