31Job 31

1pepigi foedus cum oculis meis ut ne cogitarem quidem de virgineSelect Job 31:1

2quam enim partem haberet Deus in me desuper et hereditatem Omnipotens de excelsisSelect Job 31:2

3numquid non perditio est iniquo et alienatio operantibus iniustitiamSelect Job 31:3

4nonne ipse considerat vias meas et cunctos gressus meos dinumeratSelect Job 31:4

5si ambulavi in vanitate et festinavit in dolo pes meusSelect Job 31:5

6adpendat me in statera iusta et sciat Deus simplicitatem meamSelect Job 31:6

7si declinavit gressus meus de via et si secutum est oculos meos cor meum et in manibus meis adhesit maculaSelect Job 31:7

8seram et alius comedat et progenies mea eradiceturSelect Job 31:8

9si deceptum est cor meum super mulierem et si ad ostium amici mei insidiatus sumSelect Job 31:9

10scortum sit alteri uxor mea et super illam incurventur aliiSelect Job 31:10

11hoc enim nefas est et iniquitas maximaSelect Job 31:11

12ignis est usque ad perditionem devorans et omnia eradicans geniminaSelect Job 31:12

13si contempsi subire iudicium cum servo meo et ancillae meae cum disceptarent adversum meSelect Job 31:13

14quid enim faciam cum surrexerit ad iudicandum Deus et cum quaesierit quid respondebo illiSelect Job 31:14

15numquid non in utero fecit me qui et illum operatus est et formavit in vulva unusSelect Job 31:15

16si negavi quod volebant pauperibus et oculos viduae expectare feciSelect Job 31:16

17si comedi buccellam meam solus et non comedit pupillus ex eaSelect Job 31:17

18quia ab infantia mea crevit mecum miseratio et de utero matris meae egressa est mecumSelect Job 31:18

19si despexi pereuntem eo quod non habuerit indumentum et absque operimento pauperemSelect Job 31:19

20si non benedixerunt mihi latera eius et de velleribus ovium mearum calefactus estSelect Job 31:20

21si levavi super pupillum manum meam etiam cum viderem me in porta superioremSelect Job 31:21

22umerus meus a iunctura sua cadat et brachium meum cum suis ossibus confringaturSelect Job 31:22

23semper enim quasi tumentes super me fluctus timui Deum et pondus eius ferre non potuiSelect Job 31:23

24si putavi aurum robur meum et obrizae dixi fiducia meaSelect Job 31:24

25si laetatus sum super multis divitiis meis et quia plurima repperit manus meaSelect Job 31:25

26si vidi solem cum fulgeret et lunam incedentem clareSelect Job 31:26

27et lactatum est in abscondito cor meum et osculatus sum manum meam ore meoSelect Job 31:27

28quae est iniquitas maxima et negatio contra Deum altissimumSelect Job 31:28

29si gavisus sum ad ruinam eius qui me oderat et exultavi quod invenisset eum malumSelect Job 31:29

30non enim dedi ad peccandum guttur meum ut expeterem maledicens animam eiusSelect Job 31:30

31si non dixerunt viri tabernaculi mei quis det de carnibus eius ut saturemurSelect Job 31:31

32foris non mansit peregrinus ostium meum viatori patuitSelect Job 31:32

33si abscondi quasi homo peccatum meum et celavi in sinu meo iniquitatem meamSelect Job 31:33

34si expavi ad multitudinem nimiam et despectio propinquorum terruit me et non magis tacui nec egressus sum ostiumSelect Job 31:34

35quis mihi tribuat auditorem ut desiderium meum Omnipotens audiat et librum scribat ipse qui iudicatSelect Job 31:35

36ut in umero meo portem illum et circumdem illum quasi coronam mihiSelect Job 31:36

37per singulos gradus meos pronuntiabo illum et quasi principi offeram eumSelect Job 31:37

38si adversum me terra mea clamat et cum ipsa sulci eius deflentSelect Job 31:38

39si fructus eius comedi absque pecunia et animam agricolarum eius adflixiSelect Job 31:39

40pro frumento oriatur mihi tribulus et pro hordeo spina finita sunt verba IobSelect Job 31:40