45Ezekiel 45

1cumque coeperitis terram dividere sortito separate primitias Domino sanctificatum de terra longitudine viginti quinque milia et latitudine decem milia sanctificatum erit in omni termino eius per circuitumSelect Ezekiel 45:1

2et erit ex omni parte sanctificatum quingentos per quingentos quadrifariam per circuitum et quinquaginta cubitis in suburbana eius per gyrumSelect Ezekiel 45:2

3et a mensura ista mensurabis longitudinem viginti quinque milium et latitudinem decem milium et in ipso erit templum sanctumque sanctorumSelect Ezekiel 45:3

4sanctificatum de terra erit sacerdotibus ministris sanctuarii qui accedunt ad ministerium Domini et erit eis locus in domos et in sanctuarium sanctitatisSelect Ezekiel 45:4

5viginti quinque autem milia longitudinis et decem milia latitudinis erunt Levitis qui ministrant domui ipsi possidebunt viginti gazofilaciaSelect Ezekiel 45:5

6et possessionem civitatis dabitis quinque milia latitudinis et longitudinis viginti quinque milia secundum separationem sanctuarii omni domui IsrahelSelect Ezekiel 45:6

7principi quoque hinc et inde in separationem sanctuarii et in possessionem civitatis contra faciem separationis sanctuarii et contra faciem possessionis urbis a latere maris usque ad mare et a latere orientis usque ad orientem longitudinem autem iuxta unamquamque partium a termino occidentali usque ad terminum orientalemSelect Ezekiel 45:7

8de terra erit ei possessio in Israhel et non depopulabuntur ultra principes populum meum sed terram dabunt domui Israhel secundum tribus eorumSelect Ezekiel 45:8

9haec dicit Dominus Deus sufficiat vobis principes Israhel iniquitatem et rapinas intermittite et iudicium et iustitiam facite separate confinia vestra a populo meo ait Dominus DeusSelect Ezekiel 45:9

10statera iusta et oephi iustum et batus iustus erit vobisSelect Ezekiel 45:10

11oephi et batus aequalia et unius mensurae erunt ut capiat decimam partem chori batus et decimam partem chori oephi iuxta mensuram chori erit aequa libratio eorumSelect Ezekiel 45:11

12siclus autem viginti obolos habeat porro viginti sicli et viginti quinque sicli et quindecim sicli minam facientSelect Ezekiel 45:12

13et haec sunt primitiae quas tolletis sextam partem oephi de choro frumenti et sextam partem oephi de choro hordeiSelect Ezekiel 45:13

14mensura quoque olei batus olei decima pars chori est et decem bati chorum faciunt quia decem bati implent chorumSelect Ezekiel 45:14

15et arietem unum de grege ducentorum de his quae nutriunt Israhel in sacrificium et in holocaustum et in pacifica ad expiandum pro eis ait Dominus DeusSelect Ezekiel 45:15

16omnis populus terrae tenebitur primitiis his principi in IsrahelSelect Ezekiel 45:16

17et super principem erunt holocausta et sacrificium et libamina in sollemnitatibus et in kalendis et in sabbatis in universis sollemnitatibus domus Israhel ipse faciat pro peccato sacrificium et holocaustum et pacifica ad expiandum pro domo IsrahelSelect Ezekiel 45:17

18haec dicit Dominus Deus in primo mense una mensis sumes vitulum de armento inmaculatum et expiabis sanctuariumSelect Ezekiel 45:18

19et tollet sacerdos de sanguine quod erit pro peccato et ponet in postibus domus et in quattuor angulis crepidinis altaris et in postibus portae atrii interiorisSelect Ezekiel 45:19

20et sic facies in septima mensis pro unoquoque qui ignoravit et errore deceptus est et expiabitis pro domoSelect Ezekiel 45:20

21in primo mense quartadecima die mensis erit vobis paschae sollemnitas septem diebus azyma comedenturSelect Ezekiel 45:21

22et faciet princeps in die illa pro se et pro universo populo terrae vitulum pro peccatoSelect Ezekiel 45:22

23et in septem dierum sollemnitate faciet holocaustum Domino septem vitulos et septem arietes inmaculatos cotidie septem diebus et pro peccato hircum caprarum cotidieSelect Ezekiel 45:23

24et sacrificium oephi per vitulum et oephi per arietem faciet et olei hin per singula oephiSelect Ezekiel 45:24

25septimo mense quintadecima die mensis in sollemnitate faciet sicut supra dicta sunt per septem dies tam pro peccato quam pro holocausto et in sacrificio et in oleoSelect Ezekiel 45:25