5Amos 5

1audite verbum istud quod ego levo super vos planctum domus Israhel cecidit non adiciet ut resurgatSelect Amos 5:1

2virgo Israhel proiecta est in terram suam non est qui suscitet eamSelect Amos 5:2

3quia haec dicit Dominus Deus urbs de qua egrediebantur mille relinquentur in ea centum et de qua egrediebantur centum relinquentur in ea decem in domo IsrahelSelect Amos 5:3

4quia haec dicit Dominus domui Israhel quaerite me et vivetisSelect Amos 5:4

5et nolite quaerere Bethel et in Galgala nolite intrare et in Bersabee non transibitis quia Galgala captiva ducetur et Bethel erit inutilisSelect Amos 5:5

6quaerite Dominum et vivite ne forte conburatur ut ignis domus Ioseph et devorabit et non erit qui extinguat BethelSelect Amos 5:6

7qui convertitis in absinthium iudicium et iustitiam in terra relinquitisSelect Amos 5:7

8facientem Arcturum et Orionem et convertentem in mane tenebras et diem nocte mutantem qui vocat aquas maris et effundit eas super faciem terrae Dominus nomen eiusSelect Amos 5:8

9qui subridet vastitatem super robustum et depopulationem super potentem adfertSelect Amos 5:9

10odio habuerunt in porta corripientem et loquentem perfecte abominati suntSelect Amos 5:10

11idcirco pro eo quod diripiebatis pauperem et praedam electam tollebatis ab eo domos quadro lapide aedificabitis et non habitabitis in eis vineas amantissimas plantabitis et non bibetis vinum earumSelect Amos 5:11

12quia cognovi multa scelera vestra et fortia peccata vestra hostes iusti accipientes munus et pauperes in porta deprimentesSelect Amos 5:12

13ideo prudens in tempore illo tacebit quia tempus malum estSelect Amos 5:13

14quaerite bonum et non malum ut vivatis et erit Dominus Deus exercituum vobiscum sicut dixistisSelect Amos 5:14

15odite malum et diligite bonum et constituite in porta iudicium si forte misereatur Dominus Deus exercituum reliquiis IosephSelect Amos 5:15

16propterea haec dicit Dominus Deus exercituum Dominator in omnibus plateis planctus et in cunctis quae foris sunt dicetur vae vae et vocabunt agricolam ad luctum et ad planctum eos qui sciunt plangereSelect Amos 5:16

17et in omnibus vineis erit planctus quia pertransibo in medio tui dicit DominusSelect Amos 5:17

18vae desiderantibus diem Domini ad quid eam vobis dies Domini ista tenebrae et non luxSelect Amos 5:18

19quomodo si fugiat vir a facie leonis et occurrat ei ursus et ingrediatur domum et innitatur manu sua super parietem et mordeat eum coluberSelect Amos 5:19

20numquid non tenebrae dies Domini et non lux et caligo et non splendor in eaSelect Amos 5:20

21odi et proieci festivitates vestras et non capiam odorem coetuum vestrorumSelect Amos 5:21

22quod si adtuleritis mihi holocaustomata et munera vestra non suscipiam et vota pinguium vestrorum non respiciamSelect Amos 5:22

23aufer a me tumultum carminum tuorum et cantica lyrae tuae non audiamSelect Amos 5:23

24et revelabitur quasi aqua iudicium et iustitia quasi torrens fortisSelect Amos 5:24

25numquid hostias et sacrificium obtulistis mihi in deserto quadraginta annis domus IsrahelSelect Amos 5:25

26et portastis tabernaculum Moloch vestro et imaginem idolorum vestrorum sidus dei vestri quae fecistis vobisSelect Amos 5:26

27et migrare vos faciam trans Damascum dixit Dominus Deus exercituum nomen eiusSelect Amos 5:27