51 Peter 5

1seniores ergo qui in vobis sunt obsecro consenior et testis Christi passionum qui et eius quae in futuro revelanda est gloriae communicatorSelect 1 Peter 5:1

2pascite qui est in vobis gregem Dei providentes non coacto sed spontanee secundum Deum neque turpis lucri gratia sed voluntarieSelect 1 Peter 5:2

3neque ut dominantes in cleris sed formae facti gregi et ex animoSelect 1 Peter 5:3

4et cum apparuerit princeps pastorum percipietis inmarcescibilem gloriae coronamSelect 1 Peter 5:4

5similiter adulescentes subditi estote senioribus omnes autem invicem humilitatem insinuate quia Deus superbis resistit humilibus autem dat gratiamSelect 1 Peter 5:5

6humiliamini igitur sub potenti manu Dei ut vos exaltet in tempore visitationisSelect 1 Peter 5:6

7omnem sollicitudinem vestram proicientes in eum quoniam ipsi cura est de vobisSelect 1 Peter 5:7

8sobrii estote vigilate quia adversarius vester diabolus tamquam leo rugiens circuit quaerens quem devoretSelect 1 Peter 5:8

9cui resistite fortes fide scientes eadem passionum ei quae in mundo est vestrae fraternitati fieriSelect 1 Peter 5:9

10Deus autem omnis gratiae qui vocavit nos in aeternam suam gloriam in Christo Iesu modicum passos ipse perficiet confirmabit solidabitSelect 1 Peter 5:10

11ipsi imperium in saecula saeculorum amenSelect 1 Peter 5:11

12per Silvanum vobis fidelem fratrem ut arbitror breviter scripsi obsecrans et contestans hanc esse veram gratiam Dei in qua stateSelect 1 Peter 5:12

13salutat vos quae est in Babylone cumelecta et Marcus filius meusSelect 1 Peter 5:13

14salutate invicem in osculo sancto gratia vobis omnibus qui estis in Christo EXPLICIT EPISTULA PETRI ·I·Select 1 Peter 5:14