35Exodus 35

1igitur congregata omni turba filiorum Israhel dixit ad eos haec sunt quae iussit Dominus fieriSelect Exodus 35:1

2sex diebus facietis opus septimus dies erit vobis sanctus sabbatum et requies Domini qui fecerit opus in eo occideturSelect Exodus 35:2

3non succendetis ignem in omnibus habitaculis vestris per diem sabbatiSelect Exodus 35:3

4et ait Moses ad omnem catervam filiorum Israhel iste est sermo quem praecepit Dominus dicensSelect Exodus 35:4

5separate apud vos primitias Domino omnis voluntarius et proni animi offerat eas Domino aurum et argentum et aesSelect Exodus 35:5

6hyacinthum purpuram coccumque bis tinctum et byssum pilos caprarumSelect Exodus 35:6

7et pelles arietum rubricatas et ianthinas ligna setthimSelect Exodus 35:7

8et oleum ad luminaria concinnanda et ut conficiatur unguentum et thymiama suavissimumSelect Exodus 35:8

9lapides onychinos et gemmas ad ornatum superumeralis et rationalisSelect Exodus 35:9

10quisquis vestrum est sapiens veniat et faciat quod Dominus imperavitSelect Exodus 35:10

11tabernaculum scilicet et tectum eius atque operimentum anulos et tabulata cum vectibus paxillos et basesSelect Exodus 35:11

12arcam et vectes propitiatorium et velum quod ante illud oppanditurSelect Exodus 35:12

13mensam cum vectibus et vasis et propositionis panibusSelect Exodus 35:13

14candelabrum ad luminaria sustentanda vasa illius et lucernas et oleum ad nutrimenta igniumSelect Exodus 35:14

15altare thymiamatis et vectes oleum unctionis et thymiama ex aromatibus tentorium ad ostium tabernaculiSelect Exodus 35:15

16altare holocausti et craticulam eius aeneam cum vectibus et vasis suis labrum et basim eiusSelect Exodus 35:16

17cortinas atrii cum columnis et basibus tentorium in foribus vestibuliSelect Exodus 35:17

18paxillos tabernaculi et atrii cum funiculis suisSelect Exodus 35:18

19vestimenta quorum usus est in ministerio sanctuarii vestes Aaron pontificis ac filiorum eius ut sacerdotio fungantur mihiSelect Exodus 35:19

20egressaque omnis multitudo filiorum Israhel de conspectu MosiSelect Exodus 35:20

21obtulit mente promptissima atque devota primitias Domino ad faciendum opus tabernaculi testimonii quicquid in cultum et ad vestes sanctas necessarium eratSelect Exodus 35:21

22viri cum mulieribus praebuerunt armillas et inaures anulos et dextralia omne vas aureum in donaria Domini separatum estSelect Exodus 35:22

23si quis habuit hyacinthum purpuram coccumque bis tinctum byssum et pilos caprarum pelles arietum rubricatas et ianthinasSelect Exodus 35:23

24argenti et aeris metalla obtulerunt Domino lignaque setthim in varios ususSelect Exodus 35:24

25sed et mulieres doctae dederunt quae neverant hyacinthum purpuram et vermiculum ac byssumSelect Exodus 35:25

26et pilos caprarum sponte propria cuncta tribuentesSelect Exodus 35:26

27principes vero obtulerunt lapides onychinos et gemmas ad superumerale et rationaleSelect Exodus 35:27

28aromataque et oleum ad luminaria concinnanda et ad praeparandum unguentum ac thymiama odoris suavissimi conponendumSelect Exodus 35:28

29omnes viri et mulieres mente devota obtulerunt donaria ut fierent opera quae iusserat Dominus per manum Mosi cuncti filii Israhel voluntaria Domino dedicaveruntSelect Exodus 35:29

30dixitque Moses ad filios Israhel ecce vocavit Dominus ex nomine Beselehel filium Uri filii Hur de tribu IudaSelect Exodus 35:30

31implevitque eum spiritu Dei sapientiae et intellegentiae et scientiae omni doctrinaSelect Exodus 35:31

32ad excogitandum et faciendum opus in auro et argento et aereSelect Exodus 35:32

33sculpendisque lapidibus et opere carpentario quicquid fabre adinveniri potestSelect Exodus 35:33

34dedit in corde eius Hooliab quoque filium Achisamech de tribu DanSelect Exodus 35:34

35ambos erudivit sapientia ut faciant opera abietarii polymitarii ac plumarii de hyacintho et purpura coccoque bis tincto et bysso et texant omnia ac nova quaeque repperiantSelect Exodus 35:35