10Hebrews 10

1umbram enim habens lex bonorum futurorum non ipsam imaginem rerum per singulos annos hisdem ipsis hostiis quas offerunt indesinenter numquam potest accedentes perfectos facereSelect Hebrews 10:1

2alioquin non cessassent offerri ideo quod nullam haberent ultra conscientiam peccati cultores semel mundatiSelect Hebrews 10:2

3sed in ipsis commemoratio peccatorum per singulos annos fitSelect Hebrews 10:3

4inpossibile enim est sanguine taurorum et hircorum auferri peccataSelect Hebrews 10:4

5ideo ingrediens mundum dicit hostiam et oblationem noluisti corpus autem aptasti mihiSelect Hebrews 10:5

6holocaustomata et pro peccato non tibi placuitSelect Hebrews 10:6

7tunc dixi ecce venio in capitulo libri scriptum est de me ut faciam Deus voluntatem tuamSelect Hebrews 10:7

8superius dicens quia hostias et oblationes et holocaustomata et pro peccato noluisti nec placita sunt tibi quae secundum legem offerunturSelect Hebrews 10:8

9tunc dixit ecce venio ut faciam Deus voluntatem tuam aufert primum ut sequens statuatSelect Hebrews 10:9

10in qua voluntate sanctificati sumus per oblationem corporis Christi Iesu in semelSelect Hebrews 10:10

11et omnis quidem sacerdos praesto est cotidie ministrans et easdem saepe offerens hostias quae numquam possunt auferre peccataSelect Hebrews 10:11

12hic autem unam pro peccatis offerens hostiam in sempiternum sedit in dextera DeiSelect Hebrews 10:12

13de cetero expectans donec ponantur inimici eius scabillum pedum eiusSelect Hebrews 10:13

14una enim oblatione consummavit in sempiternum sanctificatosSelect Hebrews 10:14

15contestatur autem nos et Spiritus Sanctus postquam enim dixitSelect Hebrews 10:15

16hoc autem testamentum quod testabor ad illos post dies illos dicit Dominus dando leges meas in cordibus eorum et in mente eorum superscribam easSelect Hebrews 10:16

17et peccatorum et iniquitatium eorum iam non recordabor ampliusSelect Hebrews 10:17

18ubi autem horum remissio iam non oblatio pro peccatoSelect Hebrews 10:18

19habentes itaque fratres fiduciam in introitu sanctorum in sanguine ChristiSelect Hebrews 10:19

20quam initiavit nobis viam novam et viventem per velamen id est carnem suamSelect Hebrews 10:20

21et sacerdotem magnum super domum DeiSelect Hebrews 10:21

22accedamus cum vero corde in plenitudine fidei aspersi corda a conscientia mala et abluti corpus aqua mundaSelect Hebrews 10:22

23teneamus spei nostrae confessionem indeclinabilem fidelis enim est qui repromisitSelect Hebrews 10:23

24et consideremus invicem in provocationem caritatis et bonorum operumSelect Hebrews 10:24

25non deserentes collectionem nostram sicut est consuetudinis quibusdam sed consolantes et tanto magis quanto videritis adpropinquantem diemSelect Hebrews 10:25

26voluntarie enim peccantibus nobis post acceptam notitiam veritatis iam non relinquitur pro peccatis hostiaSelect Hebrews 10:26

27terribilis autem quaedam expectatio iudicii et ignis aemulatio quae consumptura est adversariosSelect Hebrews 10:27

28irritam quis faciens legem Mosi sine ulla miseratione duobus vel tribus testibus moriturSelect Hebrews 10:28

29quanto magis putatis deteriora mereri supplicia qui Filium Dei conculcaverit et sanguinem testamenti pollutum duxerit in quo sanctificatus est et Spiritui gratiae contumeliam feceritSelect Hebrews 10:29

30scimus enim qui dixit mihi vindictam ego reddam et iterum quia iudicabit Dominus populum suumSelect Hebrews 10:30

31horrendum est incidere in manus Dei viventisSelect Hebrews 10:31

32rememoramini autem pristinos dies in quibus inluminati magnum certamen sustinuistis passionumSelect Hebrews 10:32

33et in altero quidem obprobriis et tribulationibus spectaculum facti in altero autem socii taliter conversantium effectiSelect Hebrews 10:33

34nam et vinctis conpassi estis et rapinam bonorum vestrorum cum gaudio suscepistis cognoscentes vos habere meliorem et manentem substantiamSelect Hebrews 10:34

35nolite itaque amittere confidentiam vestram quae magnam habet remunerationemSelect Hebrews 10:35

36patientia enim vobis necessaria est ut voluntatem Dei facientes reportetis promissionemSelect Hebrews 10:36

37adhuc enim modicum quantulum qui venturus est veniet et non tardabitSelect Hebrews 10:37

38iustus autem meus ex fide vivit quod si subtraxerit se non placebit animae meaeSelect Hebrews 10:38

39nos autem non sumus subtractionis in perditionem sed fidei in adquisitionem animaeSelect Hebrews 10:39