4Ephesians 4

1obsecro itaque vos ego vinctus in Domino ut digne ambuletis vocatione qua vocati estisSelect Ephesians 4:1

2cum omni humilitate et mansuetudine cum patientia subportantes invicem in caritateSelect Ephesians 4:2

3solliciti servare unitatem spiritus in vinculo pacisSelect Ephesians 4:3

4unum corpus et unus spiritus sicut vocati estis in una spe vocationis vestraeSelect Ephesians 4:4

5unus Dominus una fides unum baptismaSelect Ephesians 4:5

6unus Deus et Pater omnium qui super omnes et per omnia et in omnibus nobisSelect Ephesians 4:6

7unicuique autem nostrum data est gratia secundum mensuram donationis ChristiSelect Ephesians 4:7

8propter quod dicit ascendens in altum captivam duxit captivitatem dedit dona hominibusSelect Ephesians 4:8

9quod autem ascendit quid est nisi quia et descendit primum in inferiores partes terraeSelect Ephesians 4:9

10qui descendit ipse est et qui ascendit super omnes caelos ut impleret omniaSelect Ephesians 4:10

11et ipse dedit quosdam quidem apostolos quosdam autem prophetas alios vero evangelistas alios autem pastores et doctoresSelect Ephesians 4:11

12ad consummationem sanctorum in opus ministerii in aedificationem corporis ChristiSelect Ephesians 4:12

13donec occurramus omnes in unitatem fidei et agnitionis Filii Dei in virum perfectum in mensuram aetatis plenitudinis ChristiSelect Ephesians 4:13

14ut iam non simus parvuli fluctuantes et circumferamur omni vento doctrinae in nequitia hominum in astutia ad circumventionem errorisSelect Ephesians 4:14

15veritatem autem facientes in caritate crescamus in illo per omnia qui est caput ChristusSelect Ephesians 4:15

16ex quo totum corpus conpactum et conexum per omnem iuncturam subministrationis secundum operationem in mensuram uniuscuiusque membri augmentum corporis facit in aedificationem sui in caritateSelect Ephesians 4:16

17hoc igitur dico et testificor in Domino ut iam non ambuletis sicut gentes ambulant in vanitate sensus suiSelect Ephesians 4:17

18tenebris obscuratum habentes intellectum alienati a vita Dei per ignorantiam quae est in illis propter caecitatem cordis ipsorumSelect Ephesians 4:18

19qui desperantes semet ipsos tradiderunt inpudicitiae in operationem inmunditiae omnis in avaritiaSelect Ephesians 4:19

20vos autem non ita didicistis ChristumSelect Ephesians 4:20

21si tamen illum audistis et in ipso edocti estis sicut est veritas in IesuSelect Ephesians 4:21

22deponere vos secundum pristinam conversationem veterem hominem qui corrumpitur secundum desideria errorisSelect Ephesians 4:22

23renovamini autem spiritu mentis vestraeSelect Ephesians 4:23

24et induite novum hominem qui secundum Deum creatus est in iustitia et sanctitate veritatisSelect Ephesians 4:24

25propter quod deponentes mendacium loquimini veritatem unusquisque cum proximo suo quoniam sumus invicem membraSelect Ephesians 4:25

26irascimini et nolite peccare sol non occidat super iracundiam vestramSelect Ephesians 4:26

27nolite locum dare diaboloSelect Ephesians 4:27

28qui furabatur iam non furetur magis autem laboret operando manibus quod bonum est ut habeat unde tribuat necessitatem patientiSelect Ephesians 4:28

29omnis sermo malus ex ore vestro non procedat sed si quis bonus ad aedificationem oportunitatis ut det gratiam audientibusSelect Ephesians 4:29

30et nolite contristare Spiritum Sanctum Dei in quo signati estis in die redemptionisSelect Ephesians 4:30

31omnis amaritudo et ira et indignatio et clamor et blasphemia tollatur a vobis cum omni malitiaSelect Ephesians 4:31

32estote autem invicem benigni misericordes donantes invicem sicut et Deus in Christo donavit nobisSelect Ephesians 4:32