17Revelation 17

1et venit unus de septem angelis qui habebant septem fialas et locutus est mecum dicens veni ostendam tibi damnationem meretricis magnae quae sedet super aquas multasSelect Revelation 17:1

2cum qua fornicati sunt reges terrae et inebriati sunt qui inhabitant terram de vino prostitutionis eiusSelect Revelation 17:2

3et abstulit me in desertum in spiritu et vidi mulierem sedentem super bestiam coccineam plenam nominibus blasphemiae habentem capita septem et cornua decemSelect Revelation 17:3

4et mulier erat circumdata purpura et coccino et inaurata auro et lapide pretioso et margaritis habens poculum aureum in manu sua plenum abominationum et inmunditia fornicationis eiusSelect Revelation 17:4

5et in fronte eius nomen scriptum mysterium Babylon magna mater fornicationum et abominationum terraeSelect Revelation 17:5

6et vidi mulierem ebriam de sanguine sanctorum et de sanguine martyrum Iesu et miratus sum cum vidissem illam admiratione magnaSelect Revelation 17:6

7et dixit mihi angelus quare miraris ego tibi dicam sacramentum mulieris et bestiae quae portat eam quae habet capita septem et decem cornuaSelect Revelation 17:7

8bestiam quam vidisti fuit et non est et ascensura est de abysso et in interitum ibit et mirabuntur inhabitantes terram quorum non sunt scripta nomina in libro vitae a constitutione mundi videntes bestiam quia erat et non estSelect Revelation 17:8

9et hic est sensus qui habet sapientiam septem capita septem montes sunt super quos mulier sedet et reges septem suntSelect Revelation 17:9

10quinque ceciderunt unus est alius nondum venit et cum venerit oportet illum breve tempus manereSelect Revelation 17:10

11et bestia quae erat et non est et ipsa octava est et de septem est et in interitum vaditSelect Revelation 17:11

12et decem cornua quae vidisti decem reges sunt qui regnum nondum acceperunt sed potestatem tamquam reges una hora accipiunt post bestiamSelect Revelation 17:12

13hii unum consilium habent et virtutem et potestatem suam bestiae traduntSelect Revelation 17:13

14hii cum agno pugnabunt et agnus vincet illos quoniam Dominus dominorum est et rex regum et qui cum illo sunt vocati et electi et fidelesSelect Revelation 17:14

15et dixit mihi aquas quas vidisti ubi meretrix sedet populi sunt et gentes et linguaeSelect Revelation 17:15

16et decem cornua quae vidisti et bestiam hii odient fornicariam et desolatam facient illam et nudam et carnes eius manducabunt et ipsam igni concremabuntSelect Revelation 17:16

17Deus enim dedit in corda eorum ut faciant quod illi placitum est ut dent regnum suum bestiae donec consummentur verba DeiSelect Revelation 17:17

18et mulier quam vidisti est civitas magna quae habet regnum super reges terraeSelect Revelation 17:18