31 Kings 3

1confirmatum est igitur regnum in manu Salomonis et adfinitate coniunctus est Pharaoni regi Aegypti accepit namque filiam eius et adduxit in civitatem David donec conpleret aedificans domum suam et domum Domini et murum Hierusalem per circuitumSelect 1 Kings 3:1

2et tamen populus immolabat in excelsis non enim aedificatum erat templum nomini Domini usque in die illoSelect 1 Kings 3:2

3dilexit autem Salomon Dominum ambulans in praeceptis David patris sui excepto quod in excelsis immolabat et accendebat thymiamaSelect 1 Kings 3:3

4abiit itaque in Gabaon ut immolaret ibi illud quippe erat excelsum maximum mille hostias in holocaustum obtulit Salomon super altare illud in GabaonSelect 1 Kings 3:4

5apparuit Dominus Salomoni per somnium nocte dicens postula quod vis ut dem tibiSelect 1 Kings 3:5

6et ait Salomon tu fecisti cum servo tuo David patre meo misericordiam magnam sicut ambulavit in conspectu tuo in veritate et iustitia et recto corde tecum custodisti ei misericordiam tuam grandem et dedisti ei filium sedentem super thronum eius sicut et hodieSelect 1 Kings 3:6

7et nunc Domine Deus tu regnare fecisti servum tuum pro David patre meo ego autem sum puer parvus et ignorans egressum et introitum meumSelect 1 Kings 3:7

8et servus tuus in medio est populi quem elegisti populi infiniti qui numerari et supputari non potest prae multitudineSelect 1 Kings 3:8

9dabis ergo servo tuo cor docile ut iudicare possit populum tuum et discernere inter malum et bonum quis enim potest iudicare populum istum populum tuum hunc multumSelect 1 Kings 3:9

10placuit ergo sermo coram Domino quod Salomon rem huiuscemodi postulassetSelect 1 Kings 3:10

11et dixit Deus Salomoni quia postulasti verbum hoc et non petisti tibi dies multos nec divitias aut animam inimicorum tuorum sed postulasti tibi sapientiam ad discernendum iudiciumSelect 1 Kings 3:11

12ecce feci tibi secundum sermones tuos et dedi tibi cor sapiens et intellegens in tantum ut nullus ante te similis tui fuerit nec post te surrecturus sitSelect 1 Kings 3:12

13sed et haec quae non postulasti dedi tibi divitias scilicet et gloriam ut nemo fuerit similis tui in regibus cunctis retro diebusSelect 1 Kings 3:13

14si autem ambulaveris in viis meis et custodieris praecepta mea et mandata mea sicut ambulavit pater tuus longos faciam dies tuosSelect 1 Kings 3:14

15igitur evigilavit Salomon et intellexit quod esset somnium cumque venisset Hierusalem stetit coram arca foederis Domini et obtulit holocausta et fecit victimas pacificas et grande convivium universis famulis suisSelect 1 Kings 3:15

16tunc venerunt duae mulieres meretrices ad regem steteruntque coram eoSelect 1 Kings 3:16

17quarum una ait obsecro mi domine ego et mulier haec habitabamus in domo una et peperi apud eam in cubiculoSelect 1 Kings 3:17

18tertia vero die postquam ego peperi peperit et haec et eramus simul nullusque alius in domo nobiscum exceptis nobis duabusSelect 1 Kings 3:18

19mortuus est autem filius mulieris huius nocte dormiens quippe oppressit eumSelect 1 Kings 3:19

20et consurgens intempesta nocte silentio tulit filium meum de latere meo ancillae tuae dormientis et conlocavit in sinu suo suum autem filium qui erat mortuus posuit in sinu meoSelect 1 Kings 3:20

21cumque surrexissem mane ut darem lac filio meo apparuit mortuus quem diligentius intuens clara luce deprehendi non esse meum quem genueramSelect 1 Kings 3:21

22responditque altera mulier non est ita sed filius tuus mortuus est meus autem vivit e contrario illa dicebat mentiris filius quippe meus vivit et filius tuus mortuus est atque in hunc modum contendebant coram regeSelect 1 Kings 3:22

23tunc rex ait haec dicit filius meus vivit et filius tuus mortuus est et ista respondit non sed filius tuus mortuus est et filius meus vivitSelect 1 Kings 3:23

24dixit ergo rex adferte mihi gladium cumque adtulissent gladium coram regeSelect 1 Kings 3:24

25dividite inquit infantem vivum in duas partes et date dimidiam partem uni et dimidiam partem alteriSelect 1 Kings 3:25

26dixit autem mulier cuius filius erat vivus ad regem commota sunt quippe viscera eius super filio suo obsecro domine date illi infantem vivum et nolite interficere eum contra illa dicebat nec mihi nec tibi sit dividaturSelect 1 Kings 3:26

27respondens rex ait date huic infantem vivum et non occidatur haec est mater eiusSelect 1 Kings 3:27

28audivit itaque omnis Israhel iudicium quod iudicasset rex et timuerunt regem videntes sapientiam Dei esse in eo ad faciendum iudiciumSelect 1 Kings 3:28