21 Kings 2

1adpropinquaverant autem dies David ut moreretur praecepitque Salomoni filio suo dicensSelect 1 Kings 2:1

2ego ingredior viam universae terrae confortare et esto virSelect 1 Kings 2:2

3et observa custodias Domini Dei tui ut ambules in viis eius et custodias caerimonias eius et praecepta eius et iudicia et testimonia sicut scriptum est in lege Mosi ut intellegas universa quae facis et quocumque te verterisSelect 1 Kings 2:3

4ut confirmet Dominus sermones suos quos locutus est de me dicens si custodierint filii tui viam suam et ambulaverint coram me in veritate in omni corde suo et in omni anima sua non auferetur tibi vir de solio IsrahelSelect 1 Kings 2:4

5tu quoque nosti quae fecerit mihi Ioab filius Sarviae quae fecerit duobus principibus exercitus Israhel Abner filio Ner et Amasa filio Iether quos occidit et effudit sanguinem belli in pace et posuit cruorem proelii in balteo suo qui erat circa lumbos eius et in calciamento suo quod erat in pedibus eiusSelect 1 Kings 2:5

6facies ergo iuxta sapientiam tuam et non deduces canitiem eius pacifice ad inferosSelect 1 Kings 2:6

7sed et filiis Berzellai Galaaditis reddes gratiam eruntque comedentes in mensa tua occurrerunt enim mihi quando fugiebam a facie Absalom fratris tuiSelect 1 Kings 2:7

8habes quoque apud te Semei filium Gera filii Iemini de Baurim qui maledixit mihi maledictione pessima quando ibam ad Castra sed quia descendit mihi in occursum cum transirem Iordanem et iuravi ei per Dominum dicens non te interficiam gladioSelect 1 Kings 2:8

9tu noli pati esse eum innoxium vir autem sapiens es et scies quae facias ei deducesque canos eius cum sanguine ad infernumSelect 1 Kings 2:9

10dormivit igitur David cum patribus suis et sepultus est in civitate DavidSelect 1 Kings 2:10

11dies autem quibus regnavit David super Israhel quadraginta anni sunt in Hebron regnavit septem annis in Hierusalem triginta tribusSelect 1 Kings 2:11

12Salomon autem sedit super thronum David patris sui et firmatum est regnum eius nimisSelect 1 Kings 2:12

13et ingressus est Adonias filius Aggith ad Bethsabee matrem Salomonis quae dixit ei pacificusne ingressus tuus qui respondit pacificusSelect 1 Kings 2:13

14addiditque sermo mihi est ad te cui ait loquere et illeSelect 1 Kings 2:14

15tu inquit nosti quia meum erat regnum et me proposuerat omnis Israhel sibi in regem sed translatum est regnum et factum est fratris mei a Domino enim constitutum est eiSelect 1 Kings 2:15

16nunc ergo petitionem unam deprecor a te ne confundas faciem meam quae dixit ad eum loquereSelect 1 Kings 2:16

17et ille ait precor ut dicas Salomoni regi neque enim negare tibi quicquam potest ut det mihi Abisag Sunamitin uxoremSelect 1 Kings 2:17

18et ait Bethsabee bene ego loquar pro te regiSelect 1 Kings 2:18

19venit ergo Bethsabee ad regem Salomonem ut loqueretur ei pro Adonia et surrexit rex in occursum eius adoravitque eam et sedit super thronum suum positus quoque est thronus matri regis quae sedit ad dexteram eiusSelect 1 Kings 2:19

20dixitque ei petitionem unam parvulam ego deprecor a te ne confundas faciem meam dixit ei rex pete mater mi neque enim fas est ut avertam faciem tuamSelect 1 Kings 2:20

21quae ait detur Abisag Sunamitis Adoniae fratri tuo uxorSelect 1 Kings 2:21

22responditque rex Salomon et dixit matri suae quare postulas Abisag Sunamitin Adoniae postula ei et regnum ipse est enim frater meus maior me et habet Abiathar sacerdotem et Ioab filium SarviaeSelect 1 Kings 2:22

23iuravit itaque rex Salomon per Dominum dicens haec faciat mihi Deus et haec addat quia contra animam suam locutus est Adonias verbum hocSelect 1 Kings 2:23

24et nunc vivit Dominus qui firmavit me et conlocavit super solium David patris mei et qui fecit mihi domum sicut locutus est quia hodie occidetur AdoniasSelect 1 Kings 2:24

25misitque rex Salomon per manum Banaiae filii Ioiadae qui interfecit eum et mortuus estSelect 1 Kings 2:25

26Abiathar quoque sacerdoti dixit rex vade in Anathot ad agrum tuum es quidem vir mortis sed hodie te non interficiam quia portasti arcam Domini Dei coram David patre meo et sustinuisti laborem in omnibus in quibus laboravit pater meusSelect 1 Kings 2:26

27eiecit ergo Salomon Abiathar ut non esset sacerdos Domini ut impleretur sermo Domini quem locutus est super domum Heli in SiloSelect 1 Kings 2:27

28venit autem nuntius ad Ioab quod Ioab declinasset post Adoniam et post Absalom non declinasset fugit ergo Ioab in tabernaculum Domini et adprehendit cornu altarisSelect 1 Kings 2:28

29nuntiatumque est regi Salomoni quod fugisset Ioab in tabernaculum Domini et esset iuxta altare misitque Salomon Banaiam filium Ioiadae dicens vade interfice eumSelect 1 Kings 2:29

30venit Banaias ad tabernaculum Domini et dixit ei haec dicit rex egredere qui ait non egrediar sed hic moriar renuntiavit Banaias regi sermonem dicens haec locutus est Ioab et haec respondit mihiSelect 1 Kings 2:30

31dixitque ei rex fac sicut locutus est et interfice eum et sepeli et amovebis sanguinem innocentem qui effusus est a Ioab a me et a domo patris meiSelect 1 Kings 2:31

32et reddat Dominus sanguinem eius super caput eius quia interfecit duos viros iustos melioresque se et occidit eos gladio patre meo David ignorante Abner filium Ner principem militiae Israhel et Amasa filium Iether principem exercitus IudaSelect 1 Kings 2:32

33et revertetur sanguis illorum in caput Ioab et in caput seminis eius in sempiternum David autem et semini eius et domui et throno illius sit pax usque in aeternum a DominoSelect 1 Kings 2:33

34ascendit itaque Banaias filius Ioiadae et adgressus eum interfecit sepultusque est in domo sua in desertoSelect 1 Kings 2:34

35et constituit rex Banaiam filium Ioiadae pro eo super exercitum et Sadoc sacerdotem posuit pro AbiatharSelect 1 Kings 2:35

36misit quoque rex et vocavit Semei dixitque ei aedifica tibi domum in Hierusalem et habita ibi et non egredieris inde huc atque illucSelect 1 Kings 2:36

37quacumque autem die egressus fueris et transieris torrentem Cedron scito te interficiendum sanguis tuus erit super caput tuumSelect 1 Kings 2:37

38dixitque Semei regi bonus sermo sicut locutus est dominus meus rex sic faciet servus tuus habitavit itaque Semei in Hierusalem diebus multisSelect 1 Kings 2:38

39factum est autem post annos tres ut fugerent servi Semei ad Achis filium Maacha regem Geth nuntiatumque est Semei quod servi eius essent in GethSelect 1 Kings 2:39

40et surrexit Semei et stravit asinum suum ivitque in Geth ad Achis ad requirendos servos suos et adduxit eos de GethSelect 1 Kings 2:40

41nuntiatum est autem Salomoni quod isset Semei in Geth de Hierusalem et redissetSelect 1 Kings 2:41

42et mittens vocavit eum dixitque illi nonne testificatus sum tibi per Dominum et praedixi tibi quacumque die egressus ieris huc et illuc scito te esse moriturum et respondisti mihi bonus sermo audiviSelect 1 Kings 2:42

43quare ergo non custodisti iusiurandum Domini et praeceptum quod praeceperam tibiSelect 1 Kings 2:43

44dixitque rex ad Semei tu nosti omne malum cuius tibi conscium est cor tuum quod fecisti David patri meo reddidit Dominus malitiam tuam in caput tuumSelect 1 Kings 2:44

45et rex Salomon benedictus et thronus David erit stabilis coram Domino usque in sempiternumSelect 1 Kings 2:45

46iussit itaque rex Banaiae filio Ioiadae qui egressus percussit eum et mortuus estSelect 1 Kings 2:46