40Genesis 40

1his ita gestis accidit ut peccarent duo eunuchi pincerna regis Aegypti et pistor domino suoSelect Genesis 40:1

2iratusque Pharao contra eos nam alter pincernis praeerat alter pistoribusSelect Genesis 40:2

3misit eos in carcerem principis militum in quo erat vinctus et IosephSelect Genesis 40:3

4at custos carceris tradidit eos Ioseph qui et ministrabat eis aliquantum temporis fluxerat et illi in custodia tenebanturSelect Genesis 40:4

5videruntque ambo somnium nocte una iuxta interpretationem congruam sibiSelect Genesis 40:5

6ad quos cum introisset Ioseph mane et vidisset eos tristesSelect Genesis 40:6

7sciscitatus est dicens cur tristior est hodie solito facies vestraSelect Genesis 40:7

8qui responderunt somnium vidimus et non est qui interpretetur nobis dixitque ad eos Ioseph numquid non Dei est interpretatio referte mihi quid videritisSelect Genesis 40:8

9narravit prior praepositus pincernarum somnium videbam coram me vitemSelect Genesis 40:9

10in qua erant tres propagines crescere paulatim gemmas et post flores uvas maturescereSelect Genesis 40:10

11calicemque Pharaonis in manu mea tuli ergo uvas et expressi in calicem quem tenebam et tradidi poculum PharaoniSelect Genesis 40:11

12respondit Ioseph haec est interpretatio somnii tres propagines tres adhuc dies suntSelect Genesis 40:12

13post quos recordabitur Pharao magisterii tui et restituet te in gradum pristinum dabisque ei calicem iuxta officium tuum sicut facere ante consueverasSelect Genesis 40:13

14tantum memento mei cum tibi bene fuerit et facies mecum misericordiam ut suggeras Pharaoni et educat me de isto carcereSelect Genesis 40:14

15quia furto sublatus sum de terra Hebraeorum et hic innocens in lacum missus sumSelect Genesis 40:15

16videns pistorum magister quod prudenter somnium dissolvisset ait et ego vidi somnium quod haberem tria canistra farinae super caput meumSelect Genesis 40:16

17et in uno canistro quod erat excelsius portare me omnes cibos qui fiunt arte pistoria avesque comedere ex eoSelect Genesis 40:17

18respondit Ioseph haec est interpretatio somnii tria canistra tres adhuc dies suntSelect Genesis 40:18

19post quos auferet Pharao caput tuum ac suspendet te in cruce et lacerabunt volucres carnes tuasSelect Genesis 40:19

20exin dies tertius natalicius Pharaonis erat qui faciens grande convivium pueris suis recordatus est inter epulas magistri pincernarum et pistorum principisSelect Genesis 40:20

21restituitque alterum in locum suum ut porrigeret regi poculumSelect Genesis 40:21

22alterum suspendit in patibulo ut coniectoris veritas probareturSelect Genesis 40:22

23et tamen succedentibus prosperis praepositus pincernarum oblitus est interpretis suiSelect Genesis 40:23