4Lamentations 4

1aleph Quomodo obscuratum est aurum mutatus est color optimus dispersi sunt lapides sanctuarii in capite omnium platearumSelect Lamentations 4:1

2beth filii Sion incliti et amicti auro primo quomodo reputati sunt in vasa testea opus manuum figuliSelect Lamentations 4:2

3gimel sed et lamiae nudaverunt mammam lactaverunt catulos suos filia populi mei crudelis quasi strutio in desertoSelect Lamentations 4:3

4deleth adhesit lingua lactantis ad palatum eius in siti parvuli petierunt panem et non erat qui frangeret eisSelect Lamentations 4:4

5he qui vescebantur voluptuose interierunt in viis qui nutriebantur in croceis amplexati sunt stercoraSelect Lamentations 4:5

6vav et maior effecta est iniquitas filiae populi mei peccato Sodomorum quae subversa est in momento et non ceperunt in ea manusSelect Lamentations 4:6

7zai candidiores nazarei eius nive nitidiores lacte rubicundiores ebore antiquo sapphyro pulchrioresSelect Lamentations 4:7

8heth denigrata est super carbones facies eorum et non sunt cogniti in plateis adhesit cutis eorum ossibus aruit et facta est quasi lignumSelect Lamentations 4:8

9teth melius fuit occisis gladio quam interfectis fame quoniam isti extabuerunt consumpti ab sterilitate terraeSelect Lamentations 4:9

10ioth manus mulierum misericordium coxerunt filios suos facti sunt cibus earum in contritione filiae populi meiSelect Lamentations 4:10

11caph conplevit Dominus furorem suum effudit iram indignationis suae et succendit ignem in Sion et devoravit fundamenta eiusSelect Lamentations 4:11

12lamed non crediderunt reges terrae et universi habitatores orbis quoniam ingrederetur hostis et inimicus per portas HierusalemSelect Lamentations 4:12

13mem propter peccata prophetarum eius iniquitates sacerdotum eius qui effuderunt in medio eius sanguinem iustorumSelect Lamentations 4:13

14nun erraverunt caeci in plateis polluti sunt sanguine cumque non possent tenuerunt lacinias suasSelect Lamentations 4:14

15samech recedite polluti clamaverunt eis recedite abite nolite tangere iurgati quippe sunt et commoti dixerunt inter gentes non addet ultra ut habitet in eisSelect Lamentations 4:15

16fe facies Domini divisit eos non addet ut respiciat eos facies sacerdotum non erubuerunt neque senum miserti suntSelect Lamentations 4:16

17ain cum adhuc subsisteremus defecerunt oculi nostri ad auxilium nostrum vanum cum respiceremus adtenti ad gentem quae salvare non poteratSelect Lamentations 4:17

18sade lubricaverunt vestigia nostra in itinere platearum nostrarum adpropinquavit finis noster conpleti sunt dies nostri quia venit finis nosterSelect Lamentations 4:18

19coph velociores fuerunt persecutores nostri aquilis caeli super montes persecuti sunt nos in deserto insidiati sunt nobisSelect Lamentations 4:19

20res spiritus oris nostri christus dominus captus est in peccatis nostris cui diximus in umbra tua vivemus in gentibusSelect Lamentations 4:20

21sen gaude et laetare filia Edom quae habitas in terra Hus ad te quoque perveniet calix inebriaberis atque nudaberisSelect Lamentations 4:21

22thav conpleta est iniquitas tua filia Sion non addet ultra ut transmigret te visitavit iniquitatem tuam filia Edom discoperuit peccata tuaSelect Lamentations 4:22