12Hebrews 12

1ideoque et nos tantam habentes inpositam nubem testium deponentes omne pondus et circumstans nos peccatum per patientiam curramus propositum nobis certamenSelect Hebrews 12:1

2aspicientes in auctorem fidei et consummatorem Iesum qui pro proposito sibi gaudio sustinuit crucem confusione contempta atque in dextera sedis Dei seditSelect Hebrews 12:2

3recogitate enim eum qui talem sustinuit a peccatoribus adversum semet ipsos contradictionem ut ne fatigemini animis vestris deficientesSelect Hebrews 12:3

4nondum usque ad sanguinem restitistis adversus peccatum repugnantesSelect Hebrews 12:4

5et obliti estis consolationis quae vobis tamquam filiis loquitur dicens fili mi noli neglegere disciplinam Domini neque fatigeris dum ab eo arguerisSelect Hebrews 12:5

6quem enim diligit Dominus castigat flagellat autem omnem filium quem recipitSelect Hebrews 12:6

7in disciplina perseverate tamquam filiis vobis offert Deus quis enim filius quem non corripit paterSelect Hebrews 12:7

8quod si extra disciplinam estis cuius participes facti sunt omnes ergo adulteri et non filii estisSelect Hebrews 12:8

9deinde patres quidem carnis nostrae habuimus eruditores et reverebamur non multo magis obtemperabimus Patri spirituum et vivemusSelect Hebrews 12:9

10et illi quidem in tempore paucorum dierum secundum voluntatem suam erudiebant nos hic autem ad id quod utile est in recipiendo sanctificationem eiusSelect Hebrews 12:10

11omnis autem disciplina in praesenti quidem videtur non esse gaudii sed maeroris postea autem fructum pacatissimum exercitatis per eam reddit iustitiaeSelect Hebrews 12:11

12propter quod remissas manus et soluta genua erigiteSelect Hebrews 12:12

13et gressus rectos facite pedibus vestris ut non claudicans erret magis autem saneturSelect Hebrews 12:13

14pacem sequimini cum omnibus et sanctimoniam sine qua nemo videbit DominumSelect Hebrews 12:14

15contemplantes ne quis desit gratiae Dei ne qua radix amaritudinis sursum germinans inpediat et per illam inquinentur multiSelect Hebrews 12:15

16ne quis fornicator aut profanus ut Esau qui propter unam escam vendidit primitiva suaSelect Hebrews 12:16

17scitote enim quoniam et postea cupiens hereditare benedictionem reprobatus est non enim invenit paenitentiae locum quamquam cum lacrimis inquisisset eamSelect Hebrews 12:17

18non enim accessistis ad tractabilem et accensibilem ignem et turbinem et caliginem et procellamSelect Hebrews 12:18

19et tubae sonum et vocem verborum quam qui audierunt excusaverunt se ne eis fieret verbumSelect Hebrews 12:19

20non enim portabant quod dicebatur et si bestia tetigerit montem lapidabiturSelect Hebrews 12:20

21et ita terribile erat quod videbatur Moses dixit exterritus sum et tremebundusSelect Hebrews 12:21

22sed accessistis ad Sion montem et civitatem Dei viventis Hierusalem caelestem et multorum milium angelorum frequentiaeSelect Hebrews 12:22

23et ecclesiam primitivorum qui conscripti sunt in caelis et iudicem omnium Deum et spiritus iustorum perfectorumSelect Hebrews 12:23

24et testamenti novi mediatorem Iesum et sanguinis sparsionem melius loquentem quam AbelSelect Hebrews 12:24

25videte ne recusetis loquentem si enim illi non effugerunt recusantes eum qui super terram loquebatur multo magis nos qui de caelis loquentem nobis avertimurSelect Hebrews 12:25

26cuius vox movit terram tunc modo autem repromittit dicens adhuc semel ego movebo non solum terram sed et caelumSelect Hebrews 12:26

27quod autem adhuc semel dicit declarat mobilium translationem tamquam factorum ut maneant ea quae sunt inmobiliaSelect Hebrews 12:27

28itaque regnum inmobile suscipientes habemus gratiam per quam serviamus placentes Deo cum metu et reverentiaSelect Hebrews 12:28

29etenim Deus noster ignis consumens estSelect Hebrews 12:29