41Genesis 41

1post duos annos vidit Pharao somnium putabat se stare super fluviumSelect Genesis 41:1

2de quo ascendebant septem boves pulchrae et crassae nimis et pascebantur in locis palustribusSelect Genesis 41:2

3aliae quoque septem emergebant de flumine foedae confectaeque macie et pascebantur in ipsa amnis ripa in locis virentibusSelect Genesis 41:3

4devoraveruntque eas quarum mira species et habitudo corporum erat expergefactus PharaoSelect Genesis 41:4

5rursum dormivit et vidit alterum somnium septem spicae pullulabant in culmo uno plenae atque formonsaeSelect Genesis 41:5

6aliae quoque totidem spicae tenues et percussae uredine oriebanturSelect Genesis 41:6

7devorantes omnem priorum pulchritudinem evigilans post quietemSelect Genesis 41:7

8et facto mane pavore perterritus misit ad coniectores Aegypti cunctosque sapientes et accersitis narravit somnium nec erat qui interpretareturSelect Genesis 41:8

9tunc demum reminiscens pincernarum magister ait confiteor peccatum meumSelect Genesis 41:9

10iratus rex servis suis me et magistrum pistorum retrudi iussit in carcerem principis militumSelect Genesis 41:10

11ubi una nocte uterque vidimus somnium praesagum futurorumSelect Genesis 41:11

12erat ibi puer hebraeus eiusdem ducis militum famulus cui narrantes somniaSelect Genesis 41:12

13audivimus quicquid postea rei probavit eventus ego enim redditus sum officio meo et ille suspensus est in cruceSelect Genesis 41:13

14protinus ad regis imperium eductum de carcere Ioseph totonderunt ac veste mutata obtulerunt eiSelect Genesis 41:14

15cui ille ait vidi somnia nec est qui edisserat quae audivi te prudentissime conicereSelect Genesis 41:15

16respondit Ioseph absque me Deus respondebit prospera PharaoniSelect Genesis 41:16

17narravit ergo ille quod viderat putabam me stare super ripam fluminisSelect Genesis 41:17

18et septem boves de amne conscendere pulchras nimis et obesis carnibus quae in pastu paludis virecta carpebantSelect Genesis 41:18

19et ecce has sequebantur aliae septem boves in tantum deformes et macilentae ut numquam tales in terra Aegypti viderimSelect Genesis 41:19

20quae devoratis et consumptis prioribusSelect Genesis 41:20

21nullum saturitatis dedere vestigium sed simili macie et squalore torpebant evigilans rursum sopore depressusSelect Genesis 41:21

22vidi somnium septem spicae pullulabant in culmo uno plenae atque pulcherrimaeSelect Genesis 41:22

23aliae quoque septem tenues et percussae uredine oriebantur stipulaSelect Genesis 41:23

24quae priorum pulchritudinem devorarunt narravi coniectoribus somnium et nemo est qui edisseratSelect Genesis 41:24

25respondit Ioseph somnium regis unum est quae facturus est Deus ostendit PharaoniSelect Genesis 41:25

26septem boves pulchrae et septem spicae plenae septem ubertatis anni sunt eandemque vim somnii conprehenduntSelect Genesis 41:26

27septem quoque boves tenues atque macilentae quae ascenderunt post eas et septem spicae tenues et vento urente percussae septem anni sunt venturae famisSelect Genesis 41:27

28qui hoc ordine conplebunturSelect Genesis 41:28

29ecce septem anni venient fertilitatis magnae in universa terra AegyptiSelect Genesis 41:29

30quos sequentur septem anni alii tantae sterilitatis ut oblivioni tradatur cuncta retro abundantia consumptura est enim fames omnem terramSelect Genesis 41:30

31et ubertatis magnitudinem perditura inopiae magnitudoSelect Genesis 41:31

32quod autem vidisti secundo ad eandem rem pertinens somnium firmitatis indicium est eo quod fiat sermo Dei et velocius impleaturSelect Genesis 41:32

33nunc ergo provideat rex virum sapientem et industrium et praeficiat eum terrae AegyptiSelect Genesis 41:33

34qui constituat praepositos per singulas regiones et quintam partem fructuum per septem annos fertilitatisSelect Genesis 41:34

35qui iam nunc futuri sunt congreget in horrea et omne frumentum sub Pharaonis potestate condatur serveturque in urbibusSelect Genesis 41:35

36et paretur futurae septem annorum fami quae pressura est Aegyptum et non consumetur terra inopiaSelect Genesis 41:36

37placuit Pharaoni consilium et cunctis ministris eiusSelect Genesis 41:37

38locutusque est ad eos num invenire poterimus talem virum qui spiritu Dei plenus sitSelect Genesis 41:38

39dixit ergo ad Ioseph quia ostendit Deus tibi omnia quae locutus es numquid sapientiorem et similem tui invenire poteroSelect Genesis 41:39

40tu eris super domum meam et ad tui oris imperium cunctus populus oboediet uno tantum regni solio te praecedamSelect Genesis 41:40

41dicens quoque rursum Pharao ad Ioseph ecce constitui te super universam terram AegyptiSelect Genesis 41:41

42tulit anulum de manu sua et dedit in manu eius vestivitque eum stola byssina et collo torquem auream circumposuitSelect Genesis 41:42

43fecitque ascendere super currum suum secundum clamante praecone ut omnes coram eo genu flecterent et praepositum esse scirent universae terrae AegyptiSelect Genesis 41:43

44dixit quoque rex ad Ioseph ego sum Pharao absque tuo imperio non movebit quisquam manum aut pedem in omni terra AegyptiSelect Genesis 41:44

45vertitque nomen illius et vocavit eum lingua aegyptiaca Salvatorem mundi dedit quoque illi uxorem Aseneth filiam Putiphare sacerdotis Heliopoleos egressus itaque Ioseph ad terram AegyptiSelect Genesis 41:45

46triginta autem erat annorum quando stetit in conspectu regis Pharaonis circuivit omnes regiones AegyptiSelect Genesis 41:46

47venitque fertilitas septem annorum et in manipulos redactae segetes congregatae sunt in horrea AegyptiSelect Genesis 41:47

48omnis etiam frugum abundantia in singulis urbibus condita estSelect Genesis 41:48

49tantaque fuit multitudo tritici ut harenae maris coaequaretur et copia mensuram excederetSelect Genesis 41:49

50nati sunt autem Ioseph filii duo antequam veniret fames quos ei peperit Aseneth filia Putiphare sacerdotis HeliopoleosSelect Genesis 41:50

51vocavitque nomen primogeniti Manasse dicens oblivisci me fecit Deus omnium laborum meorum et domum patris meiSelect Genesis 41:51

52nomen quoque secundi appellavit Ephraim dicens crescere me fecit Deus in terra paupertatis meaeSelect Genesis 41:52

53igitur transactis septem annis ubertatis qui fuerant in AegyptoSelect Genesis 41:53

54coeperunt venire septem anni inopiae quos praedixerat Ioseph et in universo orbe fames praevaluit in cuncta autem terra Aegypti erat panisSelect Genesis 41:54

55qua esuriente clamavit populus ad Pharaonem alimenta petens quibus ille respondit ite ad Ioseph et quicquid vobis dixerit faciteSelect Genesis 41:55

56crescebat autem cotidie fames in omni terra aperuitque Ioseph universa horrea et vendebat Aegyptiis nam et illos oppresserat famesSelect Genesis 41:56

57omnesque provinciae veniebant in Aegyptum ut emerent escas et malum inopiae temperarentSelect Genesis 41:57