34Job 34

1pronuntians itaque Heliu etiam haec locutus estSelect Job 34:1

2audite sapientes verba mea et eruditi auscultate meSelect Job 34:2

3auris enim verba probat et guttur escas gustu diiudicatSelect Job 34:3

4iudicium eligamus nobis et inter nos videamus quid sit meliusSelect Job 34:4

5quia dixit Iob iustus sum et Deus subvertit iudicium meumSelect Job 34:5

6in iudicando enim me mendacium est violenta sagitta mea absque ullo peccatoSelect Job 34:6

7quis est vir ut est Iob qui bibit subsannationem quasi aquamSelect Job 34:7

8qui graditur cum operantibus iniquitatem et ambulat cum viris impiisSelect Job 34:8

9dixit enim non placebit vir Deo etiam si cucurrerit cum eoSelect Job 34:9

10ideo viri cordati audite me absit a Deo impietas et ab Omnipotente iniquitasSelect Job 34:10

11opus enim hominis reddet ei et iuxta vias singulorum restituetSelect Job 34:11

12vere enim Deus non condemnabit frustra nec Omnipotens subvertet iudiciumSelect Job 34:12

13quem constituit alium super terram aut quem posuit super orbem quem fabricatus estSelect Job 34:13

14si direxerit ad eum cor suum spiritum illius et flatum ad se trahetSelect Job 34:14

15deficiet omnis caro simul et homo in cinerem reverteturSelect Job 34:15

16si habes ergo intellectum audi quod dicitur et ausculta vocem eloquii meiSelect Job 34:16

17numquid qui non amat iudicium sanare potest et quomodo tu eum qui iustus est in tantum condemnasSelect Job 34:17

18qui dicit regi apostata qui vocat duces impiosSelect Job 34:18

19qui non accipit personas principum nec cognovit tyrannum cum disceptaret contra pauperem opus enim manuum eius sunt universiSelect Job 34:19

20subito morientur et in media nocte turbabuntur populi et pertransibunt et auferent violentum absque manuSelect Job 34:20

21oculi enim eius super vias hominum et omnes gressus eorum consideratSelect Job 34:21

22non sunt tenebrae et non est umbra mortis ut abscondantur ibi qui operantur iniquitatemSelect Job 34:22

23neque enim ultra in hominis potestate est ut veniat ad Deum in iudiciumSelect Job 34:23

24conteret multos innumerabiles et stare faciet alios pro eisSelect Job 34:24

25novit enim opera eorum et idcirco inducet noctem et conterenturSelect Job 34:25

26quasi impios percussit eos in loco videntiumSelect Job 34:26

27qui quasi de industria recesserunt ab eo et omnes vias eius intellegere nolueruntSelect Job 34:27

28ut pervenire facerent ad eum clamorem egeni et audiret vocem pauperumSelect Job 34:28

29ipso enim concedente pacem quis est qui condemnet ex quo absconderit vultum quis est qui contempletur eum et super gentem et super omnes hominesSelect Job 34:29

30qui regnare facit hominem hypocritam propter peccata populiSelect Job 34:30

31quia ergo ego locutus sum ad Deum te quoque non prohibeoSelect Job 34:31

32si erravi tu doce me si iniquitatem locutus sum ultra non addamSelect Job 34:32

33numquid a te Deus expetit eam quia displicuit tibi tu enim coepisti loqui et non ego quod si quid nosti melius loquereSelect Job 34:33

34viri intellegentes loquantur mihi et vir sapiens audiat meSelect Job 34:34

35Iob autem stulte locutus est et verba illius non sonant disciplinamSelect Job 34:35

36pater mi probetur Iob usque ad finem ne desinas in hominibus iniquitatisSelect Job 34:36

37quia addit super peccata sua blasphemiam inter nos interim constringatur et tunc ad iudicium provocet sermonibus suis DeumSelect Job 34:37