17Ezekiel 17

1et factum est verbum Domini ad me dicensSelect Ezekiel 17:1

2fili hominis propone enigma et narra parabolam ad domum IsrahelSelect Ezekiel 17:2

3et dices haec dicit Dominus Deus aquila grandis magnarum alarum longo membrorum ductu plena plumis et varietate venit ad Libanum et tulit medullam cedriSelect Ezekiel 17:3

4summitatem frondium eius avellit et transportavit eam in terram Chanaan in urbem negotiatorum posuit illamSelect Ezekiel 17:4

5et tulit de semente terrae et posuit illud in terra pro semine ut firmaret radicem super aquas multas in superficie posuit illudSelect Ezekiel 17:5

6cumque germinasset crevit in vineam latiorem humili statura respicientibus ramis eius ad eam et radices eius sub illa erunt facta est ergo vinea et fructificavit in palmites et emisit propaginesSelect Ezekiel 17:6

7et facta est aquila altera grandis magnis alis multisque plumis et ecce vinea ista quasi mittens radices suas ad eam palmites suos extendit ad illam ut inrigaret eam de areolis germinis suiSelect Ezekiel 17:7

8in terra bona super aquas multas plantata est ut faciat frondes et portet fructum et sit in vineam grandemSelect Ezekiel 17:8

9dic haec dicit Dominus Deus ergone prosperabitur nonne radices eius evellet et fructum eius distringet et siccabit omnes palmites germinis eius et arescet et non in brachio grandi neque in populo multo ut evelleret eam radicitusSelect Ezekiel 17:9

10ecce plantata est ergone prosperabitur nonne cum tetigerit eam ventus urens siccabitur et in areis germinis sui arescetSelect Ezekiel 17:10

11et factum est verbum Domini ad me dicensSelect Ezekiel 17:11

12dic ad domum exasperantem nescitis quid ista significent dic ecce venit rex Babylonis Hierusalem et adsumet regem et principes eius et adducet eos ad semet ipsum in BabylonemSelect Ezekiel 17:12

13et tollet de semine regni ferietque cum eo foedus et accipiet ab eo iusiurandum sed et fortes terrae tolletSelect Ezekiel 17:13

14ut sit regnum humile et non elevetur sed custodiat pactum eius et servet illudSelect Ezekiel 17:14

15qui recedens ab eo misit nuntios ad Aegyptum ut daret sibi equos et populum multum numquid prosperabitur vel consequetur salutem qui fecit haec et qui dissolvit pactum numquid effugietSelect Ezekiel 17:15

16vivo ego dicit Dominus Deus quoniam in loco regis qui constituit eum regem cuius fecit irritum iuramentum et solvit pactum quod habebat cum eo in medio Babylonis morieturSelect Ezekiel 17:16

17et non in exercitu grandi neque in populo multo faciet contra eum Pharao proelium in iactu aggeris et in extructione vallorum ut interficiat animas multasSelect Ezekiel 17:17

18spreverat enim iuramentum ut solveret foedus et ecce dedit manum suam et cum omnia haec fecerit non effugietSelect Ezekiel 17:18

19propterea haec dicit Dominus Deus vivo ego quoniam iuramentum quod sprevit et foedus quod praevaricatus est ponam in caput eiusSelect Ezekiel 17:19

20et expandam super eum rete meum et conprehendetur sagena mea et adducam eum in Babylonem et iudicabo illum ibi in praevaricatione qua despexit meSelect Ezekiel 17:20

21et omnes profugi eius cum universo agmine gladio cadent residui autem in omnem ventum dispergentur et scietis quia ego Dominus locutus sumSelect Ezekiel 17:21

22haec dicit Dominus Deus et sumam ego de medulla cedri sublimis et ponam de vertice ramorum eius tenerum distringam et plantabo super montem excelsum et eminentemSelect Ezekiel 17:22

23in monte sublimi Israhel plantabo illud et erumpet in germen et faciet fructum et erit in cedrum magnam et habitabunt sub eo omnes volucres universum volatile sub umbra frondium eius nidificabitSelect Ezekiel 17:23

24et scient omnia ligna regionis quia ego Dominus humiliavi lignum sublime et exaltavi lignum humile et siccavi lignum viride et frondere feci lignum aridum ego Dominus locutus sum et feciSelect Ezekiel 17:24