3Ezekiel 3

1et dixit ad me fili hominis quodcumque inveneris comede comede volumen istud et vadens loquere ad filios IsrahelSelect Ezekiel 3:1

2et aperui os meum et cibavit me volumine illoSelect Ezekiel 3:2

3et dixit ad me fili hominis venter tuus comedet et viscera tua conplebuntur volumine isto quod ego do tibi et comedi illud et factum est in ore meo sicut mel dulceSelect Ezekiel 3:3

4et dixit ad me fili hominis vade ad domum Israhel et loqueris verba mea ad eosSelect Ezekiel 3:4

5non enim ad populum profundi sermonis et ignotae linguae tu mitteris ad domum IsrahelSelect Ezekiel 3:5

6neque ad populos multos profundi sermonis et ignotae linguae quorum non possis audire sermones et si ad illos mittereris ipsi audirent teSelect Ezekiel 3:6

7domus autem Israhel nolent audire te quia nolunt audire me omnis quippe domus Israhel adtrita fronte est et duro cordeSelect Ezekiel 3:7

8ecce dedi faciem tuam valentiorem faciebus eorum et frontem tuam duriorem frontibus eorumSelect Ezekiel 3:8

9ut adamantem et ut silicem dedi faciem tuam ne timeas eos neque metuas a facie eorum quia domus exasperans estSelect Ezekiel 3:9

10et dixit ad me fili hominis omnes sermones meos quos loquor ad te adsume in corde tuo et auribus tuis audiSelect Ezekiel 3:10

11et vade ingredere ad transmigrationem ad filios populi tui et loqueris ad eos et dices eis haec dicit Dominus Deus si forte audiant et quiescantSelect Ezekiel 3:11

12et adsumpsit me spiritus et audivi post me vocem commotionis magnae benedicta gloria Domini de loco suoSelect Ezekiel 3:12

13et vocem alarum animalium percutientium altera ad alteram et vocem rotarum sequentium animalia et vocem commotionis magnaeSelect Ezekiel 3:13

14spiritus quoque levavit me et adsumpsit me et abii amarus in indignatione spiritus mei manus enim Domini erat mecum confortans meSelect Ezekiel 3:14

15et veni ad transmigrationem acervum novarum frugum ad eos qui habitabant iuxta flumen Chobar et sedi ubi illi sedebant et mansi ibi septem diebus maerens in medio eorumSelect Ezekiel 3:15

16cum autem pertransissent septem dies factum est verbum Domini ad me dicensSelect Ezekiel 3:16

17fili hominis speculatorem dedi te domui Israhel et audies de ore meo verbum et adnuntiabis eis ex meSelect Ezekiel 3:17

18si dicente me ad impium morte morieris non adnuntiaveris ei neque locutus fueris ut avertatur a via sua impia et vivat ipse impius in iniquitate sua morietur sanguinem autem eius de manu tua requiramSelect Ezekiel 3:18

19si autem tu adnuntiaveris impio et ille non fuerit conversus ab impietate sua et via sua impia ipse quidem in iniquitate sua morietur tu autem animam tuam liberastiSelect Ezekiel 3:19

20sed et si conversus iustus a iustitia sua fecerit iniquitatem ponam offendiculum coram eo ipse morietur quia non adnuntiasti ei in peccato suo morietur et non erunt in memoria iustitiae eius quas fecit sanguinem vero eius de manu tua requiramSelect Ezekiel 3:20

21si autem tu adnuntiaveris iusto ut non peccet iustus et ille non peccaverit vivens vivet quia adnuntiasti ei et tu animam tuam liberastiSelect Ezekiel 3:21

22et facta est super me manus Domini et dixit ad me surgens egredere in campum et ibi loquar tecumSelect Ezekiel 3:22

23et surgens egressus sum in campum et ecce ibi gloria Domini stabat quasi gloria quam vidi iuxta fluvium Chobar et cecidi in faciem meamSelect Ezekiel 3:23

24et ingressus est in me spiritus et statuit me super pedes meos et locutus est mihi et dixit ad me ingredere et includere in medio domus tuaeSelect Ezekiel 3:24

25et tu fili hominis ecce data sunt super te vincula et ligabunt te in eis et non egredieris in medio eorumSelect Ezekiel 3:25

26et linguam tuam adherescere faciam palato tuo et eris mutus nec quasi vir obiurgans quia domus exasperans estSelect Ezekiel 3:26

27cum autem locutus fuero tibi aperiam os tuum et dices ad eos haec dicit Dominus Deus qui audit audiat et qui quiescit quiescat quia domus exasperans estSelect Ezekiel 3:27