4Deuteronomy 4

1et nunc Israhel audi praecepta et iudicia quae ego doceo te ut faciens ea vivas et ingrediens possideas terram quam Dominus Deus patrum vestrorum daturus est vobisSelect Deuteronomy 4:1

2non addetis ad verbum quod vobis loquor neque auferetis ex eo custodite mandata Domini Dei vestri quae ego praecipio vobisSelect Deuteronomy 4:2

3oculi vestri viderunt omnia quae fecit Dominus contra Beelphegor quomodo contriverit omnes cultores eius de medio vestriSelect Deuteronomy 4:3

4vos autem qui adheretis Domino Deo vestro vivitis universi usque in praesentem diemSelect Deuteronomy 4:4

5scitis quod docuerim vos praecepta atque iustitias sicut mandavit mihi Dominus Deus meus sic facietis ea in terra quam possessuri estisSelect Deuteronomy 4:5

6et observabitis et implebitis opere haec est enim vestra sapientia et intellectus coram populis ut audientes universa praecepta haec dicant en populus sapiens et intellegens gens magnaSelect Deuteronomy 4:6

7nec est alia natio tam grandis quae habeat deos adpropinquantes sibi sicut Dominus Deus noster adest cunctis obsecrationibus nostrisSelect Deuteronomy 4:7

8quae est enim alia gens sic inclita ut habeat caerimonias iustaque iudicia et universam legem quam ego proponam hodie ante oculos vestrosSelect Deuteronomy 4:8

9custodi igitur temet ipsum et animam tuam sollicite ne obliviscaris verborum quae viderunt oculi tui et ne excedant de corde tuo cunctis diebus vitae tuae docebis ea filios ac nepotes tuosSelect Deuteronomy 4:9

10diem in quo stetisti coram Domino Deo tuo in Horeb quando Dominus locutus est mihi dicens congrega ad me populum ut audiat sermones meos et discat timere me omni tempore quo vivit in terra doceantque filios suosSelect Deuteronomy 4:10

11et accessistis ad radices montis qui ardebat usque ad caelum erantque in eo tenebrae nubes et caligoSelect Deuteronomy 4:11

12locutusque est Dominus ad vos de medio ignis vocem verborum eius audistis et formam penitus non vidistisSelect Deuteronomy 4:12

13et ostendit vobis pactum suum quod praecepit ut faceretis et decem verba quae scripsit in duabus tabulis lapideisSelect Deuteronomy 4:13

14mihique mandavit in illo tempore ut docerem vos caerimonias et iudicia quae facere deberetis in terra quam possessuri estisSelect Deuteronomy 4:14

15custodite igitur sollicite animas vestras non vidistis aliquam similitudinem in die qua locutus est Dominus vobis in Horeb de medio ignisSelect Deuteronomy 4:15

16ne forte decepti faciatis vobis sculptam similitudinem aut imaginem masculi vel feminaeSelect Deuteronomy 4:16

17similitudinem omnium iumentorum quae sunt super terram vel avium sub caelo volantiumSelect Deuteronomy 4:17

18atque reptilium quae moventur in terra sive piscium qui sub terra morantur in aquisSelect Deuteronomy 4:18

19ne forte oculis elevatis ad caelum videas solem et lunam et omnia astra caeli et errore deceptus adores ea et colas quae creavit Dominus Deus tuus in ministerium cunctis gentibus quae sub caelo suntSelect Deuteronomy 4:19

20vos autem tulit Dominus et eduxit de fornace ferrea Aegypti ut haberet populum hereditarium sicut est in praesenti dieSelect Deuteronomy 4:20

21iratusque est Dominus contra me propter sermones vestros et iuravit ut non transirem Iordanem nec ingrederer terram optimam quam daturus est vobisSelect Deuteronomy 4:21

22ecce morior in hac humo non transibo Iordanem vos transibitis et possidebitis terram egregiamSelect Deuteronomy 4:22

23cave nequando obliviscaris pacti Domini Dei tui quod pepigit tecum et facias tibi sculptam similitudinem eorum quae fieri Dominus prohibuitSelect Deuteronomy 4:23

24quia Dominus Deus tuus ignis consumens est Deus aemulatorSelect Deuteronomy 4:24

25si genueritis filios ac nepotes et morati fueritis in terra deceptique feceritis vobis aliquam similitudinem patrantes malum coram Domino Deo vestro ut eum ad iracundiam provocetisSelect Deuteronomy 4:25

26testes invoco hodie caelum et terram cito perituros vos esse de terra quam transito Iordane possessuri estis non habitabitis in ea longo tempore sed delebit vos DominusSelect Deuteronomy 4:26

27atque disperget in omnes gentes et remanebitis pauci in nationibus ad quas vos ducturus est DominusSelect Deuteronomy 4:27

28ibique servietis diis qui hominum manu fabricati sunt ligno et lapidi qui non vident non audiunt non comedunt non odoranturSelect Deuteronomy 4:28

29cumque quaesieris ibi Dominum Deum tuum invenies eum si tamen toto corde quaesieris et tota tribulatione animae tuaeSelect Deuteronomy 4:29

30postquam te invenerint omnia quae praedicta sunt novissimo tempore reverteris ad Dominum Deum tuum et audies vocem eiusSelect Deuteronomy 4:30

31quia Deus misericors Dominus Deus tuus est non dimittet te nec omnino delebit neque obliviscetur pacti in quo iuravit patribus tuisSelect Deuteronomy 4:31

32interroga de diebus antiquis qui fuerunt ante te ex die quo creavit Deus hominem super terram a summo caeli usque ad summum eius si facta est aliquando huiuscemodi res aut umquam cognitum estSelect Deuteronomy 4:32

33ut audiret populus vocem Dei loquentis de medio ignis sicut tu audisti et vixistiSelect Deuteronomy 4:33

34si fecit Deus ut ingrederetur et tolleret sibi gentem de medio nationum per temptationes signa atque portenta per pugnam et robustam manum extentumque brachium et horribiles visiones iuxta omnia quae fecit pro vobis Dominus Deus vester in Aegypto videntibus oculis tuisSelect Deuteronomy 4:34

35ut scires quoniam Dominus ipse est Deus et non est alius praeter unumSelect Deuteronomy 4:35

36de caelo te fecit audire vocem suam ut doceret te et in terra ostendit tibi ignem suum maximum et audisti verba illius de medio ignisSelect Deuteronomy 4:36

37quia dilexit patres tuos et elegit semen eorum post eos eduxitque te praecedens in virtute sua magna ex AegyptoSelect Deuteronomy 4:37

38ut deleret nationes maximas et fortiores te in introitu tuo et introduceret te daretque tibi terram earum in possessionem sicut cernis in praesenti dieSelect Deuteronomy 4:38

39scito ergo hodie et cogitato in corde tuo quod Dominus ipse sit Deus in caelo sursum et in terra deorsum et non sit aliusSelect Deuteronomy 4:39

40custodi praecepta eius atque mandata quae ego praecipio tibi ut bene sit tibi et filiis tuis post te et permaneas multo tempore super terram quam Dominus Deus tuus daturus est tibiSelect Deuteronomy 4:40

41tunc separavit Moses tres civitates trans Iordanem ad orientalem plagamSelect Deuteronomy 4:41

42ut confugiat ad eas qui occiderit nolens proximum suum nec fuerit inimicus ante unum et alterum diem et ad harum aliquam urbium possit evadereSelect Deuteronomy 4:42

43Bosor in solitudine quae sita est in terra campestri de tribu Ruben et Ramoth in Galaad quae est in tribu Gad et Golam in Basan quae est in tribu ManasseSelect Deuteronomy 4:43

44ista est lex quam proposuit Moses coram filiis IsrahelSelect Deuteronomy 4:44

45et haec testimonia et caerimoniae atque iudicia quae locutus est ad filios Israhel quando egressi sunt de AegyptoSelect Deuteronomy 4:45

46trans Iordanem in valle contra fanum Phogor in terra Seon regis Amorrei qui habitavit in Esebon quem percussit Moses filii quoque Israhel egressi ex AegyptoSelect Deuteronomy 4:46

47possederunt terram eius et terram Og regis Basan duorum regum Amorreorum qui erant trans Iordanem ad solis ortumSelect Deuteronomy 4:47

48ab Aroer quae sita est super ripam torrentis Arnon usque ad montem Sion qui est et HermonSelect Deuteronomy 4:48

49omnem planitiem trans Iordanem ad orientalem plagam usque ad mare Solitudinis et usque ad radices montis PhasgaSelect Deuteronomy 4:49