1Exodus 1

1Haec sunt nomina filiorum Israhel qui ingressi sunt Aegyptum cum Iacob singuli cum domibus suis introieruntSelect Exodus 1:1

2Ruben Symeon Levi IudaSelect Exodus 1:2

3Isachar Zabulon et BeniaminSelect Exodus 1:3

4Dan et Nepthalim Gad et AserSelect Exodus 1:4

5erant igitur omnes animae eorum qui egressi sunt de femore Iacob septuaginta Ioseph autem in Aegypto eratSelect Exodus 1:5

6quo mortuo et universis fratribus eius omnique cognatione illaSelect Exodus 1:6

7filii Israhel creverunt et quasi germinantes multiplicati sunt ac roborati nimis impleverunt terramSelect Exodus 1:7

8surrexit interea rex novus super Aegyptum qui ignorabat IosephSelect Exodus 1:8

9et ait ad populum suum ecce populus filiorum Israhel multus et fortior nobisSelect Exodus 1:9

10venite sapienter opprimamus eum ne forte multiplicetur et si ingruerit contra nos bellum addatur inimicis nostris expugnatisque nobis egrediatur e terraSelect Exodus 1:10

11praeposuit itaque eis magistros operum ut adfligerent eos oneribus aedificaveruntque urbes tabernaculorum Pharaoni Phiton et RamessesSelect Exodus 1:11

12quantoque opprimebant eos tanto magis multiplicabantur et crescebantSelect Exodus 1:12

13oderantque filios Israhel Aegyptii et adfligebant inludentes eisSelect Exodus 1:13

14atque ad amaritudinem perducebant vitam eorum operibus duris luti et lateris omnique famulatu quo in terrae operibus premebanturSelect Exodus 1:14

15dixit autem rex Aegypti obsetricibus Hebraeorum quarum una vocabatur Sephra altera PhuaSelect Exodus 1:15

16praecipiens eis quando obsetricabitis Hebraeas et partus tempus advenerit si masculus fuerit interficite illum si femina reservateSelect Exodus 1:16

17timuerunt autem obsetrices Deum et non fecerunt iuxta praeceptum regis Aegypti sed conservabant maresSelect Exodus 1:17

18quibus ad se accersitis rex ait quidnam est hoc quod facere voluistis ut pueros servaretisSelect Exodus 1:18

19quae responderunt non sunt hebraeae sicut aegyptiae mulieres ipsae enim obsetricandi habent scientiam et priusquam veniamus ad eas pariuntSelect Exodus 1:19

20bene ergo fecit Deus obsetricibus et crevit populus confortatusque est nimisSelect Exodus 1:20

21et quia timuerant obsetrices Deum aedificavit illis domosSelect Exodus 1:21

22praecepit autem Pharao omni populo suo dicens quicquid masculini sexus natum fuerit in flumen proicite quicquid feminei reservateSelect Exodus 1:22