112 Corinthians 11

1utinam sustineretis modicum quid insipientiae meae sed et subportate meSelect 2 Corinthians 11:1

2aemulor enim vos Dei aemulatione despondi enim vos uni viro virginem castam exhibere ChristoSelect 2 Corinthians 11:2

3timeo autem ne sicut serpens Evam seduxit astutia sua ita corrumpantur sensus vestri et excidant a simplicitate quae est in ChristoSelect 2 Corinthians 11:3

4nam si is qui venit alium Christum praedicat quem non praedicavimus aut alium spiritum accipitis quem non accepistis aut aliud evangelium quod non recepistis recte patereminiSelect 2 Corinthians 11:4

5existimo enim nihil me minus fecisse magnis apostolisSelect 2 Corinthians 11:5

6et si inperitus sermone sed non scientia in omnibus autem manifestatus sum vobisSelect 2 Corinthians 11:6

7aut numquid peccatum feci me ipsum humilians ut vos exaltemini quoniam gratis evangelium Dei evangelizavi vobisSelect 2 Corinthians 11:7

8alias ecclesias expoliavi accipiens stipendium ad ministerium vestrumSelect 2 Corinthians 11:8

9et cum essem apud vos et egerem nulli onerosus fui nam quod mihi deerat suppleverunt fratres qui venerunt a Macedonia et in omnibus sine onere me vobis servavi et servaboSelect 2 Corinthians 11:9

10est veritas Christi in me quoniam haec gloria non infringetur in me in regionibus AchaiaeSelect 2 Corinthians 11:10

11quare quia non diligo vos Deus scitSelect 2 Corinthians 11:11

12quod autem facio et faciam ut amputem occasionem eorum qui volunt occasionem ut in quo gloriantur inveniantur sicut et nosSelect 2 Corinthians 11:12

13nam eiusmodi pseudoapostoli operarii subdoli transfigurantes se in apostolos ChristiSelect 2 Corinthians 11:13

14et non mirum ipse enim Satanas transfigurat se in angelum lucisSelect 2 Corinthians 11:14

15non est ergo magnum si ministri eius transfigurentur velut ministri iustitiae quorum finis erit secundum opera ipsorumSelect 2 Corinthians 11:15

16iterum dico ne quis me putet insipientem alioquin velut insipientem accipite me ut et ego modicum quid glorierSelect 2 Corinthians 11:16

17quod loquor non loquor secundum Dominum sed quasi in insipientia in hac substantia gloriaeSelect 2 Corinthians 11:17

18quoniam multi gloriantur secundum carnem et ego gloriaborSelect 2 Corinthians 11:18

19libenter enim suffertis insipientes cum sitis ipsi sapientesSelect 2 Corinthians 11:19

20sustinetis enim si quis vos in servitutem redigit si quis devorat si quis accipit si quis extollitur si quis in faciem vos caeditSelect 2 Corinthians 11:20

21secundum ignobilitatem dico quasi nos infirmi fuerimus in quo quis audet in insipientia dico audeo et egoSelect 2 Corinthians 11:21

22Hebraei sunt et ego Israhelitae sunt et ego semen Abrahae sunt et egoSelect 2 Corinthians 11:22

23ministri Christi sunt minus sapiens dico plus ego in laboribus plurimis in carceribus abundantius in plagis supra modum in mortibus frequenterSelect 2 Corinthians 11:23

24a Iudaeis quinquies quadragenas una minus accepiSelect 2 Corinthians 11:24

25ter virgis caesus sum semel lapidatus sum ter naufragium feci nocte et die in profundo maris fuiSelect 2 Corinthians 11:25

26in itineribus saepe periculis fluminum periculis latronum periculis ex genere periculis ex gentibus periculis in civitate periculis in solitudine periculis in mari periculis in falsis fratribusSelect 2 Corinthians 11:26

27in labore et aerumna in vigiliis multis in fame et siti in ieiuniis multis in frigore et nuditateSelect 2 Corinthians 11:27

28praeter illa quae extrinsecus sunt instantia mea cotidiana sollicitudo omnium ecclesiarumSelect 2 Corinthians 11:28

29quis infirmatur et non infirmor quis scandalizatur et ego non urorSelect 2 Corinthians 11:29

30si gloriari oportet quae infirmitatis meae sunt gloriaborSelect 2 Corinthians 11:30

31Deus et Pater Domini Iesu scit qui est benedictus in saecula quod non mentiorSelect 2 Corinthians 11:31

32Damasci praepositus gentis Aretae regis custodiebat civitatem Damascenorum ut me conprehenderetSelect 2 Corinthians 11:32

33et per fenestram in sporta dimissus sum per murum et effugi manus eiusSelect 2 Corinthians 11:33