12Revelation 12

1et signum magnum paruit in caelo mulier amicta sole et luna sub pedibus eius et in capite eius corona stellarum duodecimSelect Revelation 12:1

2et in utero habens et clamat parturiens et cruciatur ut pariatSelect Revelation 12:2

3et visum est aliud signum in caelo et ecce draco magnus rufus habens capita septem et cornua decem et in capitibus suis septem diademataSelect Revelation 12:3

4et cauda eius trahebat tertiam partem stellarum caeli et misit eas in terram et draco stetit ante mulierem quae erat paritura ut cum peperisset filium eius devoraretSelect Revelation 12:4

5et peperit filium masculum qui recturus erit omnes gentes in virga ferrea et raptus est filius eius ad Deum et ad thronum eiusSelect Revelation 12:5

6et mulier fugit in solitudinem ubi habet locum paratum a Deo ut ibi pascant illam diebus mille ducentis sexagintaSelect Revelation 12:6

7et factum est proelium in caelo Michahel et angeli eius proeliabantur cum dracone et draco pugnabat et angeli eiusSelect Revelation 12:7

8et non valuerunt neque locus inventus est eorum amplius in caeloSelect Revelation 12:8

9et proiectus est draco ille magnus serpens antiquus qui vocatur Diabolus et Satanas qui seducit universum orbem proiectus est in terram et angeli eius cum illo missi suntSelect Revelation 12:9

10et audivi vocem magnam in caelo dicentem nunc facta est salus et virtus et regnum Dei nostri et potestas Christi eius quia proiectus est accusator fratrum nostrorum qui accusabat illos ante conspectum Dei nostri die ac nocteSelect Revelation 12:10

11et ipsi vicerunt illum propter sanguinem agni et propter verbum testimonii sui et non dilexerunt animam suam usque ad mortemSelect Revelation 12:11

12propterea laetamini caeli et qui habitatis in eis vae terrae et mari quia descendit diabolus ad vos habens iram magnam sciens quod modicum tempus habetSelect Revelation 12:12

13et postquam vidit draco quod proiectus est in terram persecutus est mulierem quae peperit masculumSelect Revelation 12:13

14et datae sunt mulieri duae alae aquilae magnae ut volaret in desertum in locum suum ubi alitur per tempus et tempora et dimidium temporis a facie serpentisSelect Revelation 12:14

15et misit serpens ex ore suo post mulierem aquam tamquam flumen ut eam faceret trahi a flumineSelect Revelation 12:15

16et adiuvit terra mulierem et aperuit terra os suum et absorbuit flumen quod misit draco de ore suoSelect Revelation 12:16

17et iratus est draco in mulierem et abiit facere proelium cum reliquis de semine eius qui custodiunt mandata Dei et habent testimonium IesuSelect Revelation 12:17

18et stetit super harenam marisSelect Revelation 12:18