30Jeremiah 30

1hoc verbum quod factum est ad Hieremiam a Domino dicensSelect Jeremiah 30:1

2haec dicit Dominus Deus Israhel dicens scribe tibi omnia verba quae locutus sum ad te in libroSelect Jeremiah 30:2

3ecce enim dies veniunt dicit Dominus et convertam conversionem populi mei Israhel et Iuda ait Dominus et convertam eos ad terram quam dedi patribus eorum et possidebunt eamSelect Jeremiah 30:3

4et haec verba quae locutus est Dominus ad Israhel et ad IudamSelect Jeremiah 30:4

5quoniam haec dicit Dominus vocem terroris audivimus formido et non est paxSelect Jeremiah 30:5

6interrogate et videte si generat masculus quare ergo vidi omnis viri manum super lumbum suum quasi parientis et conversae sunt universae facies in auruginemSelect Jeremiah 30:6

7vae quia magna dies illa nec est similis eius tempusque tribulationis est Iacob et ex ipso salvabiturSelect Jeremiah 30:7

8et erit in die illa ait Dominus exercituum conteram iugum eius de collo tuo et vincula illius disrumpam et non dominabuntur ei amplius alieniSelect Jeremiah 30:8

9sed servient Domino Deo suo et David regi suo quem suscitabo eisSelect Jeremiah 30:9

10tu ergo ne timeas serve meus Iacob ait Dominus neque paveas Israhel quia ecce ego salvo te de terra longinqua et semen tuum de terra captivitatis eorum et revertetur Iacob et quiescet et cunctis affluet et non erit quem formidetSelect Jeremiah 30:10

11quoniam tecum ego sum ait Dominus ut salvem te faciam enim consummationem in cunctis gentibus in quibus dispersi te te autem non faciam in consummationem sed castigabo te in iudicio ut non tibi videaris innoxiusSelect Jeremiah 30:11

12quia haec dicit Dominus insanabilis fractura tua pessima plaga tuaSelect Jeremiah 30:12

13non est qui iudicet iudicium tuum ad alligandum curationum utilitas non est tibiSelect Jeremiah 30:13

14omnes amatores tui obliti sunt tui te non quaerent plaga enim inimici percussi te castigatione crudeli propter multitudinem iniquitatis tuae dura facta sunt peccata tuaSelect Jeremiah 30:14

15quid clamas super contritione tua insanabilis est dolor tuus propter multitudinem iniquitatis tuae et dura peccata tua feci haec tibiSelect Jeremiah 30:15

16propterea omnes qui comedunt te devorabuntur et universi hostes tui in captivitatem ducentur et qui te vastant vastabuntur cunctosque praedatores tuos dabo in praedamSelect Jeremiah 30:16

17obducam enim cicatricem tibi et a vulneribus tuis sanabo te dicit Dominus quia Eiectam vocaverunt te Sion haec est quae non habebat requirentemSelect Jeremiah 30:17

18haec dicit Dominus ecce ego convertam conversionem tabernaculorum Iacob et tectis eius miserebor et aedificabitur civitas in excelso suo et templum iuxta ordinem suum fundabiturSelect Jeremiah 30:18

19et egredietur de eis laus voxque ludentium et multiplicabo eos et non inminuentur et glorificabo eos et non adtenuabunturSelect Jeremiah 30:19

20et erunt filii eius sicut a principio et coetus eius coram me permanebit et visitabo adversum omnes qui tribulant eumSelect Jeremiah 30:20

21et erit dux eius ex eo et princeps de medio eius producetur et adplicabo eum et accedet ad me quis enim iste est qui adplicet cor suum ut adpropinquet mihi ait DominusSelect Jeremiah 30:21

22et eritis mihi in populum et ego ero vobis in DeumSelect Jeremiah 30:22

23ecce turbo Domini furor egrediens procella ruens in capite impiorum conquiescetSelect Jeremiah 30:23

24non avertet iram indignationis Dominus donec faciat et conpleat cogitationem cordis sui in novissimo dierum intellegetis eaSelect Jeremiah 30:24