13Jeremiah 13

1haec dicit Dominus ad me vade et posside tibi lumbare lineum et pones illud super lumbos tuos et in aquam non inferes illudSelect Jeremiah 13:1

2et possedi lumbare iuxta verbum Domini et posui circa lumbos meosSelect Jeremiah 13:2

3et factus est sermo Domini ad me secundo dicensSelect Jeremiah 13:3

4tolle lumbare quod possedisti quod est circa lumbos tuos et surgens vade ad Eufraten et absconde illud ibi in foramine petraeSelect Jeremiah 13:4

5et abii et abscondi illud in Eufraten sicut praeceperat mihi DominusSelect Jeremiah 13:5

6et factum est post dies plurimos dixit Dominus ad me surge vade ad Eufraten et tolle inde lumbare quod praecepi tibi ut absconderes illud ibiSelect Jeremiah 13:6

7et abii ad Eufraten et fodi et tuli lumbare de loco ubi absconderam illud et ecce conputruerat lumbare ita ut nullo usui aptum essetSelect Jeremiah 13:7

8et factum est verbum Domini ad me dicensSelect Jeremiah 13:8

9haec dicit Dominus sic putrescere faciam superbiam Iuda et superbiam Hierusalem multamSelect Jeremiah 13:9

10populum istum pessimum qui nolunt audire verba mea et ambulant in pravitate cordis sui abieruntque post deos alienos ut servirent eis et adorarent eos et erunt sicut lumbare istud quod nullo usui aptum estSelect Jeremiah 13:10

11sicut enim adheret lumbare ad lumbos viri sic adglutinavi mihi omnem domum Israhel et omnem domum Iuda dicit Dominus ut esset mihi in populum et in nomen et in laudem et in gloriam et non audieruntSelect Jeremiah 13:11

12dices ergo ad eos sermonem istum haec dicit Dominus Deus Israhel omnis laguncula implebitur vino et dicent ad te numquid ignoramus quia omnis laguncula implebitur vinoSelect Jeremiah 13:12

13et dices ad eos haec dicit Dominus ecce ego implebo omnes habitatores terrae huius et reges qui sedent de stirpe David super thronum eius et sacerdotes et prophetas et omnes habitatores Hierusalem ebrietateSelect Jeremiah 13:13

14et dispergam eos virum a fratre suo et patres et filios pariter ait Dominus non parcam et non concedam neque miserebor ut non disperdam eosSelect Jeremiah 13:14

15audite et auribus percipite nolite elevari quia Dominus locutus estSelect Jeremiah 13:15

16date Domino Deo vestro gloriam antequam contenebrescat et antequam offendant pedes vestri ad montes caligosos expectabitis lucem et ponet eam in umbram mortis et in caliginemSelect Jeremiah 13:16

17quod si hoc non audieritis in abscondito plorabit anima mea a facie superbiae plorans plorabit et deducet oculus meus lacrimam quia captus est grex DominiSelect Jeremiah 13:17

18dic regi et dominatrici humiliamini sedete quoniam descendit de capite vestro corona gloriae vestraeSelect Jeremiah 13:18

19civitates austri clausae sunt et non est qui aperiat translata est omnis Iudaea transmigratione perfectaSelect Jeremiah 13:19

20levate oculos vestros et videte qui venitis ab aquilone ubi est grex qui datus est tibi pecus inclitum tuumSelect Jeremiah 13:20

21quid dices cum visitaverit te tu enim docuisti eos adversum te et erudisti in caput tuum numquid non dolores adprehendent te quasi mulierem parturientemSelect Jeremiah 13:21

22quod si dixeris in corde tuo quare venerunt mihi haec propter multitudinem iniquitatis tuae revelata sunt verecundiora tua pollutae sunt plantae tuaeSelect Jeremiah 13:22

23si mutare potest Aethiops pellem suam aut pardus varietates suas et vos poteritis bene facere cum didiceritis malumSelect Jeremiah 13:23

24et disseminabo eos quasi stipulam quae vento raptatur in desertoSelect Jeremiah 13:24

25haec sors tua parsque mensurae tuae a me dicit Dominus quia oblita es mei et confisa es in mendacioSelect Jeremiah 13:25

26unde et ego nudavi femora tua contra faciem tuam et apparuit ignominia tuaSelect Jeremiah 13:26

27adulteria tua et hinnitus tuus scelus fornicationis tuae super colles in agro vidi abominationes tuas vae tibi Hierusalem non mundaberis post me usquequo adhucSelect Jeremiah 13:27