7Proverbs 7

1fili mi custodi sermones meos et praecepta mea reconde tibiSelect Proverbs 7:1

2serva mandata mea et vives et legem meam quasi pupillam oculi tuiSelect Proverbs 7:2

3liga eam in digitis tuis scribe illam in tabulis cordis tuiSelect Proverbs 7:3

4dic sapientiae soror mea es et prudentiam voca amicam tuamSelect Proverbs 7:4

5ut custodiat te a muliere extranea et ab aliena quae verba sua dulcia facitSelect Proverbs 7:5

6de fenestra enim domus meae per cancellos prospexiSelect Proverbs 7:6

7et video parvulos considero vecordem iuvenemSelect Proverbs 7:7

8qui transit in platea iuxta angulum et propter viam domus illius graditurSelect Proverbs 7:8

9in obscuro advesperascente die in noctis tenebris et caligineSelect Proverbs 7:9

10et ecce mulier occurrit illi ornatu meretricio praeparata ad capiendas animas garrula et vagaSelect Proverbs 7:10

11quietis inpatiens nec valens in domo consistere pedibus suisSelect Proverbs 7:11

12nunc foris nunc in plateis nunc iuxta angulos insidiansSelect Proverbs 7:12

13adprehensumque deosculatur iuvenem et procaci vultu blanditur dicensSelect Proverbs 7:13

14victimas pro salute debui hodie reddidi vota meaSelect Proverbs 7:14

15idcirco egressa sum in occursum tuum desiderans te videre et repperiSelect Proverbs 7:15

16intexui funibus lectum meum stravi tapetibus pictis ex AegyptoSelect Proverbs 7:16

17aspersi cubile meum murra et aloe et cinnamomoSelect Proverbs 7:17

18veni inebriemur uberibus donec inlucescat dies et fruamur cupitis amplexibusSelect Proverbs 7:18

19non est enim vir in domo sua abiit via longissimaSelect Proverbs 7:19

20sacculum pecuniae secum tulit in die plenae lunae reversurus est domum suamSelect Proverbs 7:20

21inretivit eum multis sermonibus et blanditiis labiorum protraxit illumSelect Proverbs 7:21

22statim eam sequitur quasi bos ductus ad victimam et quasi agnus lasciviens et ignorans quod ad vincula stultus trahaturSelect Proverbs 7:22

23donec transfigat sagitta iecur eius velut si avis festinet ad laqueum et nescit quia de periculo animae illius agiturSelect Proverbs 7:23

24nunc ergo fili audi me et adtende verba oris meiSelect Proverbs 7:24

25ne abstrahatur in viis illius mens tua neque decipiaris semitis eiusSelect Proverbs 7:25

26multos enim vulneratos deiecit et fortissimi quique interfecti sunt ab eaSelect Proverbs 7:26

27viae inferi domus eius penetrantes interiora mortisSelect Proverbs 7:27