43Jeremiah 43

1factum est autem cum conplesset Hieremias loquens ad populum universos sermones Domini Dei eorum pro quibus miserat eum Dominus Deus eorum ad illos omnia verba haecSelect Jeremiah 43:1

2dixit Azarias filius Osaiae et Iohanan filius Caree et omnes viri superbi dicentes ad Hieremiam mendacium tu loqueris non misit te Dominus Deus noster dicens ne ingrediamini Aegyptum ut habitetis illucSelect Jeremiah 43:2

3sed Baruch filius Neriae incitat te adversum nos ut tradat nos in manibus Chaldeorum ut interficiat nos et transduci faciat in BabylonemSelect Jeremiah 43:3

4et non audivit Iohanan filius Caree et omnes principes bellatorum et universus populus vocem Domini ut maneret in terra IudaSelect Jeremiah 43:4

5sed tollens Iohanan filius Caree et universi principes bellatorum universos reliquiarum Iuda qui reversi fuerant de cunctis gentibus ad quas fuerant ante dispersi ut habitarent in terra IudaSelect Jeremiah 43:5

6viros et mulieres et parvulos et filias regis et omnem animam quam reliquerat Nabuzardan princeps militiae cum Godolia filio Ahicam filii Saphan et Hieremiam prophetam et Baruch filium NeriaeSelect Jeremiah 43:6

7et ingressi sunt terram Aegypti quia non oboedierunt voci Domini et venerunt usque ad TafnasSelect Jeremiah 43:7

8et factus est sermo Domini ad Hieremiam in Tafnis dicensSelect Jeremiah 43:8

9sume in manu tua lapides grandes et absconde eos in crypta quae est sub muro latericio in porta domus Pharaonis in Tafnis cernentibus viris iudaeisSelect Jeremiah 43:9

10et dices ad eos haec dicit Dominus exercituum Deus Israhel ecce ego mittam et adsumam Nabuchodonosor regem Babylonis servum meum et ponam thronum eius super lapides istos quos abscondi et statuet solium suum super eosSelect Jeremiah 43:10

11veniensque percutiet terram Aegypti quos in morte in morte et quos in captivitate in captivitate et quos in gladio in gladioSelect Jeremiah 43:11

12et succendet ignem in delubris deorum Aegypti et conburet ea et captivos ducet illos et amicietur terra Aegypti sicut amicitur pastor pallio suo et egredietur inde in paceSelect Jeremiah 43:12

13et conteret statuas domus Solis quae sunt in terra Aegypti et delubra deorum Aegypti conburet igniSelect Jeremiah 43:13