23Exodus 23

1non suscipies vocem mendacii nec iunges manum tuam ut pro impio dicas falsum testimoniumSelect Exodus 23:1

2non sequeris turbam ad faciendum malum nec in iudicio plurimorum adquiesces sententiae ut a vero deviesSelect Exodus 23:2

3pauperis quoque non misereberis in negotioSelect Exodus 23:3

4si occurreris bovi inimici tui aut asino erranti reduc ad eumSelect Exodus 23:4

5si videris asinum odientis te iacere sub onere non pertransibis sed sublevabis cum eoSelect Exodus 23:5

6non declinabis in iudicio pauperisSelect Exodus 23:6

7mendacium fugies insontem et iustum non occides quia aversor impiumSelect Exodus 23:7

8nec accipias munera quae excaecant etiam prudentes et subvertunt verba iustorumSelect Exodus 23:8

9peregrino molestus non eris scitis enim advenarum animas quia et ipsi peregrini fuistis in terra AegyptiSelect Exodus 23:9

10sex annis seminabis terram tuam et congregabis fruges eiusSelect Exodus 23:10

11anno autem septimo dimittes eam et requiescere facies ut comedant pauperes populi tui et quicquid reliqui fuerit edant bestiae agri ita facies in vinea et in oliveto tuoSelect Exodus 23:11

12sex diebus operaberis septima die cessabis ut requiescat bos et asinus tuus et refrigeretur filius ancillae tuae et advenaSelect Exodus 23:12

13omnia quae dixi vobis custodite et per nomen externorum deorum non iurabitis neque audietur ex ore vestroSelect Exodus 23:13

14tribus vicibus per singulos annos mihi festa celebrabitisSelect Exodus 23:14

15sollemnitatem azymorum custodies septem diebus comedes azyma sicut praecepi tibi tempore mensis novorum quando egressus es de Aegypto non apparebis in conspectu meo vacuusSelect Exodus 23:15

16et sollemnitatem messis primitivorum operis tui quaecumque serueris in agro sollemnitatem quoque in exitu anni quando congregaveris omnes fruges tuas de agroSelect Exodus 23:16

17ter in anno apparebit omne masculinum tuum coram Domino DeoSelect Exodus 23:17

18non immolabis super fermento sanguinem victimae meae nec remanebit adeps sollemnitatis meae usque maneSelect Exodus 23:18

19primitias frugum terrae tuae deferes in domum Domini Dei tui nec coques hedum in lacte matris suaeSelect Exodus 23:19

20ecce ego mittam angelum meum qui praecedat te et custodiat in via et introducat ad locum quem paraviSelect Exodus 23:20

21observa eum et audi vocem eius nec contemnendum putes quia non dimittet cum peccaveritis et est nomen meum in illoSelect Exodus 23:21

22quod si audieris vocem eius et feceris omnia quae loquor inimicus ero inimicis tuis et adfligam adfligentes teSelect Exodus 23:22

23praecedetque te angelus meus et introducet te ad Amorreum et Hettheum et Ferezeum Chananeumque et Eveum et Iebuseum quos ego contriboSelect Exodus 23:23

24non adorabis deos eorum nec coles eos non facies opera eorum sed destrues eos et confringes statuas eorumSelect Exodus 23:24

25servietisque Domino Deo vestro ut benedicam panibus tuis et aquis et auferam infirmitatem de medio tuiSelect Exodus 23:25

26non erit infecunda nec sterilis in terra tua numerum dierum tuorum impleboSelect Exodus 23:26

27terrorem meum mittam in praecursum tuum et occidam omnem populum ad quem ingredieris cunctorumque inimicorum tuorum coram te terga vertamSelect Exodus 23:27

28emittens crabrones prius qui fugabunt Eveum et Chananeum et Hettheum antequam introeasSelect Exodus 23:28

29non eiciam eos a facie tua anno uno ne terra in solitudinem redigatur et crescant contra te bestiaeSelect Exodus 23:29

30paulatim expellam eos de conspectu tuo donec augearis et possideas terramSelect Exodus 23:30

31ponam autem terminos tuos a mari Rubro usque ad mare Palestinorum et a deserto usque ad Fluvium tradam manibus vestris habitatores terrae et eiciam eos de conspectu vestroSelect Exodus 23:31

32non inibis cum eis foedus nec cum diis eorumSelect Exodus 23:32

33non habitent in terra tua ne forte peccare te faciant in me si servieris diis eorum quod tibi certo erit in scandalumSelect Exodus 23:33