5Exodus 5

1post haec ingressi sunt Moses et Aaron et dixerunt Pharaoni haec dicit Dominus Deus Israhel dimitte populum meum ut sacrificet mihi in desertoSelect Exodus 5:1

2at ille respondit quis est Dominus ut audiam vocem eius et dimittam Israhel nescio Dominum et Israhel non dimittamSelect Exodus 5:2

3dixerunt Deus Hebraeorum vocavit nos ut eamus viam trium dierum in solitudinem et sacrificemus Domino Deo nostro ne forte accidat nobis pestis aut gladiusSelect Exodus 5:3

4ait ad eos rex Aegypti quare Moses et Aaron sollicitatis populum ab operibus suis ite ad onera vestraSelect Exodus 5:4

5dixitque Pharao multus est populus terrae videtis quod turba succreverit quanto magis si dederitis eis requiem ab operibusSelect Exodus 5:5

6praecepit ergo in die illo praefectis operum et exactoribus populi dicensSelect Exodus 5:6

7nequaquam ultra dabitis paleas populo ad conficiendos lateres sicut prius sed ipsi vadant et colligant stipulamSelect Exodus 5:7

8et mensuram laterum quos prius faciebant inponetis super eos nec minuetis quicquam vacant enim et idcirco vociferantur dicentes eamus et sacrificemus Deo nostroSelect Exodus 5:8

9opprimantur operibus et expleant ea ut non adquiescant verbis mendacibusSelect Exodus 5:9

10igitur egressi praefecti operum et exactores ad populum dixerunt sic dicit Pharao non do vobis paleasSelect Exodus 5:10

11ite et colligite sicubi invenire potueritis nec minuetur quicquam de opere vestroSelect Exodus 5:11

12dispersusque est populus per omnem terram Aegypti ad colligendas paleasSelect Exodus 5:12

13praefecti quoque operum instabant dicentes conplete opus vestrum cotidie ut prius facere solebatis quando dabantur vobis paleaeSelect Exodus 5:13

14flagellatique sunt qui praeerant operibus filiorum Israhel ab exactoribus Pharaonis dicentibus quare non impletis mensuram laterum sicut prius nec heri nec hodieSelect Exodus 5:14

15veneruntque praepositi filiorum Israhel et vociferati sunt ad Pharaonem dicentes cur ita agis contra servos tuosSelect Exodus 5:15

16paleae non dantur nobis et lateres similiter imperantur en famuli tui flagellis caedimur et iniuste agitur contra populum tuumSelect Exodus 5:16

17qui ait vacatis otio et idcirco dicitis eamus et sacrificemus DominoSelect Exodus 5:17

18ite ergo et operamini paleae non dabuntur vobis et reddetis consuetum numerum laterumSelect Exodus 5:18

19videbantque se praepositi filiorum Israhel in malo eo quod diceretur eis non minuetur quicquam de lateribus per singulos diesSelect Exodus 5:19

20occurreruntque Mosi et Aaron qui stabant ex adverso egredientes a PharaoneSelect Exodus 5:20

21et dixerunt ad eos videat Dominus et iudicet quoniam fetere fecistis odorem nostrum coram Pharao et servis eius et praebuistis ei gladium ut occideret nosSelect Exodus 5:21

22reversusque Moses ad Dominum ait Domine cur adflixisti populum istum quare misisti meSelect Exodus 5:22

23ex eo enim quo ingressus sum ad Pharaonem ut loquerer nomine tuo adflixit populum tuum et non liberasti eosSelect Exodus 5:23