61 Kings 6

1factum est igitur quadringentesimo et octogesimo anno egressionis filiorum Israhel de terra Aegypti in anno quarto mense zio ipse est mensis secundus regis Salomonis super Israhel aedificare coepit domum DominoSelect 1 Kings 6:1

2domus autem quam aedificabat rex Salomon Domino habebat sexaginta cubitos in longitudine et viginti cubitos in latitudine et triginta cubitos in altitudineSelect 1 Kings 6:2

3et porticus erat ante templum viginti cubitorum longitudinis iuxta mensuram latitudinis templi et habebat decem cubitos latitudinis ante faciem templiSelect 1 Kings 6:3

4fecitque in templo fenestras obliquasSelect 1 Kings 6:4

5et aedificavit super parietem templi tabulata per gyrum in parietibus domus per circuitum templi et oraculi et fecit latera in circuituSelect 1 Kings 6:5

6tabulatum quod subter erat quinque cubitos habebat latitudinis et medium tabulatum sex cubitorum latitudinis et tertium tabulatum septem habens cubitos latitudinis trabes autem posuit in domo per circuitum forinsecus ut non hererent muris templiSelect 1 Kings 6:6

7domus autem cum aedificaretur lapidibus dedolatis atque perfectis aedificata est et malleus et securis et omne ferramentum non sunt audita in domo cum aedificareturSelect 1 Kings 6:7

8ostium lateris medii in parte erat domus dexterae et per cocleam ascendebant in medium cenaculum et a medio in tertiumSelect 1 Kings 6:8

9et aedificavit domum et consummavit eam texit quoque domum laquearibus cedrinisSelect 1 Kings 6:9

10et aedificavit tabulatum super omnem domum quinque cubitis altitudinis et operuit domum lignis cedrinisSelect 1 Kings 6:10

11et factus est sermo Domini ad Salomonem dicensSelect 1 Kings 6:11

12domus haec quam aedificas si ambulaveris in praeceptis meis et iudicia mea feceris et custodieris omnia mandata mea gradiens per ea firmabo sermonem meum tibi quem locutus sum ad David patrem tuumSelect 1 Kings 6:12

13et habitabo in medio filiorum Israhel et non derelinquam populum meum IsrahelSelect 1 Kings 6:13

14igitur aedificavit Salomon domum et consummavit eamSelect 1 Kings 6:14

15et aedificavit parietes domus intrinsecus tabulatis cedrinis a pavimento domus usque ad summitatem parietum et usque ad laquearia operuit lignis intrinsecus et texit pavimentum domus tabulis abiegnisSelect 1 Kings 6:15

16aedificavitque viginti cubitorum ad posteriorem partem templi tabulata cedrina a pavimento usque ad superiora et fecit interiorem domum oraculi in sanctum sanctorumSelect 1 Kings 6:16

17porro quadraginta cubitorum erat ipsum templum pro foribus oraculiSelect 1 Kings 6:17

18et cedro omnis domus intrinsecus vestiebatur habens tornaturas suas et iuncturas fabrefactas et celaturas eminentes omnia cedrinis tabulis vestiebantur nec omnino lapis apparere poterat in parieteSelect 1 Kings 6:18

19oraculum autem in medio domus in interiori parte fecerat ut poneret ibi arcam foederis DominiSelect 1 Kings 6:19

20porro oraculum habebat viginti cubitos longitudinis et viginti cubitos latitudinis et viginti cubitos altitudinis et operuit illud atque vestivit auro purissimo sed et altare vestivit cedroSelect 1 Kings 6:20

21domum quoque ante oraculum operuit auro purissimo et adfixit lamminas clavis aureisSelect 1 Kings 6:21

22nihilque erat in templo quod non auro tegeretur sed et totum altare oraculi texit auroSelect 1 Kings 6:22

23et fecit in oraculo duo cherubin de lignis olivarum decem cubitorum altitudinisSelect 1 Kings 6:23

24quinque cubitorum ala cherub una et quinque cubitorum ala cherub altera id est decem cubitos habentes a summitate alae usque ad alae alterius summitatemSelect 1 Kings 6:24

25decem quoque cubitorum erat cherub secundus mensura pari et opus unum erat in duobus cherubinSelect 1 Kings 6:25

26id est altitudinem habebat unus cherub decem cubitorum et similiter cherub secundusSelect 1 Kings 6:26

27posuitque cherubin in medio templi interioris extendebant autem alas suas cherubin et tangebat ala una parietem et ala cherub secundi tangebat parietem alterum alae autem alterae in media parte templi se invicem contingebantSelect 1 Kings 6:27

28texit quoque cherubin auroSelect 1 Kings 6:28

29et omnes parietes templi per circuitum scalpsit variis celaturis et torno et fecit in eis cherubin et palmas et picturas varias quasi prominentes de pariete et egredientesSelect 1 Kings 6:29

30sed et pavimentum domus texit auro intrinsecus et extrinsecusSelect 1 Kings 6:30

31et in ingressu oraculi fecit ostiola de lignis olivarum postesque angulorum quinqueSelect 1 Kings 6:31

32et duo ostia de lignis olivarum et scalpsit in eis picturam cherubin et palmarum species et anaglyfa valde prominentia et texit ea auro et operuit tam cherubin quam palmas et cetera auroSelect 1 Kings 6:32

33fecitque in introitum templi postes de lignis olivarum quadrangulatosSelect 1 Kings 6:33

34et duo ostia de lignis abiegnis altrinsecus et utrumque ostium duplex erat et se invicem tenens aperiebaturSelect 1 Kings 6:34

35et scalpsit cherubin et palmas et celaturas valde eminentes operuitque omnia lamminis aureis opere quadro ad regulamSelect 1 Kings 6:35

36et aedificavit atrium interius tribus ordinibus lapidum politorum et uno ordine lignorum cedriSelect 1 Kings 6:36

37anno quarto fundata est domus Domini in mense zioSelect 1 Kings 6:37

38et in anno undecimo mense bul ipse est mensis octavus perfecta est domus in omni opere suo et in universis utensilibus aedificavitque eam annis septemSelect 1 Kings 6:38