71 Kings 7

1domum autem suam aedificavit Salomon tredecim annis et ad perfectum usque perduxitSelect 1 Kings 7:1

2aedificavit quoque domum saltus Libani centum cubitorum longitudinis et quinquaginta cubitorum latitudinis et triginta cubitorum altitudinis et quattuor deambulacra inter columnas cedrinas ligna quippe cedrina exciderat in columnasSelect 1 Kings 7:2

3et tabulatis cedrinis vestivit totam cameram quae quadraginta quinque columnis sustentabatur unus autem ordo habebat columnas quindecimSelect 1 Kings 7:3

4contra se invicem positasSelect 1 Kings 7:4

5et e regione se respicientes aequali spatio inter columnas et super columnas quadrangulata ligna in cunctis aequaliaSelect 1 Kings 7:5

6et porticum columnarum fecit quinquaginta cubitorum longitudinis et triginta cubitorum latitudinis et alteram porticum in facie maioris porticus et columnas et epistylia super columnasSelect 1 Kings 7:6

7porticum quoque solii in qua tribunal est fecit et texit lignis cedrinis a pavimento usque ad summitatemSelect 1 Kings 7:7

8et domuncula in qua sedetur ad iudicandum erat in media porticu simili opere domum quoque fecit filiae Pharaonis quam uxorem duxerat Salomon tali opere quali et hanc porticumSelect 1 Kings 7:8

9omnia lapidibus pretiosis qui ad normam quandam atque mensuram tam intrinsecus quam extrinsecus serrati erant a fundamento usque ad summitatem parietum et intrinsecus usque ad atrium maiusSelect 1 Kings 7:9

10fundamenta autem de lapidibus pretiosis lapidibus magnis decem sive octo cubitorumSelect 1 Kings 7:10

11et desuper lapides pretiosi aequalis mensurae secti erant similiterque de cedroSelect 1 Kings 7:11

12et atrium maius rotundum trium ordinum de lapidibus sectis et unius ordinis dolata cedro nec non et in atrio domus Domini interiori et in porticu domusSelect 1 Kings 7:12

13misit quoque rex Salomon et tulit Hiram de TyroSelect 1 Kings 7:13

14filium mulieris viduae de tribu Nepthali patre Tyrio artificem aerarium et plenum sapientia et intellegentia et doctrina ad faciendum omne opus ex aere qui cum venisset ad regem Salomonem fecit omne opus eiusSelect 1 Kings 7:14

15et finxit duas columnas aereas decem et octo cubitorum altitudinis columnam unam et linea duodecim cubitorum ambiebat columnam utramqueSelect 1 Kings 7:15

16duo quoque capitella fecit quae ponerentur super capita columnarum fusili aere quinque cubitorum altitudinis capitellum unum et quinque cubitorum altitudinis capitellum alterumSelect 1 Kings 7:16

17et quasi in modum retis et catenarum sibi invicem miro opere contextarum utrumque capitellum columnarum fusile erat septena versuum retiacula in capitello uno et septena retiacula in capitello alteroSelect 1 Kings 7:17

18et perfecit columnas et duos ordines per circuitum retiaculorum singulorum ut tegerent capitella quae erant super summitatem malogranatorum eodem modo fecit et capitello secundoSelect 1 Kings 7:18

19capitella autem quae erant super capita columnarum quasi opere lilii fabricata erant in porticu quattuor cubitorumSelect 1 Kings 7:19

20et rursum alia capitella in summitate columnarum desuper iuxta mensuram columnae contra retiacula malogranatorum autem ducenti ordines erant in circuitu capitelli secundiSelect 1 Kings 7:20

21et statuit duas columnas in porticum templi cumque statuisset columnam dexteram vocavit eam nomine Iachin similiter erexit columnam secundam et vocavit nomen eius BoozSelect 1 Kings 7:21

22et super capita columnarum opus in modum lilii posuit perfectumque est opus columnarumSelect 1 Kings 7:22

23fecit quoque mare fusile decem cubitorum a labio usque ad labium rotundum in circuitu quinque cubitorum altitudo eius et resticula triginta cubitorum cingebat illud per circuitumSelect 1 Kings 7:23

24et scalptura subter labium circumibat illud decem cubitis ambiens mare duo ordines scalpturarum histriatarum erant fusilesSelect 1 Kings 7:24

25et stabat super duodecim boves e quibus tres respiciebant ad aquilonem et tres ad occidentem et tres ad meridiem et tres ad orientem et mare super eos desuper erat quorum posteriora universa intrinsecus latitabantSelect 1 Kings 7:25

26grossitudo autem luteris trium unciarum erat labiumque eius quasi labium calicis et folium repandi lilii duo milia batos capiebatSelect 1 Kings 7:26

27et fecit bases decem aereas quattuor cubitorum longitudinis bases singulas et quattuor cubitorum latitudinis et trium cubitorum altitudinisSelect 1 Kings 7:27

28et ipsum opus basium interrasile erat et scalpturae inter iuncturasSelect 1 Kings 7:28

29et inter coronulas et plectas leones et boves et cherubin et in iuncturis similiter desuper et subter leones et boves quasi lora ex aere dependentiaSelect 1 Kings 7:29

30et quattuor rotae per bases singulas et axes aerei et per quattuor partes quasi umeruli subter luterem fusiles contra se invicem respectantesSelect 1 Kings 7:30

31os quoque luteris intrinsecus erat in capitis summitate et quod forinsecus apparebat unius cubiti erat totum rotundum pariterque habebat unum cubitum et dimidium in angulis autem columnarum variae celaturae erant et media intercolumnia quadrata non rotundaSelect 1 Kings 7:31

32quattuor quoque rotae quae per quattuor angulos basis erant coherebant subter basi una rota habebat altitudinis cubitum et semisSelect 1 Kings 7:32

33tales autem rotae erant quales solent in curru fieri et axes earum et radii et canti et modioli omnia fusiliaSelect 1 Kings 7:33

34nam et umeruli illi quattuor per singulos angulos basis unius ex ipsa basi fusiles et coniuncti erantSelect 1 Kings 7:34

35in summitate autem basis erat quaedam rotunditas dimidii cubiti ita fabrefacta ut luter desuper possit inponi habens celaturas suas et scalpturas varias ex semet ipsoSelect 1 Kings 7:35

36scalpsit quoque in tabulatis illis quae erant ex aere et in angulis cherubin et leones et palmas quasi in similitudinem stantis hominis ut non celata sed adposita per circuitum viderenturSelect 1 Kings 7:36

37in hunc modum fecit decem bases fusura una et mensura scalpturaque consimiliSelect 1 Kings 7:37

38fecit quoque decem luteres aereos quadraginta batos capiebat luter unus eratque quattuor cubitorum singulosque luteres per singulas id est decem bases posuitSelect 1 Kings 7:38

39et constituit decem bases quinque ad dexteram partem templi et quinque ad sinistram mare autem posuit ad dexteram partem templi contra orientem ad meridiemSelect 1 Kings 7:39

40fecit ergo Hiram lebetas et scutras et amulas et perfecit omne opus regis Salomonis in templo DominiSelect 1 Kings 7:40

41columnas duas et funiculos capitulorum super capitella columnarum duos et retiacula duo ut operirent duos funiculos qui erant super capita columnarumSelect 1 Kings 7:41

42et malogranata quadringenta in duobus retiaculis duos versus malogranatorum in retiaculis singulis ad operiendos funiculos capitellorum qui erant super capita columnarumSelect 1 Kings 7:42

43et bases decem et luteres decem super basesSelect 1 Kings 7:43

44et mare unum et boves duodecim subter mareSelect 1 Kings 7:44

45et lebetas et scutras et amulas omnia vasa quae fecit Hiram regi Salomoni in domo Domini de aurichalco erantSelect 1 Kings 7:45

46in campestri regione Iordanis fudit ea rex in argillosa terra inter Socchoth et SarthanSelect 1 Kings 7:46

47et posuit Salomon omnia vasa propter multitudinem autem nimiam non erat pondus aerisSelect 1 Kings 7:47

48fecitque Salomon omnia vasa in domo Domini altare aureum et mensam super quam ponerentur panes propositionis aureamSelect 1 Kings 7:48

49et candelabra aurea quinque ad dexteram et quinque ad sinistram contra oraculum ex auro primo et quasi lilii flores et lucernas desuper aureas et forcipes aureosSelect 1 Kings 7:49

50et hydrias et fuscinulas et fialas et mortariola et turibula de auro purissimo et cardines ostiorum domus interioris sancti sanctorum et ostiorum domus templi ex auro erantSelect 1 Kings 7:50

51et perfecit omne opus quod faciebat Salomon in domo Domini et intulit quae sanctificaverat David pater suus argentum et aurum et vasa reposuitque in thesauris domus DominiSelect 1 Kings 7:51