11Job 11

1respondens autem Sophar Naamathites dixitSelect Job 11:1

2numquid qui multa loquitur non et audiet aut vir verbosus iustificabiturSelect Job 11:2

3tibi soli tacebunt homines et cum ceteros inriseris a nullo confutaberisSelect Job 11:3

4dixisti enim purus est sermo meus et mundus sum in conspectu tuoSelect Job 11:4

5atque utinam Deus loqueretur tecum et aperiret labia sua tibiSelect Job 11:5

6ut ostenderet tibi secreta sapientiae et quod multiplex esset lex eius et intellegeres quod multo minora exigaris a Deo quam meretur iniquitas tuaSelect Job 11:6

7forsitan vestigia Dei conprehendes et usque ad perfectum Omnipotentem repperiesSelect Job 11:7

8excelsior caelo est et quid facies profundior inferno et unde cognoscesSelect Job 11:8

9longior terrae mensura eius et latior mariSelect Job 11:9

10si subverterit omnia vel in unum coartaverit quis contradicet eiSelect Job 11:10

11ipse enim novit hominum vanitatem et videns iniquitatem nonne consideratSelect Job 11:11

12vir vanus in superbiam erigitur et tamquam pullum onagri se liberum natum putatSelect Job 11:12

13tu autem firmasti cor tuum et expandisti ad eum manus tuasSelect Job 11:13

14si iniquitatem quod est in manu tua abstuleris a te et non manserit in tabernaculo tuo iniustitiaSelect Job 11:14

15tum levare poteris faciem tuam absque macula et eris stabilis et non timebisSelect Job 11:15

16miseriae quoque oblivisceris et quasi aquarum quae praeterierint recordaberisSelect Job 11:16

17et quasi meridianus fulgor consurget tibi ad vesperam et cum te consumptum putaveris orieris ut luciferSelect Job 11:17

18et habebis fiduciam proposita tibi spe et defossus securus dormiesSelect Job 11:18

19requiesces et non erit qui te exterreat et deprecabuntur faciem tuam plurimiSelect Job 11:19

20oculi autem impiorum deficient et effugium peribit ab eis et spes eorum abominatio animaeSelect Job 11:20