8Exodus 8

1dixitque Dominus ad Mosen ingredere ad Pharao et dices ad eum haec dicit Dominus dimitte populum meum ut sacrificet mihiSelect Exodus 8:1

2sin autem nolueris dimittere ecce ego percutiam omnes terminos tuos ranisSelect Exodus 8:2

3et ebulliet fluvius ranas quae ascendent et ingredientur domum tuam et cubiculum lectuli tui et super stratum tuum et in domos servorum tuorum et in populum tuum et in furnos tuos et in reliquias ciborum tuorumSelect Exodus 8:3

4et ad te et ad populum tuum et ad omnes servos tuos intrabunt ranaeSelect Exodus 8:4

5dixitque Dominus ad Mosen dic Aaron extende manum tuam super fluvios et super rivos ac paludes et educ ranas super terram AegyptiSelect Exodus 8:5

6extendit Aaron manum super aquas Aegypti et ascenderunt ranae operueruntque terram AegyptiSelect Exodus 8:6

7fecerunt autem et malefici per incantationes suas similiter eduxeruntque ranas super terram AegyptiSelect Exodus 8:7

8vocavit autem Pharao Mosen et Aaron et dixit orate Dominum ut auferat ranas a me et a populo meo et dimittam populum ut sacrificet DominoSelect Exodus 8:8

9dixitque Moses Pharaoni constitue mihi quando deprecer pro te et pro servis tuis et pro populo tuo ut abigantur ranae a te et a domo tua et tantum in flumine remaneantSelect Exodus 8:9

10qui respondit cras at ille iuxta verbum inquit tuum ut scias quoniam non est sicut Dominus Deus nosterSelect Exodus 8:10

11et recedent ranae a te et a domo tua et a servis tuis et a populo tuo tantum in flumine remanebuntSelect Exodus 8:11

12egressique sunt Moses et Aaron a Pharaone et clamavit Moses ad Dominum pro sponsione ranarum quam condixerat PharaoniSelect Exodus 8:12

13fecitque Dominus iuxta verbum Mosi et mortuae sunt ranae de domibus et de villis et de agrisSelect Exodus 8:13

14congregaveruntque eas in inmensos aggeres et conputruit terraSelect Exodus 8:14

15videns autem Pharao quod data esset requies ingravavit cor suum et non audivit eos sicut praeceperat DominusSelect Exodus 8:15

16dixitque Dominus ad Mosen loquere ad Aaron extende virgam tuam et percute pulverem terrae et sint scinifes in universa terra AegyptiSelect Exodus 8:16

17feceruntque ita et extendit Aaron manu virgam tenens percussitque pulverem terrae et facti sunt scinifes in hominibus et in iumentis omnis pulvis terrae versus est in scinifes per totam terram AegyptiSelect Exodus 8:17

18feceruntque similiter malefici incantationibus suis ut educerent scinifes et non potuerunt erantque scinifes tam in hominibus quam in iumentisSelect Exodus 8:18

19et dixerunt malefici ad Pharao digitus Dei est induratumque est cor Pharaonis et non audivit eos sicut praeceperat DominusSelect Exodus 8:19

20dixit quoque Dominus ad Mosen consurge diluculo et sta coram Pharaone egreditur enim ad aquas et dices ad eum haec dicit Dominus dimitte populum meum ut sacrificet mihiSelect Exodus 8:20

21quod si non dimiseris eum ecce ego inmittam in te et in servos tuos et in populum tuum et in domos tuas omne genus muscarum et implebuntur domus Aegyptiorum muscis diversi generis et in universa terra in qua fuerintSelect Exodus 8:21

22faciamque mirabilem in die illa terram Gessen in qua populus meus est ut non sint ibi muscae et scias quoniam ego Dominus in medio terraeSelect Exodus 8:22

23ponamque divisionem inter populum meum et populum tuum cras erit signum istudSelect Exodus 8:23

24fecitque Dominus ita et venit musca gravissima in domos Pharaonis et servorum eius et in omnem terram Aegypti corruptaque est terra ab huiuscemodi muscisSelect Exodus 8:24

25vocavit Pharao Mosen et Aaron et ait eis ite sacrificate Deo vestro in terraSelect Exodus 8:25

26et ait Moses non potest ita fieri abominationes enim Aegyptiorum immolabimus Domino Deo nostro quod si mactaverimus ea quae colunt Aegyptii coram eis lapidibus nos obruentSelect Exodus 8:26

27via trium dierum pergemus in solitudine et sacrificabimus Domino Deo nostro sicut praeceperit nobisSelect Exodus 8:27

28dixitque Pharao ego dimittam vos ut sacrificetis Domino Deo vestro in deserto verumtamen longius ne abeatis rogate pro meSelect Exodus 8:28

29et ait Moses egressus a te orabo Dominum et recedet musca a Pharaone et a servis et a populo eius cras verumtamen noli ultra fallere ut non dimittas populum sacrificare DominoSelect Exodus 8:29

30egressusque Moses a Pharao oravit DominumSelect Exodus 8:30

31qui fecit iuxta verbum illius et abstulit muscas a Pharao et a servis et a populo eius non superfuit ne una quidemSelect Exodus 8:31

32et ingravatum est cor Pharaonis ita ut ne hac quidem vice dimitteret populumSelect Exodus 8:32