252 Kings 25

1factum est autem anno nono regni eius mense decimo decima die mensis venit Nabuchodonosor rex Babylonis ipse et omnis exercitus eius in Hierusalem et circumdederunt eam et extruxerunt in circuitu eius munitionesSelect 2 Kings 25:1

2et clausa est civitas atque vallata usque ad undecimum annum regis SedeciaeSelect 2 Kings 25:2

3nona die mensis praevaluitque fames in civitate nec erat panis populo terraeSelect 2 Kings 25:3

4et interrupta est civitas et omnes viri bellatores nocte fugerunt per viam portae quae est inter duplicem murum ad hortum regis porro Chaldei obsidebant in circuitu civitatem fugit itaque per viam quae ducit ad campestria solitudinisSelect 2 Kings 25:4

5et persecutus est exercitus Chaldeorum regem conprehenditque eum in planitie Hiericho et omnes bellatores qui erant cum eo dispersi sunt et reliquerunt eumSelect 2 Kings 25:5

6adprehensum ergo regem duxerunt ad regem Babylonis in Reblatha qui locutus est cum eo iudiciumSelect 2 Kings 25:6

7filios autem Sedeciae occidit coram eo et oculos eius effodit vinxitque eum catenis et adduxit in BabylonemSelect 2 Kings 25:7

8mense quinto septima die mensis ipse est annus nonusdecimus regis Babylonis venit Nabuzardan princeps exercitus servus regis Babylonis HierusalemSelect 2 Kings 25:8

9et succendit domum Domini et domum regis et domos Hierusalem omnemque domum conbusit igniSelect 2 Kings 25:9

10et muros Hierusalem in circuitu destruxit omnis exercitus Chaldeorum qui erat cum principe militumSelect 2 Kings 25:10

11reliquam autem populi partem qui remanserat in civitate et perfugas qui transfugerant ad regem Babylonis et reliquum vulgus transtulit Nabuzardan princeps militiaeSelect 2 Kings 25:11

12et de pauperibus terrae reliquit vinitores et agricolasSelect 2 Kings 25:12

13columnas autem aereas quae erant in templo Domini et bases et mare aereum quod erat in domo Domini confregerunt Chaldei et transtulerunt aes omnium in BabylonemSelect 2 Kings 25:13

14ollas quoque aereas et trullas et tridentes et scyphos et omnia vasa aerea in quibus ministrabant tuleruntSelect 2 Kings 25:14

15nec non turibula et fialas quae aurea aurea et quae argentea argentea tulit princeps militiaeSelect 2 Kings 25:15

16id est columnas duas mare unum et bases quas fecerat Salomon in templo Domini non erat pondus aeris omnium vasorumSelect 2 Kings 25:16

17decem et octo cubitos altitudinis habebat columna una et capitellum aereum super se altitudinis trium cubitorum et reticulum et malogranata super capitellum columnae omnia aerea similem et columna secunda habebat ornatumSelect 2 Kings 25:17

18tulit quoque princeps militiae Seraian sacerdotem primum et Sophoniam sacerdotem secundum et tres ianitoresSelect 2 Kings 25:18

19et de civitate eunuchum unum qui erat praefectus super viros bellatores et quinque viros de his qui steterant coram rege quos repperit in civitate et Sopher principem exercitus qui probabat tirones de populo terrae et sex viros e vulgo qui inventi fuerant in civitateSelect 2 Kings 25:19

20quos tollens Nabuzardan princeps militum duxit ad regem Babylonis in ReblathaSelect 2 Kings 25:20

21percussitque eos rex Babylonis et interfecit in Reblatha in terra Emath et translatus est Iuda de terra suaSelect 2 Kings 25:21

22populo autem qui relictus erat in terra Iuda quem dimiserat Nabuchodonosor rex Babylonis praefecit Godoliam filium Ahicham filii SaphanSelect 2 Kings 25:22

23quod cum audissent omnes duces militum ipsi et viri qui erant cum eis videlicet quod constituisset rex Babylonis Godoliam venerunt ad Godoliam in Maspha Ismahel filius Nathaniae et Iohanan filius Caree et Sareia filius Thenaameth Nethophathites et Iezonias filius Maachathi ipsi et socii eorumSelect 2 Kings 25:23

24iuravitque eis Godolias et sociis eorum dicens nolite timere servire Chaldeis manete in terra et servite regi Babylonis et bene erit vobisSelect 2 Kings 25:24

25factum est autem in mense septimo venit Ismahel filius Nathaniae filii Elisama de semine regio et decem viri cum eo percusseruntque Godoliam qui mortuus est sed et Iudaeos et Chaldeos qui erant cum eo in MasphaSelect 2 Kings 25:25

26consurgens autem omnis populus a parvo usque ad magnum et principes militum venerunt in Aegyptum timentes ChaldeosSelect 2 Kings 25:26

27factum est vero anno tricesimo septimo transmigrationis Ioiachin regis Iudae mense duodecimo vicesima septima die mensis sublevavit Evilmerodach rex Babylonis anno quo regnare coeperat caput Ioiachin regis Iuda de carcereSelect 2 Kings 25:27

28et locutus est ei benigna et posuit thronum eius super thronum regum qui erant cum eo in BabyloneSelect 2 Kings 25:28

29et mutavit vestes eius quas habuerat in carcere et comedebat panem semper in conspectu eius cunctis diebus vitae suaeSelect 2 Kings 25:29

30annonam quoque constituit ei absque intermissione quae et dabatur ei a rege per singulos dies omnibus diebus vitae suae EXPLICIT LIBER MALACHIM ID EST REGUM TERTIUS ET QUARTUSSelect 2 Kings 25:30